لا يمكن عرض الصّورة ”http://www.ameinfo.com/images/news/2/30422-barn.jpg“، لأنّها ت�توي أخطاء.

بارني الشخصية الكرتونيه الاكثر من رائعه :) ..

بصراحه وراح اكون واقعيه ، ماشفت كثير من حلقات بارني :) لانى كنت احس انه “يطفش ” ,, بس غريبة ان ( مودي ) ولد ضايع اخوي يندمج كثير لبارني وحبة لبارني وكل شي بهالدنيا يسمية بارني ..

” الصباح اول مايدخل بيتنا يصرخ بارني >> ويشغلون التلفزيون على بارني ”

واول كلمة نطقها قبل ماما وبابا قال ( بارني ) >> وانا عمته للحين ماقال اسمي :( ..

حلقات بارني دائما تنقل الفائده للاطفال وممتعه ..

وهذا حلقة من حلقات بارنــــــــــــي .. وعلى قولة مودي ” باني”

[youtube=http://www.youtube.com/watch?v=F5JZtS0se-w&rel=1]

مودي لما سافروا امه وابوة وخلوة عندنا :) ،، صحى ذاك اليوم نص الليل واصر انه يشوف بارني ( الحمدلله عندنا شريطين بارني ينعاد باليوم 100 مرة :( ) , غريبة هالبارني اللى جاذب الاطفال ” انا بالنسبة لى توم جيري احلى ”

بس تعرفون الغرب لما يجون يسون شخصية كرتونية وللاطفال يدرسونها دراسه كاملة ” اتوقع ” ويطلع الفلم الكرتوني مضبوط وصحيح ومفيد ، حتى بختيار الالوان لازم يكون لهم هدف ومختارين الالوان بطريقة ممتازة ..

وبارني من الافلام الكرتونية اللى مافيها رجه ويصدق الراس ..

ملاحظة من عندي مادري اذا كانت صحيحة او لا ( لما تتابع بارني تحس انك تصير ريلاكس بزياده ، بس تعال شوف سبيس تون تحس كل الشياطين تطلع والحركية تزيد )

الحين في بارني (بالعربي والانجليزي ) اللى بالعربي يسد النفس وصوته مقرف .. والانجليزي مايحتاج نقاش انه رائع …

تعرفون الفلم الكرتوني ( تليتابيز)”teletubbies” الاربع اصدقاء مادري اخوان ( ملونين )

http://blogg.visir.is/politik/files/2007/10/teletubbies.jpg

زي ماسمعت انهم بالفرنسي قصتهم غير ، وبالانجليزي غير..

وبالعربي يتحركون بدون هدف ولا فائده غير اجسامهم الثقيلة ويركضون :( ،، ومع هذا الاطفال يحبونهم ومنجذبين لهم ..

بنت اختي لما كانت صغيرة كانت تمووت على شئ اسمة ( تليتابيز )

كيف ولية وشلون ؟ >> اسئلة تبحث عن اجابة :)

الحين لو الدمى حقتنا العربية زي ( بابا فرحان ) مستحيل اي بزر بيجلس يشوفة ,, او الدمى المتحركة الثقيلة الدم :( استغفر الله العظيم

لا شكل ولا قصة ولا حتى اهم شئ ( الالوان ) مايجذب الطفل للاسف …

اتمنى اشوف الرجال اللى لابس بارني :)

وبهذي الطريقة وصل بارني الى جميع المنازل ، لان كبار وصغار بيحبووهـ

[youtube=http://www.youtube.com/watch?v=kIUKrvWZn-Y&rel=1]

“” تخيلوا بالسوق يبيعون لعبة بارني تغني ياطيبة :( ،، الله يهديهم يخربون الشخصية والانشودة :(

في احد يقدر يفكر بفكرة شخصية كرتونيه ويدرسها دراسة كاملة ويخلي الصغار والكبار يحبونه .. وينقل الفائده لاطفالنا اللى بدون هدف بهذي الحياة :) لان ماصار التلفزيون ينقل لهم فائده زي قبل .. الله يرحم برامج ايام زمان كل شئ ينقل فائده ..

