ميــداني ..!!
ما كنت اتخيل ان اللى يتخرج بيتعب وهو يدور وظيفة الا لما قربت اخلص عرفت هذا الواقع المر ، الناس اللى ساكنين خارج المملكة دائماً نسمع يقولون معقولة في ” السعودية ” ماعندكم وظايف ؟؟
هذا المقطع الفيديو عمل بسيط ورائع ويصل الى القلب من عمل ( عبدالعزيز المزيني )
في أول رحلة في مجال العمل الوظيفي قدمت اوراقي في احد الشركات اللى راح تبحث لي عن عمل وانا جالسة في بيتنا ولله الحمد في اثناء المقابلة تم تحديد لي وظيفة وموعد المقابلة كان اليوم الثاني خلال اقل من 24 ساعه [ ويقولون بعد السعودية مافيها وظايف ] !!!
واليوم الثاني رحت سويت المقابلة من صباح ربنا وسريع سريع تم قبولي للوظيفة من بين 4 متقدمات كانت سعادتي لا توصف 
، وقالت لي ايش المجال اللى يناسبني وقلت لها المجال اللى احس اني اقدر عليه واعجبت فيني لانها زي ما قالت لي : ( احب البنت اللى واثقة من نفسها وتعرف اهي وش تحب وايش تقدر عليه مو تيجي لي البنت وتقول لي ما ادري اي شئ كيفك ) ،، طبعا بعد المقابلة ولله الحمد قالت لي استلم الوظيفة اليوم الثاني و أنا من زود البطرة والثقة قلت لها لا السبت ابدا باذن الله ..
طبعا العمل يبعد عن بيتنا ساعه الا ربع ومع زحمة السيارات والشارع ساعه بالضبط ، وصلت الصباح للوظيفة في يوم بااااااااااااارد ” كان شتاء طبعا مو صيف ” و الوظيفة هي ادخال بيانات في الكمبيوتر 
، كانت بالنسبة لي وظيفة جداً مناسبة مع ان وقت طويل بس مريح ..
بعد ماوصلت الصباح انصدم بان مجال الوظيفي تغير وقالت لي وظيفة ( ميدانية ) !!!!!! ايش هي الوظيفة الميدانية [ الوظيفة الميدانية هي انك تيجي من الصبح وتدور في السيارة على الشركات والمؤسسات والمراكز تسوق يوميــــــــــــــــــــــاً ولمدة 5 ساعات او 6 تقريباً ] .. يعني مجال ( تسويق ) !!!!!
اعتقد مجال التسويق ما يصلح لبنات بلدنا خصوصا اننا اكثرنا من عوائل ولدينا عادات وتقاليد لازم نلتزم فيها وهذا المجال مو تخصصي التسويق 
، تخصصي حاسب ولا اعرف لمجال التسويق وقوانين واصولة ….الخ ، بديت بنقاش معاها :Hit: ان كيف غيرت كلامها وانا بالمقابلة كان الكلام شئ ثاني ، بد ت تبربر وتهذي زي مايقولون , طلعت من مكتبها بدون اي نقاش مع المديرة الفاضلة واطلب من السواق يرجع لي ياخذني لان لو تطير ما جلست عندها وبصراحة من اول ما قالت لي المجال حسيت برعب من المكان اللى انا جالسة فية 
..
طبعا السواق لين مايرجع يحتاج ساعه الا ربع بالطريق ، قلت خلني اخذ خلفية عن شركتهم الفاضلة واشوف بنات بلدنا وش يسون وين يروحون وكيف يشتغلون ،، قلت لها طيب ممكن بس اليوم اخذ خلفية عن العمل الميداني (( طبعا استغل الوقت لين ما يوصل السواق )) قالت لي المديرة بابتسامة تفكر اني بجلس : روحي عند البنات وشوفي وين بيروحون اليوم ، وبدت تصرخ المديرة الفاضلة بصوت عالي : يا فــلانه عرفي نــوف بالعمل و وين بتروحون اليوم ؟؟ ” يا حبيبي وماتعرف اسمي بعد ” لفيت عليها بكل هدوء وقلت : أسمي مو نوف ؟؟؟ قالت المديرة : اي صح سارة … أنا : !!!!!!!!!!!!!!!! لا اسمي نوف ولا سارة 
حتى ماتعرف اسمي وش هذاااااا ….!!!!!!!
