المقاله” اضغط هنا ”

يوم الجمعه اليوم يعني نزلت مقالتي في جريدة الجزيره

صحيت من النوم متأخر والا اشوف مسج من صديقتي تقولي ” الف مبروك اسماء على المقال الجميل استفدتي من الي ناخذه وعقبالنا ” <<<< انا :| اي مقال !!!

بعدها كلمتها وقالت لي مقالتي في الجريده وانتي نايمه

…

شوي والا جوالي ما سكت حسيت اني مهمه فجأه هههههههههههه

..

وان شا الله الكل يستفيد

تحياتي

من الاشياء اللى تجلب لى السعاده ،،  لما احصل من يشجعني على فكرة او حلم انا اتمناه

والشئ الاجمل لما اطرح فكرة او رأي واجد من يبادلني بنفس الفكرة والرأي  ،، [ يمكن تكون الفكرة موجودة عنده ولم يتم تنفيذها واجي انا وانفذها او يوافق على الفكرة ويتم تطويرها ] ..

من الاشياء النادرة بهذي الحياة ان تجد من يفكر بنفس تفكيرك ومن النادر ايضاً ان تجد من يشجعك على اكمال

عملك ، على انه لا يقدم المساعده الا ان التشجيع يجعلك تنجز جميع الاعمال بمفردك …

وجميل ان تنجز ربع العمل ويتم اكمالة لك ،،،

جميلة هي الحياة عندما تجد بها اناس يحملون لك الحب والاحترام …

you want to be high class

هل تريدين ان تكوني من الطبقه المخمليه ؟؟

طبعاً كتبت عنوان البوست بالانجليش على شان اصير من high class

تبين احد يشوفك ويقولون لك ما شا الله انتي من high class

مثل كل بنت تبي تسوي حالها من هذه الطبقه

عندي خطوات حلوه مره

في النت

1- سجلي في الفيس وحطي صورة طرف خشمك

2-  واذا كلمك حد في المسن او علقتي في الفيس بوك  لا تكتبي عربي اكتبي انجليش معرب مثل كذا : ya mr7ba

في التلفون

- طيب اذا سولفتي مع صاحبتك .. في كلمات لازم ما تنسيها وتحطيها في الكلام .. ( يا حبيلك – واااااااو – تسلمين يا عسل – نو نو افكورس – كم كلمه انجليش مثل ” my mod today it’s bad ” – فيني النوم << ما ادري ليه دائم يقولون فيني النوم )

- اذا رديتي على احد دق عليك قولي الوو مرحبا او هاي – واذا كلمتي قولي هااااايااااااات , مرحبا ” طبعا تقولي السلام عليكم ما يصير “

opss high class

جلست صحباتك

اول لازم تجيبي سواليف كذب على كيف كيفك

- في سوليفك ما تقولين ابوي وامي .. لالالالالالا . قولي دادي و مامي.. opss high class

- هو اصلا كنا بنسافر هذه السنه لباريس وايطاليا و لندن و تخيلوا حجزنا وكل شي حتى فنادق حجزناها وكل حاجه بس قهر مره قهر دادي جاه شغل ولا قدرنا نروح.. opss high class

- احنا مخططين للروحه خلاص بنروح لكذا بلده وتحمسنا و رتبنا الشنط وكل حاجه بس تخيلوا كل الحجوزات فل .. يا الله قهر مره مره قهر ياربييييه ان شا الله في الهولدي الجاي نروح يارب يارب يارب  ..opss high class

- تخيلوا مره دادي كان بسوي حادث .. بس الحمدالله ما جاه شي .. كنت بموووت يوم جاني الخبر.. opss high class

- مامي عندها حفله اليوم وتخيلوا ما كان عندها فستان تروح فيه فا راحت على طول لهرفي نيكلز ولقت الفستان الي تبيه الحمدالله الحمدالله .. opss high class

- يا الله عرس بنت بنت خالتي بعد شهرين وما ادري من وين اصمم فستاني .. اممممم ودي اروح  لبنان اصمم هناك بصراحه السعوديه موديلاتهم زيروووو مره قرف.. opss high class

