مدونة اللتان

في احد ايام الاسبوع بعد ما المدرسة اعتذرت عن الحضور للمحاضرة وكان مافي اي خيار قدامنا الا الاتصال على ( اخوانا ) الله يخليهم  ،، طبعا كان الاتصال قبل خروجنا المعتاد بساعه ونص وزياده بعد ،، وبدا تحلطم اخوانا وكما قيل ( طعطعه ) على رفض البعض للحضور لأخذ خواتهم .. 

كانت تتحلطم احد صديقاتي وتقول تخيلوا يقولي اوقفيلي عند باب الشارع من الان وهو ماطلع من البيت >> وش تسوين وقفي وانتي ساكته ..

اما الثانية جلست تدور على اخوانها واحد ورى الثاني وتبحث عن الفرج

وكلهم بيوتهم قريبة من المعهد ، الا انا وصديقتي الثاني نيجي من الدمام يعني شوية مشوار بالنسبة لهم ..

اما انا وبكل فخر اخوي مضيع لما اتصلت عليه قالي : لاتقولين مدرستكم ماجات ؟؟ >> ماشاء الله عليه ذكي ..

انا : اي ما جات

مضيع : اقول بس اسحبي ملفك واطلعي من هالمعهد ..

:

بعد الانتهاء من الاتصال على اخوانا جلست وحده تتحلطم مثل البركان على اخوها وقالت ( لو يخلونا نسوق دبابات ونرجع البيت لان بيتنا قريب ) :7r:

جلسوا البنات يضحكون على الاقتراح وانها تسوق “دباب “

وانا كنت معصبة على المدرسة انها ماجات واني جيت اليوم على الفاضي المعهد وفي بيتنا عزيمة لو جالسة احسن لي قلت لها والله لو يسمحون لنا بسياقة ( الحمير ) ” اكرمكم الله “ ،، تعبنا من المطالبة بسياقة المرأة للسيارة ولا نريد سياقة السيارات

لان من عيوب السيارات

ان الاسعار في صعود ” وخلوها تصدي “

والبنزيل في علوا

ومقاطعه لبعض المنتجات لأفضل ماركات السيارات

وقطع غيار السيارات غالية

ولا المراءة من الجنس الناعم من الصعب على فك كفر السيارة لو بنشر

وكما اننا في مجتمع سعودي لا اقبل ان اسوق سيارة بموديل قديم وبلون رديئ

والحل سياقة الحمير لان من مميزات الحمار :

ان الحمار معروف بالصبر والتحمل وبيشتغل ليل ونهار وهو بصمت و لان لا يكلف غير ( البرسيم )ولا يحتاج لقطع تغير…

وطلبت من احد صديقاتي اني بمناسبة اني اشتريت الحمار تجيب لي هدية ( سرج ) وباذن الله راح اركب لها عربة من الخلف على شان اوصل صديقاتي الى بيوتهم  ، بعد ما انتهي من اقساط الحمار ..

المضحك بالسالفة ان وحده من البنات قالت تخيلي على طريق الهايوية الخبر والدمام وانتي راكبتلي حمار

اعرف انه منظر مؤلم جداً ولكن معلية يقوم بمهام كثيرة  …

اللهم ارزقنا سياقة الحمير ..

اليوم الخميس كان عندي اختبار الصباح ويوم الاربعاء زواج بنت عمتي وطبعا ما يصير ما احضر زواج بنت عمتي كافي ان كثير زواجات بنات عمي وعمتي الفترة الاخير من اعتقال ابوي ما حضرنا ولاشئ ،، جلست ادرس للماده قبل الاختبارات بفترة طويل والمذاكرة سيئه الى حد ما >> يمدحون الصراحة بالكتابة التدوينية ..

