التسويق فاشل ..!!
في احد الايام فجاءه جاء سالفة الجامعه والدراسة مع بنت خالتي وصارت تقول عن فرق الدراسة والتخصصات هنا وفي أمريكا ” ما ادري وش اللى جاب الطاري والله “
وصار نقاش بين هنا وهناك 
قلت لها لاتقارنين في امريكا اضعف الايمان عند البحرين لما تتقفل الجامعات في وجه البنات او الاولاد هنا بالسعودية طاروا البحرين او الامارات عندهم مجال كبير وجامعات كثيرة ناااااااادر ماتحصل واحد من دول الخليج مو مكملة الجامعه ،، وياليت على كذا تحصل افضل التخصصات عندهم …
جلست تقولي عن تخصص ( التسويق ) وان التسويق عندنا فاشل جداً مافي احد الى اليوم يشتغل في التسويق صح او فاهم فكرة التسويق صح واكبر دليل ان الدعايات عندنا والاعلانات على المنتج فاشلة ، لما يشوفون منتج فاشل يقومون يجيبون واحد يسوي له تسويق وطريقة في التسويق فاشلة ..
هناك التسويق عندهم ” تقصد أمريكا ” شئ خطير وخرافي ممكن يزين عمارة كاملة على شكل المنتج بطريقة ابداعيه مو الطريقة اللى عندنا الغبيه ” مع احترامي للغباء ” ، هنا يفكرون ان التسويق بس يلله اخذ المنتج واجلس دور على البيوت والشركات وبيع المنتج وحتى لما يدور ( العلبة حقت المنتج فاشله والورقة اللى توزع دعاية عن المنتج ترمينها بالزبالة ) ،، التسويق لازم كل شئ يشمــــــــل هذا المفروض
يعني شوفي هذا القرطاس مافي اي شئ من التسويق
مضيعه شوفي شوفي الله يخليك هذا تصميم او شكل .. >> وتحط القرطاس بوجهي
أنا >> كنت خارج التغطية من الضحك لان كان الموضوع جاد ونتكلم واتبادل معاها الحوار الا انها حطت هالكيس البطاطس في وجهي ماقدرت امسك نفسي من الضحك وكانها تقولي انتهى النقاش وهذا دليل عندك …
المشكلة ان الكيس البطاطس كاتبين عليه ( شكل جديد نفس الطعم الرائع ) هم ماغيروا الشكل بس الكيس صار شوية سميك عن قبل يعني غيروا نوع القرطاس …
انا : والله يا ماما لو شكل الشبس مو عاجبك كان ما اشتريتيه ولا احد من الشعب السعودي كان يشتريه هذا دليل انه عاجبكم وراضين عنه ، وبعدين كل بلد تسوق على نفس ذوق شعبها والمستوى وعلى قد رضاهم وزي ماقالت انتروبي ( على قد فلوسنا .. وفلوسكم )
:;):
Like
احد قريباتي جات لين بيتهم خبيرة تجميل تسوق على منتجات طبيعيه على قولتها واشترت منها بقيمة 1000 ريال وزيادة من المنتجات بعد فترة تحول وجهة الى كارثة من الكريمات الفاشلة ( تسويق ناجح بس منتج فاشل ) ..
::
احد المرات اشتريت منتج سمعت الكل يتكلم عنه بس العلبة شكلها جداً تعيس وسعرها رخيص والمكان اللى يبع المنتج ” بقالة الهنود ” كان المنتج اكثررررررر من رائع (( بس للاسف ماكان في تسويق عليه والى اليوم الظاهر محد يدري عن هالمنتج ))
::
اخذت قاعده في الحياة لما اروح سوبر ماركت او صيدلية اي منتج اشوفة وانا ادري ان في اعلانات عنه في الشوارع ما اشترية (( لاني صرت ادري ما يفكرون يسون تسويق حق المنتج الا بعد مايطيح بكبدهم ))
صبح صباح
والله ياكيسه البطاطس تحييييييييييفه الاسم باالله (مرحبى )انا باكله ولا ابكلم فيه !!! :15: بقولك شي المنتجات السعوديه فاشله فشل ذريع الاستايل حقها شكله مضحك عندك كريك كراك وديمه والله ياقراطيسهم مسخره من عرفت نفسي وهذاك البطاطسين مع بعض وواحد يمد يده لثاني واللون احمــــر وديمه نفس الشي وسوقهم ماشي مشاءالله تبارك الله مع اني ماشفت لهم دعايه ابدااااا بس سبحان الله ارزاق فخلاصه الهرجه ان وعلى نياتكم ترزقون وان الحظ هو اللي يلعب دور اساسي ورئيسي لا دعايه ولا شي لها تاثير كبير بقوة
مثال عندك (شركه زين )ع كثر الدعايات اللي سوو لها بس مع ذلك مااحس عليها اقبال كثير
واللي استغربه البيبسي اللي مكثرييييييييييين دعايه عليه ويتفننون وهو مايحتاج اصلا الكل بيشربه ولو ماحطوا له دعايه >>شفتي من هنا يجيك شي اسمه حظ
الدعايــــــــــــــــــه تخليك تجربين بس
لكن تستمرين عليها هو المنتج نفسه
وبعدين كل بلد تسوق على نفس ذوق شعبها والمستوى وعلى قد رضاهم >>والله انك صادقه دايم اخوي اذا راح للبقاله اقووول انتبه تجيب لي منتج سعودي استغفرالله علاوة على شين الطعم الشكل والاسم
سيدتي الكريمة …
الحقيقة أنني أتفق بشكل كبير مع “بنت خالك” في رؤيتها لضعف مفهوم التسويق لدينا في العالم العربي … وإن كان الموضوع يتطور بشكل مطرد …
فالتسويق يا سيدتي عادة ما يلتبس عندنا بالدعاية … مع أن الدعاية جزء واحد من أجزاء كثيرة ومتعددة من مفهوم التسويق … فالتسويق استراتيجية متكاملة فيها الكثير من المساحات التي تتيح حرية الإبداع والفكر …
وبالمناسبة … مثالك أعلاه عن “كيس الشيبس” هو أيضاً جزء آخر من مفهوم التنسويق … وهو التغليف (Packaging) … وأيضاً أتفق مع بنت خالك مرة أخرى في تعليقها على جاذبية “القرطاس”!!
تحياتي …
سعد
” مع احترامى للغباء ” :D
عند بوابة الجامعة فى بدلنا أي منتج جديد من الشركات المعروفة “شيبسي, بيبسي, اديتا ”
تلاقيهم بيوزعوه مجانا لكل الطلبة فى الجامعة ده نوع جيد من الدعاية بس ما احبه مش باخد منهم شيء اخاف انا :D مش اخد حاجه من حد غريب.
الصراحة انا ما اعرفش ايه هو شكل التسويق فى السعودية لكن الطريقة اللى بيتقدم بيها المنتج هى اللى بتخلى المستهلك يقرر اذا كان ممكن يشترى المنتج ده ولا مش يقربله ابداً,
بحكم أن تخصصي تسويق أحب أقول خلونا نفرق بين التسويق وبين المبيعات أو مسؤولي المبيعات اللي يدورون بالبيوت
للمعلومية التسويق خمسة أقسام موب قسم واحد
خلوني أتخرج بس من البترول وأقلكم كل هالفروقات