لا يمكن عرض الصّورة ”http://alwafa-me.net/wp-content/uploads/2007/04/barney.gif“، لأنّها ت�توي أخطاء.

30 ردود


هل تريد التعليق?

تعليقات RSS and TrackBack Identifier URI ?

ربك ستر و ما سويتي إللي في بالك

بس خلينا نشوف لبكره و بعدها نقرر مين حيذبح مين ؟؟؟؟

29 يناير 2008 1:16 ص

عمري ما أتفرجته بس أحسه ثقيل دم

و على قولك توم وجيري أحلى بكتيييييييير

و لا عدنان و لينا ….. إيش الله قال فيهم

و أحياناً تيمون و بومبا يكون حلو علي حسب المود

هههههههه

أول تعليق و تاني تعليق

29 يناير 2008 1:21 ص

بابا فرحان !!!!!!! … وام الخير ….

والله زمااااااااااان ، ذكرتيني بالذي مضى ….. هههه

ظلمتيهم والله ، من أحب المسلسلات لقلبي

.
بالنسبة لبارني تابعته من زمان على النسخة الإنجليزية وكان جميل جداً ، النسخة العربية قلبت الفكرة لدي عنه لذا لم أتابعه .

تليتابيز …. قمة السخافة ( مجرد رأي ) …

فعلاً الله يرحم أيام زمان ، ،،،
أيام ” هايدي ، فتاة الجبال ” …. لو يعيدو عرضها ولو مرة بس ….

بوست جميل جداً

في آمان الله

رادار

29 يناير 2008 1:27 ص

شوفي باختصار شديد جدا

الاشياء هذه تسير بدراسة !

عندنا تسير بشختك بختك

29 يناير 2008 2:10 ص

افتح ياسمسم أبوابك نحن الأطفاااااال >> كح كح غبااااار :)

^
^
يا إني كنت أحبه بشكل يخليني ألحين أضحك على عمري خخخخخخخخ

تصدقين ماعمري شفته بارني بس أسمع عنه > اسمه يتداولونه البزران في

سواليفهم ^ـــ^

ياليت يطلعون شخصية مرحة وجميلة وتنقل الفائدة لأطفالنا وتناسب مجتمعنا

حتى لو قلدوها الأطفال يقلدون شي صح مو ننقل ثقافة الأجانب وبس :(

شكراً مضيعة بوست جميل :)

29 يناير 2008 2:19 ص

بارني اذكر اغنيتهم تقولi love you >>>you love me<<<<we are a best family

حلقاته جدا تجذب الانتباه خاصة المؤثرات من موسيقى و رقص و العاب و الالوان

اما على طاري العرب….مثل ما قلتي شغلهم في المسلسلات الكرتونيه x
مثل قطعه 13 الي ما غير يستخدمون فيه كلمات تطنز و سب!!!

29 يناير 2008 2:25 ص

دوينه جميله أعادتنا للواراء قليلاً
كنت أقرأ في تدوينك لا أفكر في في شخصية عربية تجذب الأطفال فقط بل أفكر في شخصيه هادفه تنقل الفوائد ويقوم الاطفال بالاقتداء بها
لأن مايظهر هادفاً لايكون بمستوى قوة الشخصيات الاجنبية قصة وفكرة والوان وعوامل جذب والمؤثرات الصوتيه وانتاج واخراج
جميع هذه العوامل لها الاثر في جذب الطفل
قديماً برنامج افتح ياسمسم برنامج تلفزيوني تعليمي رائع الجميل انه تعليمي استطاع الصغار ان يعرفوا الحروف والارقام والجمل في سن مبكره ولكنه توقف لخلافات او تسلط من اصحاب البرنامج الاصلي (سيسمي ستريت ) الامريكي الذي قرأت انه يأخذون مبلغ طائل على حقوق الاسم فقط والبرنامج تحت اشرافهم
فهل نعيد برنامجاً تعليمياً هادفاً متميز في الانتاج والاخراج والشخصيات والهدف الذي أنشيء لأجله؟؟
نحن نستطيع ولدينا الامكانيات فمن يقوم بمثل هذا؟