جاء يوم الثلاثاء قبل الاختبار طبعا والمفروض يكون مراجعه ارفضت المدرسة تراجعنا واشرحة لنا درس جديد “آآآخ بس  ” وجلست انا طول المحاضرة احن زي العجايز ” يللة يا مس راجعينى عندنا اسئلة ذاكرنا على شان نسئلك ” وبالاخير قالت يللة نراجع

تعرفون وش سوت قامت تقرأ لنا عناوين الدروس وتقول خلاص يا مس انتهت المحاضرة تفضلوا >> خير هذي مراجعه

طالبوا البنات ومظاهرات ويبغون ورق مراجعه ودائما اهي تعطي اوراق مراجعه ( علماً ان اوراق المراجعه نفسها تيجي بالاختبار لهذا السبب البنات طالبوا )

رفضت تعطي الاوراق واليوم الثاني صارت تقول طيب طيب طيب ولا شفنا طرف ورقة

- الاخت مضيعه اللى هي انا ، عندي زواج بنت عمتي ،، ومذاكرتي سيئة زي ماقلت، المهم انصحتني اختي ” أم عبدالرحمن ” اني ما اروح الاختبار وادبر ورقة غياب ” من وين ادبرها “ ،، طبعا كان شئ غريب وفريد من نوعه جداً وما جات الفكرة على بالي

صليت الاستخارة وانا ارتب اشيائي بروح الكوافيرة الا يجيني اتصال بنفس اللحظة صديقتي تتحلطم مثل البركان على المدرسة والموقف البايخ اللى صار …………الخ (( على طول قلت بس هذي استخارتي بكرة اسحب على الاختبار ))

وحركة سريعه ادور موعد في ” ابن سينا لطب الاسنان “

قالت حقت الرسبشن كله متعبي مافي مجال

انا : تكفين الله يخليك دبريلي موعد عند د.ميادة ،، او خلاص د. ناديا اذا موجودة ؟؟

والحمدلله احصل موعد في نص وقت الاختبار الساعه 10 الصباح

وتم الغياب  عن الاختبار ..

- رجعت من الزواج تقريبا الساعه 3 جاء مضيع خذانا ولين ماوصلنا زوجة عمي وبعدين اختي ام عبدالرحمن و بعدين رحنا وصلنا زوجة اخوي ضايع وكل هالثلاث كل وحده ساكنه في حي مختلف ..

” طبعا حريم واركبوا السيارة بعد حفلة ماسكتنى ابدا ولا بعد الاخت مضيعه ماسكة الجوال تسولف مع ضايعه تنقل لها الاحداث لان ضايعه ماراحت >> اعيد السالفة مليون مرة ومضيع بصمت يسمع وده يفتح الباب ويحذفني “

وما نمت الا بعد صلاة الفجر ومن الساعه 9 الصباح انا صحيت خايفة الموعد يروح على ..

سئلتني الدكتورة وش فيك؟؟؟  ، وانا اساسا ابي اسوي اشعه على سن العقل قلت لها ان سن العقل يوجعني ( والله اني ما احس بألم ابدا الحمدلله ) ،، قامت وقالت لازم نسوي تصوير للفك كامل …

وبعد ماسوت تصوير اكتشفت ان في سن عقل راح يطلع قريب ان شاء الله ” اللهم طولك يا روح “

وقالت ان احيانا سن العقل ياخذ سنة لين مايطلع عادي ، الا اذا كان بيطلع بشكل سليم ياخذ مدة اقل.. ( لوووول اتوقع انا يبغالي 5 سنوات على شان يطلع ) …

المصيبة انها اكتبت لي 4 ادوية اخذهم من الصيدلية على شان يهدء سن العقل و اثنين منهم مضاد حيوي ( ما ادري مين بياكل الادوية ) هههههههههههههههه في احد يامر على الورقة والله ماتغلا عليكم >> حلفت انها ماتغلا عليكم :d

الزبده واهم شئ :

اخذت ورقة عذر والله يستر بتعيد لي الاختبار اولا ؟؟ لوووووووووووووووولات

- بصراحة سالفة الغياب وجيبي ورقة عذر سالفة واول مرة بحياتي اغيب عن اختبار ويارب تكون اخر مرة

————————-

تحديث مهم :-

تراني عدت الاختبار واخذت فل مارك الا علامة ” الحمدلله ”

غريبه كثير من الناس اللى تلبس ملابس الصيف في فصل الشتاء ودرجة البرودة عالية جداً لدرجة تحس انك راح تتحول الى مكعب ثلج وتحصل الشخص يقولك : مافي برد ..!!!!!!!!!!!