- امس كنت في التحليه رايحه ابل بيز بس مررررره زحمه .. اووف .. بس كان مره وناسه جلست انا and my best frinds وفليناها

شوفي صورنا هههههه .. وترد صاحبتها يا الله اشكالكم craze ههههههههه

- يا الله واحنا راجعين للطريق هذاك اليوم صار فلم رعب .. يا الله كل ما تذكر ودي ابكي خلالالاص .. تخيلوا شوشو و سوسو

لحقونا شباب وانا واختي وبنت خالتي وبنت صديقة مامي لحقونا شباب بدووو واحنا ميتين رعب مررره مرررره واختي crying وانا say للسواق تحرك bssrrr3aah .. بس الحمد الله ضيعهم السواق ورجعنا للبيت نبكي يوووم مرعب كاااان mrrrrah

- بنات بنات ايش رايكم بكره اول ما نطلع من الجامعه go take a dinner in  المملكه او اممممم نروح ستيك هاوس او امممم فيدركيدز.. opss high class

- driver حقنا مرررره اهبل .. صدم فينا كذا مره وبصراحه دادي بسفره خلاص ايش الهبل الي فيه >> opss high class

- كلامك كله كله كله انجلييييش >>> opss high class

شنطتك

- الشنطه ماركتها >> ديور – فيرزاتشي – كواتش – دي ان جي ……stra….

- 13 روج

- عطر جفنشي

- شدو و بلشر و كريم اساس << كله من ديور طبعاً

- جوال بلاك بيري

- اي بود

- نوته

- جوال ثاني مقربع

- كريم يد

- مناكير احمر

شكلك في الشارع

- العبايه عرس طبعاً مافي لون الا فيه..opss high class

- الطرحه حاطتها بالبركه ..شعرك مفشوش من ورا وطالع , ولافه اللفه مثل لفة الشغالات , طبعاً الرقبه طالعه وشعرك من فوق طالع و ومن ورا مثل ما قلنا الشوشه طالعه .. او خذي لك البكله الي على شكل ورده كبييييييييره وحطيها فوق راسك ولفي الطرحه كأنك حاطه فوق راسك قوطي صلصله فهمتي كيف.. opss high class

- العبايه لا تسكرينها طبعاً

- البسي بانطلون جينز فاتح لونه ويكون اسكيني وبلوزة لاكوست << لان العبايه مو مسكره طبعاً على شان كذا شفناها..opss high class

- الشغاله لازم وراك.. opss high class

- في الجامعه ما تجين الا معاك شغالتك على شان تشيل عبايتك .. تخيلي بس تخيلي بس تشيلين العبايه في الجامعه وتحطيها في الشنطه تخيلي بس … اوووووبس مره ثقيله ..opss high class

- توقفين عند باب المول .. وتكلمين السواق وتقولي انت فييين دحييين انا مرره احترقت من الشمس وينك انت ما تفهم والله لأقول لي دادي.. بلا في شكلك..opss high class

…

في هذه الخطوات البسيطه جداً اعطيك شهادة opss high class

بصراحه بالنسبه لي ما احب هذه الحركات

احياناً يسولفون معاي صحباتي ولا يعرفون عني اشياء كثيره وبعد ما يحكون معاي ويعرفون مين انا ينقلب اسلوبهم معاي ويتظاهرون انهم من هاي كلاس ويتغير اسلوب كلامهم .. ما احب هذه الحركه بصراحه

وعندي قناعه ان الانسان ما يحتاج يتظاهر هو من اي طبقه لا من دنيا ولا عليا الشي يفرض نفسه .. وكلنا خلق الله ليش حركات المستويات هذه

انا اكره مجتمع نجد بصراحه لان فيه هذا التباين بين الطبقات على ان كلنا خلق الله<< ما اعمم

بعكس الشرقيه قليل هذا التظاهر واحس الكل  متواضع وناس ما شا الله مستواهم عالي ولا قد حسيت فيهم هذا الشي <<<<<وجهة نظري الشخصيه فقط ولا اعمم في هذا الكلام والكل له وجهة نظر …

ليش التظاهر في المستويات هذا ما ادري وايش الهدف منه مو عارفه..!!!

