احم احــــــــــــم >> فرحانه :)

بعد تفكير عميق لفكرة البحث تم اختياري لموضوع البحث ( ماهو التدوين ؟) .

أول شئ :

اتوجه بالشكر الجزيل الى كل من قدم المساعده ولو بالقليل للاخت : مضيعه بيتهم ،، ودعمها في بحثها اللى نص كم :) بصراحة مادري كيف اشكركم ،، واشكر طبعا “مضيع” اللى مسكين تعب واهو يقولي (اووووف زهقتيني ) له جزيل الشكر على صبرة وتحملة مع انه ماقدم الكثير توقعت يقدم اكثر :) لكن ماقصر رايته بيضه طول عمرهـ :) ،، وشكرا للمساعدات الخارجية ، وشكرا للى عطوني مقاطع الفيديو ،، وشكرا للى عطوني مركز تحميل :) وشكرا للى علموني من وين (حفظ باسم ) وشكرا للى يقرون البوست :)

كان هدفي من هذا البحث ..

1- ايصال للناس كلمة تدوين” يدون ، مدونة ” ،2- ماهو التدوين ، 3- كيف تصبح مدون !!

وكنت حابة اختار موضوع ممتع وبنفس الوقت ينقل فائدهـ للطالبات …

البحث كان يتكون من ( ملزمة البحث + عرض بوربوينت + شرح البحث )

الملزمة :

بداية جمعة المعلومات من بعض المدونات + بمساعده المدونة ( هديل) الله يجزاها كل خير ،، ومن (مدونة سامي منصور ) ومن مدونتي اخذة اراء المدونين بالتدوين (ماذا يعني لك التدوين )وماكان ضروري ان صفحات البحث تكون كثير او نتعمق بموضوع البحث كثير ..

حاولة ايصال الفكرة التدوين بشكل بسيط وواضح يستفيد منه الكل ، وكان البحث مختصر جدا جدا ( بالعربي “نقطة من بحر التدوين” )..

عرض البوربوينت :

بديت ترتيب الشرايح ،، كنت راح احط كلام كثير ، بس عرض البوربوينت لما يكون كلام كثير يضيع الشخص وهو يقرأ الكلام ويسمع الشرح :) ،، اكتفيت بعمل “برنت سكرين” على صفحات المدونات + بعض العبارات البسيطة ..” احترت وانا اختار المدونات ،وبالاخير فكرة ايش المدونة اللى اقدر اتكلم عنها وانواع بالمدونات “

تناولة (5) نقاط بالعرض ..

* تعريف التدوين

*متى بدأ التدوين ، واهميته

* مواقع لبناء المدونات

* جوله في عالم التدوين

* مواقع لجمع التدوينات ” وتجمع المدونين “

الشرح:

هذا الرابط فادني جدا جدا بالشرح ,,اشكر كل الشكر اسماء اللى عطتني هالرابط ( كليك هير ) اخذة بعض المعلومات وشرحتها بالمحاضرة ،، اما المقطع الفيديو اللى طلبته منكم , شكر خاص لراكان لانه عطاني الريل بلير 11 من جد خطير الريل بلير الجديد ماتوقعت انه لهذي الدرجة خطير :) ” بس مادري وين تنزل المقاطع الفيديو بالجهاز على فكرة ” ،، وبالعرض تم عرض مقطع فيديو من مدونة صالح الزيد , اللى افادتني ( كليك هير ) ،، وشكر للمدون أحمد بدرة ،،تمنيت انه ارسلي المقطع قبل المحاضرة ..

الاسئلة اللى اسئلوني اياها البنات :-

1- الفرق بين المدونة والاسبيس ؟ ( انا كنت بقول الفرق بس خفت انهم مايعرفون الاسبيس وادخل في متاهة ثانية لما جاء السؤال من عندهم بصراحة فرحة :) )

2- الفرق بين المدونة والمنتدى ؟

3- شلون الناس تعرف مدونتي لما افتح مدونة ؟

4- مالفائده من تدوين يومياتنا؟

(( هذي الاسئلة اللى اتذكرها الان ))

نتائج الاستبانه :-

عطيت كل البنات ورقة فيها اسئلة وسويت استبانه :) وهذي النتايج ..

سئلة سؤال نهاية الورقة

* اذكري الاهداف التي استفدتي منها في المحاضرة ؟

كان بس (11) تعليق وصلني من البنات ومن ظمن التعليقات وحده من صديقاتي (ف.ع) قالت ( اكلنا كاكاو ) ،، لان وزعنا شوكولاته وقهوة :) >> امحق فائده بس خخخخ

وقبل لا تنتهي المحاضرة وزعت على البنات ورقة فيها بعض المدونات ،، وقلت لهم ان كل مدونة على جمب في روابط مدونات ثانية ادخلي لها :)

التحميل :

الاستبانه

المواقع ..