<<<اعذريني مضيعه تفلسفت شوي:D

29 يناير 2008 3:16 ص

هههههههههههههه مضيعتهم
بارني وتليتبيز ادماااااااااان عند عيال اختي
يموتون عليه
بعدين بارني رهيبه منها يتعلمون انقليزي ومع انهم دبش بس يتفرجون وبس هههههه
توم وجيري < عشقي يومي بزر
وحتى هم :D يحبونها

اي والله ياليت نسوي شخصيه حلو ه مثل افتح ياسمسم القديم
عبله و نعمان وملسون
ياحلوهم كانت ايام حلوه ايام الطفوله
تدرين من ادماني لها كنت ماتكلم الا عربي فصحى :D
هههههههه كانت الابله حقت الروضه تقول لامي ان بنتك ماتتكلم الا عربي فصيح ماشاءالله كل هذا حرص خخخخخخخ تراه كله من افتح ياسمسم القديم

29 يناير 2008 4:45 ص

تسلسل بناء الشخصية لديهم:
1. تحديد الفكرة الأساسية ولاعب الدور الرئيسي..
2. إنتاج مسلسل أول..
3. مراجعة الأخطاء في المسلسل الأول
4. ربط الشخصية بالطفل من خلال تتالي الإنتاج..
5. تصميم أدوات مدرسية للشخصية..
6. تصميم ألعاب للشخصية..
7. توالي النجاح مثل عالم ديزني..

تسلسل بناء الشخصية لدينا..
1. تحديد الفكرة مثل عالم قرناس..
2. تصميم أدوات مدرسية للشخصية..
3. طرحها للأسواق بشكل مكثف..
4. فشل المشروع..
5. الناتج خسائر بالملايين..

شكراً لكم

29 يناير 2008 7:38 ص

سبحان الله مالي ارتباط مرة مع افلام كرتون صحيح كنتا أجلس عليها بس ما أحسها مرة تشدني من صغري يمكن أحلى حاجة أتذكرها كابتن ماجد وفلونة أححلى شخصيتين :mrgreen:
بارني أختي جولي تحبه :D

تدوينة حلوة يا قمر:)
تسلمين

29 يناير 2008 7:49 ص

كأنك تتكلمي عن مجاهد :D
بارني أو بابي على قوله من أحب الشخصيات لقلبه
عنده استعداد يجلس ساعااااااااااااااات قدام التي في بس عشان يشوف بارني
الحمد لله انه ماوصل لدرجة يصحى من النوم عشان بارني :/ حموت وقتها انا :(

لما رحنا السعودية اول ما وصلنا مصادفة كانوا عارضين بارني بالعربي على السبيس تون اعتقد.. مسكين ولدي وقتها بلّــــــــــــــم !! ما فهم لهم ولا استساغهم ابداً وصرت بس ادور عليهم في الMBC3 .. والمشكلة حتى الMBC3 كلها افلام كرتونية للمراهقين .. حسيت نفسي خربت الانجلش وقتها.. صح كنت ابغاه يعدّل العربي بس بدون ما يخرب الانجلش اللي عنده..

اتذكر مرة شغلنا عدنان ولينا في البيت.. جلسنا انا وابوه نتفرج وهم راحوا يلعبوا :D اشوا انه اولادي مو معترفين بالكارتون العربي من اساسه خخخ

29 يناير 2008 9:08 ص

بارني يوووه زمااان كنت احبهـ بس الحين ما أتحمل اشوفه ثقيل دم..بس الاطفال يحبوه وهو هادف..
طبعاً الغرب دائما متقدمين علينا..حتى في مسلسلات الاطفال..
سلمتِ..
شموخ..