مو في الاخير كلنا خلق الله…

و ولد العز يبقى ولد العز لو مهما سوا

والناس العاديه يبقون عاديون .. ليش يفرضون نفسهم عيال عز بالقوه ويتظاهرون بهذا الشي ترا مراح ينبت لهم ريش بالغلط        ولا راح تنقص قيمتهم او يتغرون الناس عليهم …!!!

انا ما اقصد احد بالذات واعتذر من الجميع بس حبيت اوصل فكره ليش هذا التظاهر

تحياتي

ما كنت ادري ان اصعب قرار اتخذه بحياتي اني اعطي لاب توبي حق اي احد بالحياة ،،

ولا كنت ادري ان من الصعب اني استغني عنه ..

[ اكتشفت اليوم إن بداخل جهازي ، الكثير الكثير الكثير من الملفات صعب الاستغناء عنها في لحظة  ] ..

وجدت [ ♥ ] قلبي بداخل الجهاز  ..

من يومياتنا بالدمام ومأساة الشعب ” الدمامي ” هي الشوارع >> طبعاً مو بس هذي المشكلة في مشاكل كثيرة بس حبة حبة على العالم الخارج الدمام على شان مايجيهم جلطة وصدمة من الاخبار ..

اذا كنت تطلع من البيت لمشوار تافة ممكن يكون المسافة من البيت الى المكان المطلوب هو ربع ساعه ، لكن مدينة الدمام ولردائت الشوارع انت تحتاج الى ساعه الا ربع لوصول المشوار

وعزيزي الزائر ما أكد لك انها ساعه الا ربع يمكن يستغرق الوقت اكثر من كذا ويصل الى ( ساعة ونص )

تكون ماشي بطريقة بسلام وامان وفجاءة تجيلك لوحة ( الطريق مغلق )

( يوجد تحويلة )

واحياناً تحصل ديسكوا وتوك بتنزل تشارك بالديسكوا الا تنصدم انه ( حفريات ) ..

الكارثة يتم العمل ثم التأجيل الى سنوات قادمة اعتقد ان حكمتهم في الحياة  ( لا تؤجل عمل اليوم الى الغد إن كنت تستطيع تأجيلة الى مابعد الغد )

::

في احد المرات وانا راجعه من المعهد مع مضيع وبيسوي يوتيرن ننصدم بوضع مطبات في شارع ( عثمان بن عفان )

مضيع صرخ وقال بس هذي شغلتهم يحطون لنا مطبات ..

مو هنا المشكلة ، المشكلة ان الشارع الكل متعود عليه يدعس على البنزين ويمشي 120 تخيلوا في ربع يوم وفجاءة يطلع لك مطبة :| ، ولكن الحمدلله تم وضع ديسكوا صغير واشارة للجميع على شان يعرفون ان فية مطبة ..

::

اما شارع ( تحتفظ صاحبة المدونة باسم الشارع ) وانت جاي مسرع وفجاءة تحصل خفقة على تحت ( اهي تشبة المطبة بس المطبة على فوق هذي على تحت )

- كنت طالعه مشوار مع خالتي وولدها اللى مودينا علماً ان ولدها مش من سكان الدمام ، ومعلومة اهم توه ماخذ الرخصة ، وكان يطير بالسيارة ومر بنفس الشارع

انا : في مطبة انتبه ، مو مطبة حفرة >> لاني ما ادري وش يسمونها هل يسمونها مطبة على تحت

ما اعطاني اهتمام لان من بعيد مايشوف المطبة وفجاءة تطير السيارة تعود الى الارض :|

” الحمدلله على سلامة الشعب “

::

الزحمة في حي الطبيشي شارع  ( الامير منصور بن عبدالعزيز )

هذا الشارع كان شارع مسالم وطيب وولد حلال ولا فية اي شئ كان في 4 تقاطعات السيارات تروح وتيجي بسلام وامان وخالي من ( اشارة المرور ) وبين يوم وليلة تم وضع اشارة مرور وصار زحمة الله لا يرويكم لان الشارع صغير مايكفي الاشارة الوحده لوقوف اكثر من 3 سيارات جمب بعض ، وتعالوا شوفوا الزحمة