عرض البوربوينت

البحث ..

سيداتي وسادتي :) هذا ابداع مضيعه بيتهم :) وكان اول محاولة ان شاء الله اصير اشطر ,, وباقي شغلات كثيرة مانزلتها ،، بس اذا احد عنده بحث او محتاج فزعه يقولي وبعلمة وش يحتاج واللى مايحتاج ،، وطبعا مضيعه بيتهم دائما خدماتها مجاناً ..

ونسيت اقولكم بعد ،، اهم شئ رز نفسك وانت تشرح وخلك واثق من نفسك وابتسم وارفع صوتك على شان يحسون ان عندك سالفة >> اوووت مضيعه

ولحد يكلمني خلاص صرت اعرف اشرح وصرت شاطرة >> لحوول :)

———————

بعد المحاضرهـ :

المدونات اللى البنات اليوم الثاني قالولي انهم ادخلوها اكيد طبعا (مدونتي ) و ( مدونة محمد الملياني )

يبغون يعرفون عن الماك :) >> اقص يدي اذا اعرفوا شئ :d ,, يللة يا محمد همتك بالدعاية خخخخ ..

وطبعا جلست اعيد وازيد ( ان الورد برس هذا احسن ) ههههههههههههه (=^_^=)

(صورة من العرض ) لووووووووووولز

اللهم فك اسر فؤاد الفرحان ..

ماكان واضح مرة الكلام بالعرض :) مادري لية خخخخ

لى مستقبل بالتسويق او لا ؟؟؟ :d

—————–

تحديث (مهم )

تراني اخذت بالبحث

full Mark

اليوم اخذت علامتي >> لحد يكلمني محدش قدي :d

مين قال انكم ساعدتوني اصلن هذا كلة مجهودي > بدينا ننكر الجميل هههههههههه امزح

32 ردود


هل تريد التعليق?

تعليقات RSS and TrackBack Identifier URI ?

ان شاء الله الان بنزل الملفا واعلق ثاني

23 يناير 2008 12:48 ص

هذا الرابط من مدونة الأخ م.س.احجيوج
http://www.mshjiouij.com/blog/archives/23

صحيح أنه جاء متأخر لكنه يمكن أن يفيدك مستقبلاً ، أو لأي شخص يريد معلومات عن التدوين …

مجهودك ونشاطك رائعين …

تقبلي تشجيعي

في آمان الله

رادار

23 يناير 2008 1:20 ص

الحمدلله خلص بحثك على خير
فرحنا لك يامضيعة جعلك دايم فرحانه

23 يناير 2008 5:45 ص

روعه يامضيعه ماشا الله عليك بجد ابدعتي والله استمتعت بالبوست كثييير وتمنيت اني كنت معكم :D

دخلتينا معاك جو خطوه خطوه حماس الشغل النتيجه تخلي الواحد يحس انه استمتع بالشغل كثير

تصدقين احلى شي انك كتبتي اسمي في البوست حلى البوست بزياده كخخخخخخ تذكرك باللي عجبها الكاكاو

امزح عليك

بالتوفيق ياقمر في اعمال قادمه

23 يناير 2008 6:45 ص

بسم الله ما شاء الله تبارك الله … الله يحفظك
الله يعطيكِ العافية يا مضيعة ما قصرتي …

بجد شغل متعوب عليه ….
و الله بتستاهلي الفل مارك و زيادة

تحياتي و تقديري

23 يناير 2008 9:17 ص

جميل ،،

وفقك الله وأعانك : ) ،،

،!

23 يناير 2008 11:49 ص

حركتات مضيعة :D

حمسني عرضك وصور شاشة الـ DataShow حمااااس ..

الله يوفقك وتجيبين الفل مارك ;) ..

23 يناير 2008 1:41 م

ماشاء الله تبارك الله

الله يوووفقك إن شاء الله

ويوفق الجميع

23 يناير 2008 3:41 م

برافو عليكي يامضيعه .. بصراحه باين من النتائج انه موضوعك جيد : )
زوج الشرابات الملونه عامله جو في صورة البروجكتور :D
انا حاسس انك بتجيبي العيد
قصدي تجيبي الدرجة كاااااملة :D :D
الله يووووفقك

23 يناير 2008 4:04 م

مخي ضرب وأنا اقرى نتايج الاستبيان

سرت اجمع اصابيع يدي

صدعت

كيف نسب مئوية مجموعها اقل من ١٠٠؟

23 يناير 2008 5:14 م

بدأت افهم

عددهم ٢٢ طالبة

اذاً:

هل سمعتي عن التدوين من قبل:

