ماذا بعد أم علي ..!!
جميعاً نعرف حلى (أم علي ) ،، وهو عبارة عن حلى قديم جدا يتكون من ” حليب ،زبيب ،مكسرات ، سكر ، جلاش ، قشطة ” .. وأنا مجنونة حلى ام علي بشرط يكون من اماكن معينه تضبط الحلى صح لان مش اي مكان يسوي ام علي بطريقة لذيذة
الكل يعرف قصة حلى أم علي ،، ان هذي ام علي تهاوشت مع زوجها (بو علي اكيد اسمة ) وقالت حق الحريم اللى بالحارة اذا طقوا لها زوجها راح تطبخ لهم طبخه ” والظاهر كان ايام فقر ” ولما طقوا بو علي بالكعب والظاهر مات ،، اطبخت لهم هذا الحلا واطلق عليه أم علي على صاحبته ..” ما اعرف صحة هذي القصة ابدا ولكن هذي القصة اللى اعرفها وكل ما اسئل احد يعيد لي نفس القصة “
اللى جاب سيرة أم علي ،فتوى الشيخ العبيكان ” يحق للزوجة ضرب زوجها اذا ضربها ” ..
وقال عضو مجلس الشورى السعودي الشيخ عبد المحسن العبيكان إنه إذا بادر الزوج باستخدام الضرب يحق للمرأة الدفاع عن نفسها واستخدام نفس وسيلة العنف لرد الضرر عنها
عشرين مرة اقرأ الفتوى على شان استوعب 
هل هذي الفتوى راح تحل المشاكل والقضاية الزوجية مثلاً ؟؟؟
او راح تقلل من نسبة الطلاق في المملكة والعالم العربي؟؟؟
ما اعتقد ان الضرب يؤدي الى نتيجة ، لو كان الضرب يعلم كان علم ( الحمار )اكرمكم الله . المسكين اللى ينضرب طوال حياته ،، او الطالب اللى يعاقبة المدرس ويبدا بضربة في السابق على شان يتعلم وللأسف لم يتعلم ..
الضرب دائما يؤدي الى نواحي سلبية من الخوف ومشاكل صحية و غير الاصابات والاهم من هذا تصير حياة الأسرة مبنيه على الخوف انها لو ارتكبت خطأ راح تنضرب 
..
اذا كانت الحياة الزوجية مبنية على الضرب على شان تتعدل المراءة او ينضبط الزوج فهذي كارثة والله المستعان ،، اذا البيت عايشين على الضرب كيف راح تكون نفسية الابناء ” واكيد راح يكون للابناء نصيب من الضرب المبرح لتأديبهم ،، =( و راح يتكفل كل الطرفين بضربهم على شان التربية “ لان راح ينعدم التفاهم ويصبح الضرب هو الحل …
في مجلة الأبناء او الاسرة ( ناسية اسم المجلة ) كان قضية العدد حول نفسية الابناء لما يشوفون شجار بين الام والاب فما بالكم لما يشوفون الضرب اللى راح يقوم امام اعينهم وكانهم في ارض ملعب مصارعه ..
الرجل اللى متعدد الزواجات عنده خلونا نقول 2 او 3 راح يحصل على ضرب مبرح 
وبالكعب وكم يفضل استخدام مضرابة الهريس ويا سلام لو زاد غضب احد الزوجات وحصلت جمبها شئ ثقيل مثل مكينة خلاط العجين او مكينة الخياطة واحذفته عليه ستكون حياتهم الزوجية افضل اكيد..
تتوقعون راح نسمع كل يوم او بالضبط بالدقيقة الواحد كم راح تكون نسبة الطلاق ؟؟؟
بدل مايعدلون من وضع الحياة والناس وبداية تعديل الوضع الخارجي هو تعديل الوضع الداخلي للاسرة بداخل المنازل ، اذا الاسرة مانصلح وضعها مابينصلح وضع المجتمع ابداً ،
والضرب راح ينتقل الى خارج المنزل لان اليد بتصير متعودة كل الضرب ..