المشكلة ان شارع الامير منصور بن عبدالعزيز يتقاطع مع شارع ( علي بن أبي طالب ) عند سكة الحديد وفي التقاطع دوار صغير جداً جداً لا يستحق الذكر بس اسمة ( دوار ) ،، تخيلوا ان السيارات واقفة حوالين الدوار مو قادرين يدورون لان زحمة الاشارة حمرة والثانية اللى فاتحة خطا والسيارات واصلة لين الشارع الثاني بطريقة يصعب على الوصف او الكتابة عنها ، لدرجة احيانا اتمنى اني اتهور وافتح باب السيارة وانزل امشي مشي على رجولي احسن لي ..

::

اما الشارع اللى ماني بقايلة اسمة ، كان زحمة والسيارات كلها واقفة وكان ايام عيد ، تمنيت اني ماجيت ولا طلعت من بيتنا من كثر الزحمة ، ولو تشوف الزحمة ودك تصيح من القهر

فجاءة يتبرع احد المواطنين وينزل من السيارة ويبدأ يحرك السير على شان العالم تمشي من كثر الزحمة ..

::

تحصل اشارة مرور عادي والزحمة واصلة الى اخر الدنيا فجاءة تحصل حادث مروري تافة ولكن بحاجة لوصول المرور ( والمرور يمكن بعد يومين يوصلون ) ليه مايكون في سرعه للحضور لموقع الحادث وتحريك السيارات بحركة سريعه حتى يسير السير ولا يحدث حادث اخر …

==

اغلاق النفق ، واغلاق الكثييييييييير من الشوارع وكان حصار صاير بداخل البلد هذا الوضع ماينسكت عنه لانه يطفش

الشعب الدمامي بتزايد ولله الحمد ، والبزر مافقس من البيضة يسوق سيارة  والبيت الواحد عندهم سواقين وعندهم 10 اولاد وكل واحد وسيارته هذولي لحالهم بحاجة لشارع كامل

المشكلة ان الشوارع تتعدل ويتسكر شارع ونجلس سنين ننتظر الشارع ينفتح ويرجع الوضع الطبيعي ، وللأسف لما ينفتح الشارع ننصدم باقل من اسبوع بأغلاقة من جديد لان الترميم كان خطأ ويعود الترميم من جديد ..

* الشعب الدمامي بحاجة لجريدة تصدر يومياً و مجانية ايضاً للشعب عند اشارة المرور يتم التوزيع  في كل صباح  وهي عبارة عن خارطة مدينة الدمام هذا اليوم أو لهذا الصباح ..

وتتضمن الصفحة الرئيسية ( اوقات الصلاة ) + ( حالة الطقس ) + ( عدد سيارات المرور المتوفرة ) + ( عدد الاشارات العطلانه )

والصفحة التالية تتضمن ( الشارع الجديد الى تم اغلاقة ) و  ( الشارع الجديد اللى تم افتتاحة ) و ( النفق المغلق او مليئ بالماء ) ………الخ

ولا تخلوا من خريطة توضيحية وتشعر سكان الدمام انهم سياح لان كل يوم يتغير البلد عليهم والطريق يختلف ..

>> ونصبح شعب دمامي شغلته الشاغل ( اغلاق وفتح استقبل ودعا غادرا )

واخيراً

ا

ن

ت

ح

ر

ا

انـــتــــحـــــــرا ..

في المعهد المدرسة اللى تدرسني الان الفترة الماضية خلال شهر ونص وصديقاتي اللى ادرسوا معاها واهم كل يوم يقولون شئ  عن المدرسة

- مضيعه المدرسة ابدا مش متعاونة

- مضيعه الللللللللللله يعينكم اذا بتدرسكم المدرسة الفلانية

- مضيعه لازم تطلبون ان فلانه ماتدرسكم

- مضيعه المدرسة فيها وفيها وفيها وفيها ………………..الخ

وانا اخذ اخذ اخذ اخذ رسالات سلبية  [ وهذا اللى خلاني اكتب البوست السابق كبداية لموضوعي ] ..