29 يناير 2008 11:10 ص

اجل وش اقول عن ولدي فهد اللي ذبحنا بتوم وجيري ….مسبب ازمة في البيت الله يصلحه ….احس اطفال هالجيل متعلقين اكثر منا بالكرتون ….وتوفرت لهم القنوات …..ولكن من يستغل هذه الميزة في تقديم ماهو مفيد للطفل ….ماهو حنا اول القناة الاولى وتنتظر يوم كامل لين تشوف عدنان ولينا وهايدي

29 يناير 2008 12:59 م

هههههههههههههههههههههه
ينشدو ياطيبة .. ياشيخة والله عرايس الأسواق هبل من جد .. والله ماعندهم سالفة اي شي يلصقوه في ياطيبة ..
تليتابيز تعجبني الوانه مع انو قصته ماعندك احد .. بس لزيز للاطفال ..

هههه قلتيلي بابا فرحان .. هذا جيلنا يامضيعة مو دحين .. والله كنا طيبين ونحب بابا فرحان وعيلته ..
:)

29 يناير 2008 11:14 م

كل ما افتح التلفزيون و بالغلط على قنوات الاطفال.. بحمد ربي 100 مره انه اخوي الصغير تعدى مرحله بارني و تلتبيز..
لإني عنجد ما كنت اطيقهم.. بارني ممكن شوي اتحمله .. بس تليتبيز و الشمس اللي معاه .. مش عارفه ايش اللي بشد الصغار عليه..

انا بذكر على وقني كان في sesami street و عالم سمسم و برنامج كويتى ناسيه ايش اسمه ( في ناس لابسه زي بارني بس عربي.. دب او بسه مو متذكره) .. كنا نشوفها بالدنيا..
و توم اند جيري ما عليها نقاش.. مافي حدا مابحبها..

كل وقت إله ناسه..و كل بارني و إله محبينه..

30 يناير 2008 4:28 ص

من غير انه برناي مسل

انا اعتبره مفيـــــــــــــــــد جدا اذا تابعتيه بالانجليزي

20 مارس 2008 11:41 ص

(( غريبة هالبارني اللى جاذب الاطفال ” انا بالنسبة لى توم جيري احلى ”))

لقيت أحد يعاني مثل الحالة اللي أنا فيهــا..!
سبحان الله!!

ولد أخوي مره (باني باني)
شفتي الصورة اللي في أول الموضوع حفظتها وركبت صورته عليهـا
أنهبــــــل ..
هههههههههههههههههه

ولا تلي تبيز
أي شخصية من ديزني (ما أدري وش جاب لجاب)
(تباليز)
<– تغير جذري في الأســم..! :D

والله لو أتكلم من اليوم إلى بكرة ..
ما أخلص
عاد لو أوريه المقطع اللي فوق وش بيسوي هع
بأوريه وأرجع أقولك ردة فعله..

عنده بعد شنطة فيها بارني طالع
أووووف يعشقها بشكل مب طبيعي ..

ويوم سويت له بالجوخ صورة بارني (بأنزلهـا في وحده من التدوينات إن شاء الله)
وحطيت وراها مغناطيس ..
وعلى الثلاجة جنب صورته ..
يقول (بااااارني .. هههههههههههههه .. بارني)
بطريقة تعجب ..

وتلي تبيز ..
ألوانهم غصب تجذب الصغار
ولا ليه فااااقعة وغير بعض.!

وإذا شافني على النت (بفمه..باني .. شيله)
يبيني أفتح قوقل الصور وأدور له :D

معليش طولت حكي
بس لقيت أحد مثلي
وشكيت له الحال :P

بسووووم

26 مارس 2008 5:30 م

BacK

انهبل عليهــا

((بااااااااااااااااااااااااااااني .. اههههه اههههه ..)) وفق خشته ..