انا اشوف من اجابيات الضرب ان الحرمه لما تروح بيت اهلها وتشتكي انه ضربنها زوجها يكون ايضا الزوج حصل على ضرب وبهذا الشكل راح تنحل المشكلة >> سبحان الله ..
- في احد حلقات بالتلفزيون ما ادري مين بالضبط ناسية قصة قديمة جداً الظاهر مو متأكده القاضي ” خالد عبدالجليل “ ، كما روتها لي أمي القصة لانها متابعه الحلقة (( ان جاء رجال للمحكمة وقال حق المحامي تكفى طلقني من زوجتي ، اسئلة المحامي لية وما ادري ايش وجلس يكلمة وينصحة انه مايطلق زوجته .. قال الرجال : ذابحتني من الطق ما اقدر عليها ،، المحامي ما صدق نادوا زوجته الا جات طويلة وعريضة وما ادري ايش يقول المحامي انا خفت منها وطلقتهم وراحوا … بعد مرور شهور رجع الرجال وقال رجعني على زوجتي .. اسئلة المحامي لية وشلون تراجعت عن رايك ؟؟ قال الرجال : والله فقدت طقها لي كل يوم ))
هل سيتحول الضرب الى حب …!!! ( يضرب الحب شو بيذل ) 
سيكثر الضرب والله يصلح الحال ويهدي الجميع ويكملهم بالعقل …
ولكن …!!! السؤال اللى انتظر جوابة ( تتوقعون في امراءة مثل أم علي راح تقوم بعمل حلى لذيذ الطعم ؟؟؟؟؟؟ ) ..
ما اقول الا شر البلية ما يضحك ..
————–
تحديث :-
فتوى الشيخ العبيكان قام بتوضيحها للناس ، من جريده سبق ،، وقلت انزلها لكم على شان توضع الصورة عند الكل ..
وهنا رابط اخر من موقع الشيخ ..
الرياض (سبق) :
في بيان توضيحي جديد للشيخ عبدالمحسن العبيكان تلقت (سبق) نسخة منه حول فتوى ضرب المرأة ، أوضح الشيخ العبيكان أن كل من تعرض للأذى من قبل آدمي أو حيوان كسبع , فله أن يدفع الصيالة عن نفسه بالأسهلِ فالأسهل , كما نص على ذلك الفقهاء في حكم دفع الصائل .وكانت إحدى الصحف المحلية نشرت فتوى على لسان الشيخ عبدالمحسن العبيكان بأنه أعطى المرأة الحق في تبادل عنف زوجها بعنف مثله دفاعاً عن نفسها فإذا بادر الزوج باستخدام الضرب يحق لها الدفاع عن نفسها واستخدام نفس وسيلة العنف لرد الضرر عنها.
وطالب الشيخ العبيكان من خلال سبق جميع الإعلاميين إن يتقوا الله في عملهم وينقلوا الأشياء الصحيحة كما وردت لهم وخاصة الفتاوى حتى لا يمتنع أي شيخ او مسئول عن التصريح لهم.