أول يوم دوام لي وكوارتر جديد مارحت الدوام لان صديقاتي عطوني رسايل سلبية وسحبت على المحاضرة

المحاضرة الثانية : دخلت وانا احس اني داخله لمعركة ولو تقولي كلمة  احس بقتلها ..

المحاضرة الثالثة دخلت وانا متعوذة من ابليس ومنها ، وعلى انها سمعتنا كم كلمة الا اني متحلية بالصبر ..

والمحاضرة الرابعه والخامسة وكل يوم ادخل واقول الله يستر

لحد الان كلام البنات وصل من اول يوم وهو كان نقاش معاها حول موضوع وبدت تحبط فيني وتحبط تحبط

جااااااااااااابت لي الاحباط الشديد وحسستني اني انسانه مو غبية ما ادري وش اقولكم حسستني انسانه بلا عقل ولا وعي ولا بطيخ ولا حتى جح ،  انقهرت وبديت اشتكي عند صديقاتي ومن كثر ما اقهرتني جاني شد عضلي في رقبتي وجلست يومين مو قادرة احركها وانلفت والله ستر بس ” وكل محد جاء بيتنا سئلني وش فيها رقبتك قلت لهم من القهر وانلفت ” ولكن الحمدلله تحسنت الان ..

اليوم الثاني انا جيت متأخر وقالت المدرسة حق صديقاتي : دي البنت مضيعه دي ماشاء الله عندها افكار حلوة وبنت نشيطة ومادري وش ( وامدحتني )

Read more…

تتذكرون البوست اللى كتبت اني حضرت دورة الهلال الاحمر واني كنت بطلة وما اغمى على ، واني طول الدورة مدة يومين واحنا نتعلم وانا اقول بقلبي ( ان شاء الله محد يحتاج لي وانقذ شخص ) ..

يوم الثلاثاء كنت في المعهد واطلب من احد المدرسات تيجي تشوف شغلة والمدرسة المشكلة عندها محاضرة وانا الا الان تيجي وتشوف الشغلة اللى ابغاها واقولها ( تكفين خمس دقايق بس عشرة بس بس 15 دقيقة ) المهم وافقة واهي جاية معاي برويهم الجهاز ،، الا ادخلت الكلاس اللى جمب الكلاس اللى انا ابغاها تدخل فية وكانت تكلم بنت ..

وفي الممر واهي بتيجي عندي المدرسة الا في بنت جاية وشايلة صديقتها ( شايلتها شايلتها مو كلام خرطي انا كاتبه ) والبنت ينزف من خشمها دم ..

انا >> وش فيها وش صاير ” والحروف ماتطلع اساسا اقول حرف وعشرة ابلعها ” ..

خذوا البنت وحطوها على احد الكنبات في المعهد والبنت ماتتحرك صايرة كانها جثة ..

>>> خلني شوية اطلع فائدة الدورة اللى اخذتها انقذت حياة انسان ..

أول شئ / خفت امسك البنت واصحصحها  ،،بعدين  حالة الاغماء اللى فيها واضح ان بس ماي وبتصحى البنت بإذن الله

بديت اصدر اوامر : قلت حق وحده من البنات بحياتي ما نديت اسمها ولا سلمت عليها بس اسمع البنات ينادونها وطلع الاسم صح بقدرة القادر ههههههههههههه ، قلت فلانه ارفعي رجلها على شان الدم يجي لين راسها

وجيبي شوية ماي وامسحي على وجهة

>> الاخت مضيعه ماتسوي شئ

البنات بسرعه ارفعت رجل صديقتها واركضت لدورة المياة ” اكرمكم الله ” وجابت ماي وغسلة وجه صديقتها بخفيف حسب اللى قلته

بعدين بدين اتفلسف >> لو ساكته ابرك لك

سئلت صديقتها كم سؤال  بعدين سئلتها فيها سكر ضغط مريضة ؟؟

صديقتها لا لا مافيها شئ كانت تعبانه تقول اليوم وجاتها الدوخة وطاحت البنت على شان كذا صارت تنزف من خشمها ..