نقلته دعوة:
(يارب .. أن توفق مضيعة بيتهم)
وش رايك..؟!

هههههههههههههه
لوتسمعينه الله لايضره

مستعجل
يقول
(لالالالالالا حطي هذي وأسمع بارني)

قصده على أرسل التعليق وأسمع بارني *_*

26 مارس 2008 9:04 م

ايش احكي عن اولادي الي بل عافيه بدرسو الي عليهوم من ديراسه و واجب بسبب افلام الا كرتون
وخاصه برنمج توم وجيري عنو ما بتحركو لمايبداء شو انا اعمل معهوم احكولي

15 أبريل 2008 11:14 م

ايش احكي عن اولادي الي بل عافيه بدرسو الي عليهوم من ديراسه و واجب بسبب افلام الا كرتون
وخاصه برنمج توم وجيري عنو ما بتحركو لمايبداء شو انا اعمل معهوم احكولي

15 أبريل 2008 11:14 م

صدج ان بارني لان ولدي الصغيرون وايد احبة و حاشررني فيه حشره

20 أبريل 2008 10:09 م

ميره تسلم عليكم وتقولكم بارني الي حطيتوه وايد حلو وتبا تعرف من وين ماخذين لعبته .. خبروها عشان اتخسرني واشتريلها اللعبه
شكرا

24 أبريل 2008 8:27 ص

يارني وتلتبيز تنكي ونكي والله ايام مع اختي الصغيرة
اما ع ايامنا افتح ياوطني ابوابك << يعني انهاا صغيرة مو سمسم (:
يسعد مساءك

3 مايو 2008 10:40 م

كرتون بارني جميل ولطيف وهوايضا يعد من الأفلام الكرتونيه التعليمية

1 يونيو 2008 12:22 ص

ياااااااي بااااااااارني !!! :6:
قلوب من هنا الييييييين هناك عنده :46:

الغريب في الامر اني ما كنت ادري عنه وانا صغيرة …. ما عرفته الا لمن كنت في الثنوي تقريبا
واُغرمت به جدن جدن جدن :46:

خاصة اغنية (I LOVE YOU..YOU LOVE ME) <<<قسم ادمع احيانا اذا سمعتها احسها تحمل مشاعر داااااااافئة بسيطة وواضحة :22:

وكمان اغنية (Let’s jump & sing we can do any thnig it’s a fun fun sunny day) تحمس ! :52:

هممم اش كمان هع <<<متابعه كل البوماته :15:

(just imagin) <<<توسع الخيال :22:

عاد اغنية (MY big brother ) دايم اغنيها لاخوي اذا فرحني بشي ..كشكر عرفان له <<أمحق عرفان ! :s

واللتي كلماتها ..

MY big brother he is number one
when we together we have alot of fun
some times he makes me mad
but i’m glad that i have a brother

بس البيت اللي قبل الاخير يخرب الشكر والعرفان :15:

^مضيعة خلي الكلام اللي فوق بيني وبينك … لا احد يعرف :@:
عندي ناس تصفني بالجنون والغرابة والبزرنة بما فيه الكفاية ! :wow:

3 مايو 2009 10:05 م

يا جماعة أريد موضوع عن تأثير برنامج تليتابيز على الأطفال من بعد إذنكن مستعجل جدا جدا ولكم الأجر والثواب مشان مشروع التخرج

11 يونيو 2009 10:43 م

:harte: :harte: i love you

28 أبريل 2010 3:50 م

يعطيك العافيه + موفق ان شاء الله :oops: :Thanks:

20 أبريل 2011 5:04 م

:oops: :?: :?: :?: :-P :love: تلي تبيز اموت فيه وانتو انا اسمس منى من جدة

14 أكتوبر 2011 12:42 م

:love: احبة مرة اهلين كيفكم مرة حلو تلي تبز

14 أكتوبر 2011 12:43 م

سجل تعليقك الآن !
















Trackbacks