وفيما يلي نص توضيح الشيخ العبيكان :
الحمد لله وحده والصلاة والسلام على من لا نبي بعده …. أما بعد :
فقد سُئلت عن المرأة إذا تعرضت للأذى و الاعتداء من قبل الزوج بدون حق, فهل لها أن تدافع عن نفسها؟ فأفتيت بأن كل من تعرض للأذى من قبل آدمي أو حيوان كسبع , فله أن يدفع الصيالة عن نفسه بالأسهلِ فالأسهل , كما نص على ذلك الفقهاء في حكم دفع الصائل قال الله تعالىأملاه الفقير إلي ربه المنان
عبدالمحسن بن ناصر العبيكانالموقع الرسمي لمعالي الشيخ عبدالمحسن العبيكان
http://www.al-obeikan.com/
Like
خخخخ الله يخسك يا مضيعه دخلتي موضوعين مدري شلون دخلوا بعض :15:
وانا ابصراحه من المتبعين لخالد عبد الجليل ومعجب به واجد <<<<< أمحق فصحى اقرأ وتعلم :15:
وبالنسبه لسؤالك غريب جداً اصلاً انا ما أتخيل شلون المرأه تظرب رجالها <<<< يحك راسه ويقول معقوله ؟ :20:
:D شكراً على هذا الموضوع يا مضيعه
مدونتك صارت من المواقع الأشاشيه الي أتابعها بس لو تحطين رابط مدونتك الجديد في مدونتك القديمه راح يصير الزوار أكثر لأن فيه ناس واجد فكروا أنك أعتزلتي التدوين
وصارت يبكون ويقولون راحت مضيعه خخخخ :50:
احس الزوجه الغبيه الي تصبر على زوج يضربها
الضرب فيه اهانه للنفس
فا كيف زوجه ترضى ان تعيش مع انسان يهينها
اما موضوع الرد على الضرب
قانونياً ” جنائياً ”
مبدأ الدفاع عن النفس ان ما ما يصلح تدافع عن نفسها بالاقوى فتكون جريمه في هذه الحاله
يعني لو كفخها مثلا
ما يصير تضربه في ساطور على انها تدافع
ممكن تدفه بس
بس مو حل يضرب الزوج زوجته فا تقوم الزوجه بالدفاع عن نفسها وتضربه
تصير مو حياة زوجيه هذه
هذه حلبة مصارعه في البيت
والجمهور (( الاطفال )) هم الضحيه
صعبه الواحد يشوف امه تنضرب
توني ادري وش قصة هالحلا ..
عاد انا منب احبه الحمدلله .. بس احب ام علي << جدتها
كويس اني ماحبيت الحلا عشان لا يجي يوم اطق احد!!
<<< تحسين ما تبي تفهم الموضوع الأصلي :15:
.
.
اذا على الطق ..
فالرسول اللهم صلي وسلم عليه ..”إن الرفق لا يكون في شئ إلا زانه، ولا ينزع من شئ إلا شانه”
وما أتذكر ان فيه عايلة طلعت سليمة وبدون مشاكل وواحد من افرادها يطق لا حرمة ولا رجال ولا عيال ولا حتى شغالتهم!!
هههههههههههههههه
والله طول الوقت قاعدة أضحك .. من أول حرف لآخر حرف وماشبعت لسا
بجد الفتوى غريبة :27:
كنت أسمع بالرجال اللي يخافون من المقلاة :@: واللي يخافون من الساطور :44:
بس زي أم علي مافيش :20:
يعني سبحان الله ، الله عزوجل جعل الزواج مودّة ورحمة وسكن ..
وكانت تشوف تعامله سيء مع أمها وهي صغيرة 
لكن فيه ناس تحوله للأسف معارك طاحنة وحروب شعواء << متعوب عليها ترى :7r:
بالحكمة والصبر واللين تصير الحياة حلوة
وعالأقلّ خليهم يراعون مشاعر الأطفال ونفسياتهم :/
لأنهم بجد يتأثرون حتى لو بعد فترة
أعرف وحدة مو راضية تتزوج مع ان كثيرين يتقدموا لها بس لأنها راسمة في بالها إن الرجال كلهم مثل أبوها
بجد .. زي ماقلتي لو الضرب يجيب فايدة كان الحمار تعلّم من زمااااان :|
والمسكين اللي قلتي قصته بآخر البوست مسكين والله رحمته
يعني يحبها ومحتاجها وهي ماغير تطقه كل يوم ؟ :s
صبور مرة الله يكتب أجره
عجبني البوست وإن شاء الله يزيد الوعي أكثر ونستفيد ;)
<< ترى ماتقصد إنها استفادت شلون تطق بعض ناس وتسوي من دمهم حلا
هههههههههه >> تضحك على قصة حلا أم علي :seco:
أما عاد تضرب زوجها !! :wow:
بلاش من الزواج يختي إذا فيه ضرب وخلينا مستانسين ببيت أهلنا لا ضرب ولا إهانة :15:
لا يبببببه مو هذه قصة حلى أم علي :33:
لا تزيفين الحقائق ياختي :@:
اللي أعرفه إنه شجرة الدر ” لا تقولين ما تعرفينها :15: ” المهم شجرة الدر قتلت زوجها طبعا ً :18: عشان الظاهر كان ناوي يتزوج وحدة ثانية عليها :58: وشجرة الدر كانت غيورة ماارة مااارة ماارة
وبعد خافت تجي الجديدة ويروح كل اللي بنته هالسنين 
فقتلته :15:
والرجال أساسا ً كانت عنده زوجة أولى قبل شجرة الدر .. هذه الزوجة قررت تنتقم لزوجها المغدور أبو علي يا عيني :18: وخلت جارياتها مدري وش اسمهم يقتلون شجرة الدر ضربا ً بالقباقيب :wow: ويقااال إن أم علي عملت حلى وشربته بدم شجرة الدر انتقاما ً منها .. ووزعته على أهل القاهرة ..