جلسنا ندور جوالها نبي نتصل على احد من اهلها نعرف فيها شئ البنت مريضة ، علماً ان كل المعهد تجمع وصاروا ينادونها ويكبون عليها ماي

لفيت اعطي صديقتي الاشياء اللى بيدي رجعت اقل من ثانية

الا احصلهم رافعين راسها ورجلها مرفوعه ( صار شكلها زي الكرسي حق البحر اللى يطبق )

انا : لا لا لا  نزلوا راسها خلوا الجسم نفس المستوى بس رجلها مرفوعه

وبحركة سريعه رجعوا راسها وارفعوا رجولها ..

رحت ادور صديقتها على شان يجيبون الجوال ، بعد ما البنت صارت تفتح عيونها وبدت تصيح تقول ( راسيييييييي راسيييييي )

>> انا طول الوقت اتكلم واصدر اوامر وانا مكتفة يديني وارجففففففففففف ” طلعت اخرطي ماعندي سالفة ولا هم يحزنون ”

من جد اخاف اقرب من عند شخص مغمى عليه ، ما اتذكر الحمدلله اني شفت اشخاص مغمي عليها ( الا مرة من كم سنة اغمى على ماما ومافي الا انا بالبيت وكل واحد من اخواني وخواتي في مشوار ابعد من الثاني ، لحد يسئلني كيف تصرفت الله لا يرجع ذاك اليوم ) ..

- اللى صار ان اليوم الثاني الاربعاء وانا جالسة اشتغل مع صديقاتي مرت صديقة البنت اللى اغمى عليها ، وناديتها فلانه ” علما  ان مافي اي علاقة بيني وبين هالبنات بس اعرف اسمائهم لان البنات ينادونهم بالمعهد حفظت اسمائهم ”

جات قالت لي ايوووة انتي وش اسمك ؟؟

انا : مضيعه  – ايش اخبار صديقتك فلانه جات اليوم صارت احسن ؟؟

هي : مضيعه وش ؟؟

انا : لية تسئلين ؟؟ >> تفاجاءت

هي : بس اسئل مضيعه ايش ؟

انا : مضيعه ال مضيعين >> اووت.

هي : يعطيك الف عافية ماقصرتي امس والله من جد جلست اقول للبنات ماقصرتي ان شاء الله يارب نخدمك بالافراح

انا : يؤؤؤة ماسويت شئ والله ، بس ايش اخبارها صديقتكم جات اليوم ؟

هي : لا ماجات اليوم شكلها تعبانه وماترد على جوالها .

::

بعد ما راحت جلست اضحك على نفسي واقول ماسويت شئ وبعدين كنت خوافة ..

ابداً انا وحده ما انفع لمثل هذي المواقف لاني ما اعرف اتصرف  واخاف وانهار بسرعه وان وقفت وسويت نفسي اني قدها وبطلة جسمي يرتجف من الخوف >>

ضروري الواحد يقدر يتصرف بمثل هالمواقف بس مشكلة ان الموقف مرعب =(

لا يوجد لدي  ما اقوله هنا ولكن الشعور بالملل في يوم اجازه اسبوعيه بعيداً عن الاهل .. لم اخرج اليوم والسبب هو اجتماع خالاتي في احد الاجتمااعات الكبيره وانا لا احب ان احظر مثل هذه الاجتماعات الكبيره لوحدي فا اشعر لا محل لي بالاعراب

قد اقول بسبب فكر حريم متأخر اشعر احياناًً انني تحت المجهر وكل حركه افعلها الان محسوبه وتفهم هو بالمعنى العامي (ترزز)

المترززه  >> هي الانسانه التي تريد الزواج فا تذهب الى اجتماعات كبيره وتسلم على الكبيرات و اذا ذهبت الى عرس تجلس فوق المنصه بالعربي الفصيح ابي اتزوج شوفوووووووني

اول او من قبل سنه تقريباً قبل ان تتزوج اختي كنت جداً مرتاحه جداً لان كانت اختي اكبر مني فا اشعر بالراحه وكل حركه افعلها لا تفهم غلط ولكن الان اشعر انني تحت المجهر وكل خطوه تنفهم ترزز بما انني اصبحت كبيرة البيت الان