نعم

(٥ ÷ ٢٢) × ١٠٠ = ٢٢,٧٢٪

لا

(١٧÷ ٢٢) × ١٠٠ = ٧٧,٢٧٪

23 يناير 2008 5:20 م

آخيراً

احييك على موضوعك الذي يحكي فكرة مفيدة عملياً ولها تأثيرات كبيرة

23 يناير 2008 5:23 م

الملياني

خذ راحتك :) اهم شئ انك اول المعلقين على البوست

————————-

رادار

لا لا متاخرة ولا شئ ،، لانى كتبة عن الرابط اللى حطيته مانسيته اصلن :)
وعجبهم مرررررهـ

ثانكس رادار

———————–

كائن حي

يسلموووووووووووووا

اي والله الحمدلله خلص واهم شئ عجبهم هذا يكفيني :)

شكرا لتشجيعكم

23 يناير 2008 6:12 م

أسماء

الاروع مساعدتك ، ماتتخيلين قد ايش فادني المقطع الفيديو ،، ماقصرتي من جد اخدمك بالافراح ياعسل ،، وربي يوفقك دااااااااائما

شفتي كيف تقول اهم شئ الكاكاو > اهم شئ بطنهم البنات لوووووووولز :)

منورة المدونة يا عسل

——————————

سامي منصور

تسلم والله .. والشكر لكم كلكم :)
وطبعا لولا دعمكم وتشجيعكم كان ما اخذة الفل مارك :) بس ابلتنا عسل مرة
تستاهل الواحد يتعب ويسوي لها شغل عدل :)
وعلى فكرة تراهي بتفتح لها مدونة وحابة تدخل عالم التدوين :)
شكرا لمرورك سامي
—————————————-

عبدالمجيد

شكرا لك ،،

والله يوفق الجميع يارب

——————————–

سلوى

جبت الفل مارك باركيلي

لوووووووووووليييييييييييييييييييش

منورة سلوى ( وحشتيني مرة :) )

—————–

سارونة

ويوفقك يااارب :)

سعيده لزيارتك >> بس روحي ذاكري الله لا يهينك خخخخخخ

23 يناير 2008 6:14 م

Exganza

خخخخخخخ اهم شئ باين البنر :) لان البنر اهو اللى معطي المدونة حلاوتها >> لا يكثر :)

شكرا لمساعدتكم وتشجيعكم وحماسكم معاي

ان شاء الله المرة الجاية اعزمكم كلكم

او اسوي تصوير فيديو لا لا مو فيديو بسوي ( vlog) خخخخخخخخ

23 يناير 2008 6:16 م

يــــــــــــاسر

فشلتني الله يفشل ابليس ان شاء الله ..

انا كنت افكر انه مايصير :) بس وش اسوي مادري شلون تنحسب والعدد اقل من 100 ،، وماكان لى خلق اسئل حطيته بس كذا :)

لاني قلت المدونين اذكياء بسم لله عليهم وبيعرفون ان العدد اكيد اقل خخخخخخخخ

وكويس انك جمعتها وطرحة وقسمة وضربة :) على شان الزوار يعرفون ،، ترى العدد اكثر من 22 بس الله يهديهم مو كلهم عطوني الاستبانه :)

واشكركم على تشجيعكم لى :)

سعيده جدا جدا انك شاطر بالرياضيات

23 يناير 2008 6:20 م

من زمان ما علقت بمدونتك
بس أنا متابعة دائماً لكِ وليومياتك
نفس سؤال ياسر سألته لنفسي
بس طبعاً طبعاً لقطها وهي طايرة :D

عجبني العرض جددددددداً والفكرة نفسها
لأن كثير بيسألوني السؤال ده
ما فائدة التدوين؟
وما فائدة مدونتي أصلاً
اعتقد هاغش من البحث والعرض عشان أقدر أرد عليهم

شكراً مضيعة…

23 يناير 2008 8:15 م

العفو ماسوينا شي :D

روحي لماي ديكومنتس تلقين داون لود ريل بلاير تلقين المقطع فيه :D

23 يناير 2008 10:48 م

ماشاء الله

تستاهلييييين الفول مارك يا عسل :)

مجهود رائع بمعنى الكلمة

يعطيك العافية مضيعة

23 يناير 2008 10:54 م

حركات يامضيعه ..
والله انك خطيره ..
بس سؤال : الفئه المستهدفه بهالعرض مين؟
يعني بنات بأي عمر ؟ جامعة أو معهد ؟

24 يناير 2008 1:13 ص

مبرووووك مضيعة
حملت العرض من جد حلو
تمنيت أكون معكم أحضره لأجل أسمع شرحك :)
تستاهلين علامة كاملة
أجل فكرة مميزة وما تعطيك علامة كاملة
ما رح يكون عندها سالفة أستاذتكم

وإحتمال إذا بعزم أحد على التدوين أعطيه رابط هالبوست أو رابط مدونتك
عشان يعني أرتاح من الشرح وأخلي المهمة عليك
أستاذة مضيعة P:

24 يناير 2008 1:43 ص

ما شاء الله عليك :D .. تستاهلين العلامة الكاملة بعد كل المجهود هذا :)

ونشر ثقافة التدوين هو واجب الكل في النهاااااااية

إبدااااااااااااااااااااااااااااااااااااااااااااع والله يا مضيعتنا :D .. مفروض الحين نحط قبل اسمك ( أ ) .. أ.مضيعه .. يا استاذه :D ..