ودوووقي يا مزيكا :52:
نجي للموضوع :15:
يعني على بالك أنا بنطر الفتوى اللي تجيز لي أضرب أبو الشباب لو مد إيده ؟ :18:
سواء ً هو أو غيره مد يده .. وحاول يتسبب لي بضرر فشي طبيعي أداافع عن نفسي بأي طريقة .. وأهمها وأقربها طبعا ً الضرب :18:
أجل أخليه يمد إيده علي وأسكت له ؟؟ :27:
فشششششششششر :@:
————
مضيعه بيتهم :
بالاخير الزبده وحده انهم طقوا زوجها بالقبقاب على قولتج ومات زوجها اهم شئ ( وسبب الحلى انهم طقوا الزوج ) لاتصيرون دقيقين خلونا نمشي الحياة بالمختصر >> لووووووووول
والله كل ما اسئل احد يقولي نفس اللى كتبته الزبده
شكرا لك هذووون على التفاصيل القصة وياليت لو تزودين لنا القصة بالصور :p
هذيان من جد ردك موتني ضحك يابنت التوافق بيننا هالأيام شيء بطال ههههههههههههههه
إمممم طبعي مد يده لمدها والبادي أظلم :44:
مضيعه هوا ماهو حل الضرب لكن نتيجه حتميه إنو ينرد للي سواه
يا وييييييييلللللللللللللللللللي كلكم ناوين تطقون :44: يرحم والدينكم لا تعرسون اذا بتحولون الحياة الى مصارعه
شكلكم بتسون شئ يشهد له التاريخ :seco:
من وين يبتي الفتوى هاي اول مره اسمع عنها!!
والله فتوه رهيبه..خخخخخخخخخخخخخخخ
خل الرياييل يبطلون استهبال عاد ويعرفون
ان العين بالعين والسن بالسن والبادي اظلم :@:
يا كثر الروايات في هالحلى ..
واكبر دليل هنا في روايتين :15: ..
الرجل اللي ينضرب بصراحة ليس برجل ، الرجال قوامون على النساء .. رضي من رضي وغضب من غضب .. :51:
وعلى طاري الضرب ، يوم كنا ساكنين ببيتنا القديم بحي 75 ، كان عندنا جارة تضرب زوجها والله اننا نسمع صراخه داخل البيت :44:
يعيش الرجالة وتسقط النسوانه >> ما يعرف يقول شعارات :7r:
الله يسعدك
فقد اضحكتينا
كل الشكر لك
Majeed
انا ناويه اطلع فتوى بس اصبرو علي كم يوم :15:
والله هـ العبيكان كل يوم طالع لنا بطلعه غير شكل!
