قوانين من الهواء الطلق ..!!
- الصورة من عدسة ( Ruba )بالفلكر..
رحلة البحث عن وظيفة تبدأ من ” المدارس الاهلية ” وتنتهي بالجلسة بالبيت ، ولكن بفضل الله تيسر لي احد المدارس وتم تعيني فيها في احد مجالات العمل الوظيفي علماً ان طلبوا مني العمل لمدة مايقارب الشهر [ من دون راتب ] 
قالت فترة تدريبية تدربين عندنا لمدة شهر واذا حسينا انك تنفعين للعمل راح يتم تعينك السنة الجاية .. (( الله يحينا يا جماعه حياة طيبة يارب )) ..
بما اني جالسة بالبيت ، وفترة الصباح ما عندي شئ يستحق الذكر يوم انترنت ويوم كتاب ويوم اصير ” بيبي ستر “، ليه ما اداوم فترة تدريبية ..
بديت أول يوم الدوام استغفر الله العظيم المدرسات يجيبون الاحباط للواحد لدرجة كنت بتهور وبتركهم من أول اسبوع ، و نهاية الاسبوع الاول اكتشفت ان مافي خطة امشي عليها جالسة اشتغل على كيفي ولا في شئ اسمة تدريب كل خرابيط × خرابيط ، ولا في احد يتابع عملي 
.. وجالسين يرمون على شغلهم وهم يسولفون ويوسعون صدرهم ، ولحد الان وانا ساكته ، 
الشغل اللى انا اسوية لاني متدربة يطلبون مني دبل بس الموظفة اللى عندهم تسوي ربعه ، قلت والله ما سوية لان الموظفة انا امس كنت معاها وشفتها كيف تشتغل لية لما جاء على انا اسوية كامل والشغلة ما تستدعي هذا الشئ كلة ..
طبعاً بعد تخرجي عدت سنوات طابور الصباح كان شئ مضحك بالنسبة لي وخصوصا اني صرت مع فئت المعلمات وليس الطالبات 
وانا اطالع اشكال البنات والشئ الممتع اكثر وقت التفتيش ، كنت اردد بقلبي ( الله يرحم ايام الدراسة ولوعت الكبد ) ..
نرجع لفترة التخريب اقصد ” التدريب ” 1- اعتقد ان فترة التدريب للموظف يكون في خطة للموظف يتدرب عليها
2- المفروض دامة شهر كامل يشتغل ويسوي لكم شغلكم اقل شئ تعطونة نص الراتب يكفي انه جاي من صباح الله ويطلع بعز الظهرية وفي القايلة ..
3- اعتقد من حقي اني اخذ شهادة او ورقة او قرطاس فية توقيع من المدرسة واني متدربة عندهم لمدة شهر وان كانت الورقة لا تعني شئ للأخرين على الاقل تعني لي شئ واحس بتقدير لنفسي مو كذا اجي واطلع انا واللوحة القوانين اللى معلقة على الباب واحد* ..
هل في بند ينص على السماح للمدارس الاهلية ان تخلي المتدرب يتدرب لمدة شهر او ترم كامل من غير ولا راتب ولا حتى ورقة تثبت بالتدريب ؟؟
- لحد يقولي كان طلبتي منهم ورقة تدريب ، طبعاً ما سكت وقلت لهم ابي ورقة تدريب قالت لي : يا حبيبتي احنا هنا ندربك لمدرستنا مانقدر نعطيك ورقة تدريب ؟؟ >> طبعاً سكت ما قدرت ارد بس بكتب لكم اللى كان ودي اقولها في وجهه .
يا عزيزتي : اتدرب لمدرستكم هذي خبرة اكتسبها ممكن اروح اشتغلها في اي مدرسة ، وايش الشئ اللى بتدربيني لمدرستكم ما اقدر اشتغل واتعلمة لمدارس ثانية ، اي شئ اتعلمة في الحياة وحتى لو في بيتنا اي مكان اقدر اروح استفيد منه ، علماً الشئ اللى مسكته لي والمهما اللى كفلتني فيها اي احد يقدر يقوم فيها ويتعلمها في مدة لا تزيد عن أسبوع ( انا اقولكم يومين وتعلمت وخلاص ما يحتاج اكثر ) ..
المدارس الثانية اكتشفت ان طريقتهم للتدريب يكون بوم واحد يتم تدريب المتدرب واذا حسوا انه يتجاوب معاهم ( مو تعلم الشغلة بس تجاوب معاهم وعنده القدرة على التعلم ) يتم توظيفة على طول ، و سئلت احد قريباتي في مدرسة ثانية قالت لي ان هم يخلون المدرس يجي يعطي درس ويحضرون لة الطاقم الاداري وبعدين يتم توقيع عقد معاه لمدة سنة وفي العقد في شرط ان المديرة لها احقية خلال ثلاث شهور لو حست ان المدرسة ما تصلح للعمل ممكن يتم فصلها وعلماً انها تستلم راتبها كامل …
- كان هناك محور حديث مع احد قريباتي وقلت لها شهر كامل اكرف واشتغل من غير راتب وقلت ” معلية تحملي يا بنت الحلال ” بس حتى ورقة تدريب مافي ليييييه ؟؟ 
= قالت لي اعتبريها عمل تطوعي انتي تشتغلين اعمال تطوعية !!!!!!!!!! (( بس أنا ولا مرة اشتغلنا عمل تطوعي لمدة شهر ويومياً الدوام ولا بعد فوق الـ 6 ساعات متواصلة ولا بعد تقوم من صباح الله خير .. وعمل تطوعي واحد اشتغلنا فية لمدة شهر كان أول شئ مشت لنا مكافئة وفوق هذا كللللللللللله كان ممتع لدرجة ما ودنا نرجع البيت من الوناسة ، هذولي مافي ولا ربع وناسة حتى النوم مايطير من عيني واحس اروح وانا مجبورة ما اروح و انا مستمتعه )) .. ومعلية في فرق بين الوظيفة وبين الاعمال التطوعية [ اذا تبغون راح اشرح لكم ماعندكم مشكلة ]
::
طبعاً صار لي كم موقف ومن بين المواقف.. ان مافي خطة يمشون عليها للشخص اللى يتدرب عندهم صرت اتمشى بالمدرسة واكتشف الاماكن لحالي واخذ الشغل من عند كم وحده احسها انها تستحق الواحد يساعدها وبنفس الوقت اكتشف ايش يسون وعندهم سالفة او لا ؟؟
اقصد 
بصماتكـــم