24 يناير 2008 1:50 ص

شي شي شيييييييييي والله
عارفة اللي حلو ان فكرة البحث جديدة مرة
العادة البنات يعيدوا ويزيدوا في المواضيع المكررة..
المرة الجاية حاولي العرض يكون بالفلاش بيكون أكشخ تراااا :D
بالتوفيق مبروك الفل مارك يا عسل :)

24 يناير 2008 10:47 ص

قطرة ندى

حيااااااك الله منورة يا سكر :)

شوفي انقشي من اول مقطع فيديو اللى انا كاتبة اني استفدة منها جدا جدا :) ترا كان شامل تقريبا وتقرين تتفلسفين من عندك بعد ماتسمعين المقطع >> خخخخخ نصائح جدتي مضيعه ههههههههههه

منورة يا سكر

—————————-

راكان

والله لك مستقبل بالبرامج :) ،، بس الله يعينك بتاخذ اثام على هالبرنامج لان مادري وين راح الريل بلير العادي واشغل اغاني >> اووت مضيعه ..

وبشوف بالملف ان شاء الله احصل المجلد ..

اشكرك مرة ثانية والله يوفقك بختباراتك

24 يناير 2008 10:54 ص

الجوري

يعافيك يااارب :)

تسلمين يا قلبي ،، سعيده بكلامك الحلوو وزيارتك اللى تدخل الفرحة الى قلبي >> حاولي تركبين الجملة بعد الاختبارات :)

منورة

——————————-

فوتون

اووة انتي من المدونات اللى البنات قالولي عنها اليوم الثاني يبغون يشوفون طبخاتك :)

البنات معهد والاعمار متفاوته اصغر وحده بالكلاس كان عمرها 19 والباقي فوق وفوووق :) ..

منورة

24 يناير 2008 10:56 ص

فرح

لا لا المرة الجاية انا بنزل لكم مقطع فيديو هههههههههههه :) وبشرح لكم >> لا يكثر ،،
اقول فرح اذا انتي من الشرقية بناديك المرة الجاية ” بس مادري يمكن السنه الجاية :d”

منورة بطلتك فروووحة :)

———————-

خاطرة بييضاء

:$ اخجلتوني بصراحة شكرا لكم :) وعلى فكرة ترى كل مجهودي >> بدت تنكر مساعدة المدونين والمدونات ..
شفتوا كيف الابداع يبدا من الصفر >> ويصل الى القمة ..

بس انا توني ماوصلت لحد المنتصف :) ان شاء الله بتشجيعكم ودعمكم ..

لا مابي استاذة مضيعه :( مو حلووو ,, خلونا مضيعه لين بعدين لما نبدع

شكرا ع المرور

24 يناير 2008 11:07 ص

أسماء

انتي عالم اسماء او اسماء تدوين ؟؟؟
>>> اوت مضيعه

اسماء ماعرف للفلاش :( ممكن تعطوني دروس واصير شاطرة ( اصلن الظاهر البرنامج مو منزل بجهازي :) ) بس ان شاء الله اطور نفسي ويصير بالفلاش لية لا ؟؟

نتطلع دائما للرقي المستمر نحوا المستقبل ..

وصح فكرة البحث كانت جديده لان كثير مايعرفون وش التدوين :)

سعيده لمرورك العسل يا عسل

24 يناير 2008 11:09 ص

الف مبروووووووووووووووووووووووووووووك
وماشاء الله تبارك الرحمن الله يحميكِ
وتستاهلين الفل مارك ونص :)
الله يبسطك دووووم يااااااااارب

25 يناير 2008 7:05 ص

البحث والبوربوينت خطيييييييير
الله يحميكِ ويحفظك ياااارب :) :)
بجد مبسوطة لك يابت من أفضل لأفضل ان شاء الله

25 يناير 2008 7:25 ص


مره حلو مضيعة من جد فكرة جديدة لأنو المدونات لسه غايبه عن بال كثير بالرغم من أن لها فوائد أكثر وبتعبر عن صاحبها أكتر :)

مره حلو جاري التحميل :)

الله يعطيك العافيه ويوفقك في المعرض وبكل حياتك يارب

20 أبريل 2008 2:09 م


سجل تعليقك الآن !