مع اني اتفق هـ المره معه يعني حرمه تنضرب من زوجها لازم تدافع عن نفسها وهـ الفتوى بما انه جا من شيخ والشيوخ عندنا لهم السمع والطاعه! فـ اكيد كلامه راح يوخذ بعين الاعتبار بحكم ان البعض من المتزوجات مايعرفون ياخذون بحقوقهم
طبعا هالكلام ماينطبق على وحده ضعيفه يقالها تبي تستقوى على زوجها وتحط الفتوي بجيبها عشان تقول هااه شووف وش قالو اقدر اضربك لو ضربتني عزالله بتاكل هوا ومايردها الا بيت اهلها خخخخخخخخخ
مشتائه لك ياوحشه
مضيعوووه لا تضيعين السالفة اللي ماتت بروايتي من الطق هي شجرة الدر موب أبو علي :33:
أبو علي نحروه غلمان شجرة الدر كالشاة :wow:
على طارى أم على .. خلينا في المهم يا مضيعه :6:
الصراحه اشتهيتها .. ما خبرتينا وين احسن محل يسويها ؟؟
اجابة على سؤالكـ ..
اكيد كل أمرأة ذاقت طعم الضرب وجربت مرارة الحياة مع زوجها :44: .. راح تسوي أحلى أحلى طبخة لما تفتكـ منه ..
ذكرتيني بأم علي أكلتها ذات ليلة ، كانت اروع أم علي أكلتها…..
الضرب الشرعي بشكل عام وسيلة تربوية مهمة لكن ليس أي ضرب اولا
ثانيا الضرب مطلوب عند الحاجة لنوعية من النساء ولتأديب فقط.
ثالثا عند تجاوز الضرب الحدود يعد جناية أي جريمة لها حل:
أ- تقدم شكوى للقضاء.
ب- تدافع عن نفسها .
و
س
ل
ا
م
ت
ك
:19:
والله انا عن نفسي مو اي شيء اسمعو اطبقو
لازم احطو في مخي واسويلو تحليل :15: طبعاً ماعدا كلام الله ورسوله صلى الله عليه وسلم
قصة حلى ام علي
هههههههه
والله مدري انا ماسمعت ولا شيء من دي القصص
بس شجرة الدر الي اعرفو ماقتلت زوجها بالعكس هو مات وهيه اخفت عنهم لين ما خلصت المعركة
طبعاً هيه الي كانت تعطيهم الشور والرأي ( تقلهم تكلم زوجها وتدخل تفكر )
كلمة أخيرة
النبي صلى الله عليه وسلم
قال في ( خطبة الوداع على ما اذكر )
استوصو بالنساء خيرا
[...] نبيل المعجل , مضيعة بيتهم , خوش [...]
توني أعرف قصة أم علي :15: …
أظاهر بالتصير بدل حياة زوجية = > حلبة مصارعة :seco:
ليه بوعلي ضربني أنا بضربه ، وليه أم علي ضربتني أنا بضربها :@:
الحياة الزوجيه / تكون بينهم موده ورحمه وسكينه وليست مصارعة ثيران وغضبان :@: …
يعني : إذا تعرض لك زوجك بضرب مؤذي ومبرح وفيه أذيه هنا تستطيعين أن تضربينه لأن فيه أذى للمرأه والمرأه ليست مهانه والله تعال كرمها ، وعلى الرجل ضرب المرأه عند عدم طاعتها والقيام بواجبها ومسؤولياتها وليس الضرب المبرح إنما الضرب التأديبي …
والحياة الزوجيه حياة تفاهم وحوار وليس طقني وأطقك وحلبه صراع =(
قضية مُهمة فِعلا مضيعة
بغض النظر عن الفتوى , احس بطبيعة المرأة انها تكون اضعف من الرجل ورقيقه
يعني مستحيل اتخيل مرأة تطق رجل !
يا الله , معقوله في ! الله يهديهم
ام علي احترمها لانها جمعت نساء الحاره وطبخت الطبخه عشان تفتك من زوجها الغثيث , وضربوه اكثر من حرمتين اكيد
بس في حريم يقضون على ازواجهم بكف مثلا !
زي ما يسوون بعض الازواج بنساءهم
يوووه اتخلي الرجال يزعل وياخذ شنطته ويروح لامه
احنا لو نتعامل كاننا مسلمين فعلا ( مودة ورحمة) كان سلمنا من كل هالفتاوي الغريبه اللي تطلع
يالله سلم يالله سلم
جد والله…!
شكرا لكي