عندما اذهب مسرعه اسلم على خالتي وهي اخت جدتي لأشم ريحة جدتي الغاليه الله يرحمها انفهمت ترزز 

عندما افرح واكون في اجتماعات الكبيره فرحانه واكون حيويه وانا هنا وهناك تنفهم ترزز

عندما وعندما وعندما

اشعر انني تحت المجهر اكره هذا الشعور اتسائل دائماً كيف لاختي  ان تحملت هذا الشعور اكثر من 4 سنوات !!

تقول اختي انه شعور غبي جداً وممل جداً

ودي اذا رحت اي عرس اصرخ واوقول عند الباب وقبل ما ادخل والله العظيم ما  ابي اتزوج يرحم امكم ما ابي عجوز تقعد تقز من بعيد وشوي تجي تتميلح انتي من بنته وانا اتحلطم بنت فلان

كله كووووووم ومره من العراريس مدري احد الاعراس جتني حرمه اقعدت جنبي بعد ما اشرت لي ماما من بعييييد قومي وجبي اهل المعرس مدري العروس  وما شا الله ماما من اول الصاله تغمز وتقولي قومي ودي اقول ماما الكل شاف الغمزه ما صارت غمزه المهم قمنا والشكوى لله وخلص الشوط وشوي والا تجي عجوز جنبي والله العظيم شوي تجلس بحضني

وتقعد تقزز وخواتي فاقعيييييييين ضحك وانا اتحلطم وش تبي ذي  !!!!

يرحم امك واهلك روحي تكفين قسم با الله لا الحين ما ادري ايش ودي احذفها بشي وانا اطالع فيها وابتسم المهم ولا قامت الحرمه لين قمت طلعت وشفت لي شي اسويه لين  تقوم الحرمه

والله خطاطيب العروس مشكله ههههههههههههه

….

مره من مراريت جت وحده لاختي المتزوجه ما شا الله اختي مو باين عليها انها متزوجه ابداً المهم جتها حرمه وقالت لها انتي من بنته  قالت لها اختي وش تبين تخطبين يعني قالت ايه قالت اختي انا متزوجه

تقول لها الحرمه يا الله عاد قولي انتي من بنته واختي تحلف والله العظيم متزوجه تبين اكلم زوجي الحين وعندي بنتين بعد

والحرمه مو مصدقه تقول لها وين امك يا الله واختي تقنعها وتقول والله متزوجه والحرمه ملزمه وتقول والله ولدي ضابط ويعجبك واختي تقول والله متزوجه وش ضابطه !!!

المهم ما صدقت الحرمه اختي وتروح لعمتي وتسأل عن اختي لين قالت لها عمتي متزوجه وعندها بنتين

والله لو اختي مو  متزوجه وقالت لك انا متزوجه يعني تصريفه  هو بالغصب يعني طيب ما تبي تتزوج بالقوه يعني بالقوه

حريم ما ادري وش تبي !!!!

المهم ما علينا بدخل في موضوع ثاني <<< حدها فاضيه ما عندها شي تقوله

امممممم

كيف حالكم <<< قولي والله

<<<< ما كأنها اقلبت عاميه وتو تتفلسف وتتكلم بالفصحى :|

يا الله ما عليه تحملوا وكملوا اقرأوا والا براحتكم اقروا << بالقوه السالفه

خلاص خلاص والله ما عندي موضوع

<<< طراااااااخ حدك فاضيه

با الله هذا موضوع ينكتب

الملل وش يسوي الشكوى لله

كانت جنازتي في منتصف النهار.

والضوء قد ألبس كل التفاصيل في شارعي وضوحا صارخا ..

” هديل الحضيف ” كتاب / غرفة خلفية ..

مضى عام على رحيل هديل ..

الله يرحمك  يا هديل

الله يرحمك  يا هديل

الله يرحمك  يا هديل

اللهم ارحمها واغفر لها واسكنها فسيح جناتكــ ..

شكراٌ ابو المهند على الكتاب }~