كثير ما اسمع هذي الجملة ” مافي برد ” وانا احس ان لوني تحول الى الازرق من كثر البرودة والغريب بالموضوع انهم يتكلمون معاك ويتحركون بدون اي شئ يدل على انهم يحسون بالبرد …

كنت اعتقد ان الاشخاص السمان وبصحة جيده هم الناس اللى مايشعرون بالبرد ، الا انى انصدمت من وحده نحيفة مرة ما تعاني من البرد والشتاء والصيف عندها واحد =(

هل هم ناس سعيدين لانهم مايحسون بالبرد …؟؟

او ناس عديمين الاحساس ..؟؟

او مساكين مايحسون بجمال فصل الشتاء ويتمتعون ببرودة ..؟؟

- عن نفسي اتعب جداً لما اشوف احد مصيف في فصل الشتاء :55:  لانه منظرة قدامي يجيب لي البرد :/ ..

واخيراً يا زين البرد.. :22:

————

دولاب = كبت الملابس

حلو ان الانسان يعرف الخطا اللى ارتكبة في هذا الحياة وحلو يحس بالندم ،، بس للأسف اذا كان الانسان الى اليوم مو عارف الخطأ ..

أول مرة اقول عن اكبر خطأ سويته بحياتي و اول مرة اقول قدام الجميع اني ندمانه ..

ندمااااااااااانه كل الندم اني دخلت ( أدبي  ) 

يعني لو داخله علمي ما كان احسن لي

كل ما اسمع بنت تقولي بدخل ” أدبي ” ،، ودي اقولها لا تدخلين ادبي ادخلي علمي احسن لك بس اخاف ان لها ميول و راح احطمها لها لهذا السبب اكتفي بكلمة ( الله يوفقك )…

بصراحة ما كان عندي اي هدف لما دخلت أدبي والسبب لدخولي لأدبي والى اليوم انا مقهورة على هذا السبب الراجع الى الكثير من الاسباب  ..

(( ان العزايم في بيتنا والضيوف والطلعات والجمعات كثيرة ، والسبب المهم هو ان مافي احد بالبيت يقدر ان عندي اختبارات ” الا امي الله يخليها يارب ” والناس لما يكون وقت اختبارات كل واحد قفل بيته وتقول صاير حرب ولا يرفعون تلفون ولاشئ بس بما ان بيتنا مافي احد يدرس الا ( أنا )  وهذي من ضريبة آخر العنقود فعادي الناس تدخل وتطلع و عادي اتهزء ويقولولي نزلي وسلمي على فلانه عيب عليك خمس دقايق مابتأثر عليك ،، فكان الحل اني ادخل أدبي لان اسهل شئ وما يحتاج لمذاكرة كثيرة زي العلمي  ،، وكنت اعتقد ان اللى يدخل علمي لازم يصير طبيب وانا اخاف من الطب و من ريحة المستشفى ))

- والشئ الثاني اللى ندمانه عليه :-

اني سمعت لنصيحة امي  الله يجزاها الف خير ودخلت كلية الاداب التعبانه وتخصص دراسات اسلامية وهذا التخصص لا يحمل اي شئ لميولي مجرد ان اضاع سنة ونص من عمري ” مو ندمانه على التخصص ندمانه على وجودي بالكلية بحد ذاتها “

واحمد الله ان والدي ” الله يفك اسرة “ نصحني بالخروج وتدارك نفسي والبحث عن مستقبلي ..

والى اليوم مستحيل انسى وقفت ” مضيع ” وتشجيعه لي للخروج من الكلية وتقديمة لي للكثير من النصايح الى انقذني فيها وهو مو اللى اقنع امي بالموافقة على خروجي من الكلية التعيسة …

اكرهـ سنة اللى درست فيها بالكلية لاني ما اتذكر اي شئ جميل فيها غير نفسيتي السيئة

(( لست راضية 100% عن تخصصي الان ولكن اقدر اقولكم بنسبة 89% أنا سعيده واعرف ان تخصصي اقدر اربطة بمجالات كثيرة واشياء ثانية ))

- أكبر خطأ ان الناس يحركونك على كيفهم ويدخلونك التخصص والمجال اللى انت ما تبغاه ولا راضي عنه ..

