مدونة اللتان

بما ان عطلتي الصيفية بدت من يوم الاربعاء الماضي ولله الحمد ،، حبيت انوه على البعض ،ببعض النقاط اللى يحفظكم ويرعاكم ..

  انتبهوا تخلون العطلة كلها نوم وتقومون  لنا اخر الليل وتشتغلون مع ( الخفاش )

خلكم مخاوين ( العصافير أو دجاجة ما تفرق عندي المهم عليكم بالصحبة الصالحة واتركوا الخفاش في حالة  ) المهم ناموا بالليل زي العالم والناس واصحوا لنا بدري

ما ابي زي كل سنة ادور فلانة و فلانة واحصلكم قالبين ليلكم نهار ..

و لا ابي ادق على وحده الصباح وانحرج احصلها نايمة وكاني داقة نص الليل

 ولا ابي جوالي يرن بنص الليل وحده فاضية قايمة من النوم بتسولف ..

ولا ابي السهرة تكون بالليل ويجون متأخر للعزيمة ..

ولا ابي احد يكلمني بالعطلة و تقولي ” زهقانة طفش العطلة “ << مو ايام الدوام كنتي تقولين متى تيجي العطلة وش اللى صار الحين وتغير   …

مو معقـــــــــــــولة كل عطلة صيفية يتكرر نفس النظام والروتين في حياة عدد كبير من الناس  ، لحد الان مافكرتوا تعدلوا عطلتكم الصيفية وتستفيدون منها …

اتفاجاء جداً من الأسر اللى ما يشوفون اعيالهم كثير بالعطلة الصيفية والسبب ان العيال ينامون بالنهار والابو يطلع العمل وبالليل هم يسهرون والابو نايم وهذي حياتهم طوووول العطلة الصيفية  ..

اعتقد في برنامج صيفية واشياء كثيرة والتسجيل راح على الكل ولما يجي الطفش ندور برنامج او شئ نضيع وقتنا و اساسا هم مو محتاجين هذا البرنامج وداخلين بدون هدف بس المهم ان وقت العطلة يمر …

متأكدة كل التأكيد مجتمعنا هم هم ما بيتغير شئ ،،، ولحد يقولي وش نسوي نقوم الصباح نبي ننام ونعوض

اللى اعرفة ان ( البعير ) ياكل ويخش الاكل في السنام حقة لوقت الحاجة بس أول مرة ادري ان ( البشر ) ينامون كل العطلة يعوضون عن الايام اللى فاتت

” عمـــر الانسان ما قدر يعوض النوم اللى فاته ولا يقدر يجمع نوم لوقت الحاجة ”

قي هذا البوست :

حابة اودع صديقاتي وبعض الناس اللى راح يقلبون حياتهم وما بشوفهم الا بعد العيد و مع العودة للمدارس ،   احب اقولكم ( احلام سعيده ان شاء الله  واجازة اسعد يارب  ) ، بس جد في كثير راح يوحشوووني بالعطلة …

اهــــــــــلاً بالعطلة واهـــــــــــلاً بالصيف

- هذا البوست لكل واحد حاب يودع اصدقائة اللى راح ينامون العطلة كلها ويصحون لما تنتهي ويقولون مرت العطلة بسرعه اكتبوا اهدئاتكم هنا ، المدونة مدونتكم ..

مصدر الصورة : هنا

1 person likes this post.

Unlike