سئلت المديرة : وين بيروحون اليوم طيب ؟؟؟ ، قالت : ما ادري روحي لهم وسئليهم .. (( عندها اكثر من فتاة سعودية المديرة ماتدري وين بيروحون !!!!!!!!!!! ))
انطلقت ياجماعه لمكتب البنات وسئلتهم بنات بروح معاكم وين بتروحون اليوم وكيف طبيعه العمل …؟؟
البنت : ماندري وين بنروح اليوم ؟؟
انا : طيب كيف ماتدري وين بتشتغلون ؟؟
البنت : بحالة هدوء وخجل و قالت (( طبيعة العمل نروح للمدارس والمستشفيات والمعاهد والشركات ونسوق !!! ))
انا : طيب حلو , واليوم وين بتروحون ومين بيروح لمدارس البنات او المعاهد ؟؟
قالت : ما ادري وين بنروح احنا ننقسم قروبات وكل قروب يطلع بسيارة الشركة وهي اللى تودينا الاماكن اللى ما رحنا لها ، بخصوص المدارس احنا خلاص شطبنا على كل المدارس واكثر المدارس تمنع دخول المسوقات ، والمستشفيات خلصنا منها , نروح للشركات اللى مارحنا لها الباقية …
- شكرت البنت بعد حوار طويل وسئلت باقي البنات وقلت لهم انا اساسا جاية لوظيفة ثاني و وظيفة ميدانية مستحييييييييييييييييل اشتغل فيها فوق ما اهلي ما يرضون انا ما ابي ، و اخذت اغراضي وطلعت من مكتبهم بدون تفكير للعودة او الحزن او الندم ،، طلعت والوكيلة توزع عليهم ادوات التسويق وتناديهم وحده وحده وكانها توزع ( هروين) وتذكرت الفلم القديم ” امنا الغولة ” اللى فيه عمرو ذياب من بلية و لوزة
بس جلست 3 أيام وانا اعيد القصة لكل شخص يمر قدامي ، لدرجة ان امي قالت لي : يا اللللله يا ماما الحاجة خلتهم يشتغلون كذا و بنات صغار يطلعون من الشركة والمديرة ماتدري وين هم رايحين !!!
بصراحة مرة ضاق صدري على البنات وان في ناس تسوق بهذي الطريقة يروحون لشركات ومصانع وادارة الشركة مو دارية وين هم !!!!
طبعا نسيت اقولكم نقطة تخلوا فوق 20 بنت ولا وحده قالت لي بالعكس حلو العمل اجلسي جربي ، لان الصباح قبل لاتيجي المديرة كنت جالسة معاهم وسمعت البلاوي والقصص اللى تصير لهم والمواقف ….
لحد يقولي وين الاهل !!؟.. انا قلت نفس الشئ وين الاهل هذا دور الاهل ، اذا الاهل ماحصلوا وظيفة لبنتهم واهم شئ انها تشتغل فهذا بالنسبة لهم عادي جداً ، وفي اهل البنت مالها اي قيمة بالنسبة لهم ، وفي ناس الحاجة خلتهم يسمحون لها بهذا الشئ …
يمكن البعض يقولي مافيها شئ السعودية افتحت مجال الان للمرآة بشكل اوسع وخلها تشتغل [ اذا صح افتحت مجال للمرآة لازم يكون شوية في حرص على بناتنا من قبل الشركة وخوف عليهم تتخيل انهم بناتها او خواتها !!!!!! ] ..
اعتقد التسويق الميداني انتهى في عصر الانترنت …
.. 
Like
..
بصماتكـــم