اتمنى ان محد في هذي الدنيا ندمان زي ندمي  …

~{  مجرد شئ بخاطري وحبيت اكتبة والساعه تشير الى 1.05 ص  ،، ومدونة someone موضوعه الاخير هو اللى خلاني اكتب البوست + طفشي من المذاكرة الآن ..

عندي امنية من كم سنة وهي امنية غريبة بعض الشئ الا اني الفترة الاخيرة نسيت انها كانت امنية واليوم تحققت

وحلو ان الواحد يفرح ان امنيته تتحقق وان ربي امد في عمرة عمر جديد وشاف الحلم اصبح حقيقة ..

ولكن المحزن ان الامنية يكون شئ صعب بعض الشئ ..

خلوني اقولكم امنيتي واقولكم الاجابيات والسلبيات ( والباقي الكلام اكيد لكم ) ….

- امنيتي ان مايكون عندي اي وقت فراغ وان كل الوقت اكون مشغولة لدرجة اني ما اتلذذ في النوم …

نعم هذي هي امنتي التى تحققت …

الاجابيات :-

1/ افتقد أيام زمان لما كنت اقول حق امي ( اووووووووووف بمووووت من الطفش زهققققققققققققققت احس اني بموت طلعوني اي مكان حتى لو قلعت وادرين اي مكااااااااااان ابي اطلع خلاااااااااااص )

والحمدلله تخلصت من كلمة امي وابوي ( البنت اللى تقول طفشانه يعني تبي تتزوج ) >> احس هالجملة خلاتني اتادب ولا اقول طفشانه وتخلصت من الطفش ..

2/ قدرت اشغل وقتي بشغلات كثيييييييييييرة لدرجة ان كل مرة اكتشف شئ جديد واترك الشغل القديم …

الاشياء اللى اشغلتني بحياتي كثيرة لدرجة والله العظيم من زمان ما تسدحت قدام التلفزيون  وامسك الريموت واكرر عبارت مضيع المشهورة ( 400 قناة ولا قناة فيها شئ عدل ) ،، لي شهور ما ادري عن التلفزيون ولا ادري عن المحطات ولا المسلسلات حتى الافلام اخر الليل ماعاد اشوف شئ ماعندي وقت …

3/ افتقدت نوم العصر والظهر والمغرب ،، بس انام مرة وحده بالليل الساعه 1 او 2  واصحى الفجر اصلي واكملها نومة الى الساعه 9 الصباح واصحى كل يوم >> طبعاً اصحى 9 شبعت نوم ماشبعت هذي مشكلتي اقوم زي الجنية واكمل اليوم …

4/ ما انتظر الناس يجون على شان يقدمون لي شغلة تملئ وقتي الحمدلله صرت لحالي اشغل وقتي …

- الاشياء اللى اشغلتني بحياتي :- ( الانترنت ” كثير من المواقع ازورها وكثير من الاشغال اسويها “  / قراءة الكتب ” وهذا الشئ ماكان موجود سابقاً بحياتي من جد غير الكثير فيني ” / العمل التطوعي ” شغلنا في العمل التطوعي شبة اسبوعي واكثر  ” / صديقاتي ” صار عندي صديقات كثير وفرحانه مرة فيهم وخصوصا اني انسانه اجتماعية ” / مشاريع ” الى اليوم عندي حلم اني افتح لي مشروع وبإذن الله راح احقق حلمي بس احتاج لجهد ” / الدروس ” اجلس بالنت اشوف دروس واحاول اطبقها لبرامج او اي شئ تشغل نفسي وتزيد من خبرتي ” / الكولاج ” من جد استمتعت بالكولاج مع ان لي شهور ما اشتغلت بس كل فترة احاول افكر بفكرة ” / الحياة ” اساسا الحياة مليئة بالمشاغل اللى كانت تشغلني سابقاً امثلة بسيطة {  الزيارات العائلية + الدراسة } )

- طول فترة الصيف او العطلة اللى تكون عندي بين الكوارتر والثاني ما ازهق فيها ولله الحمد لان عندي اشياء تشغلني ولا احس بالملل ابداً ،، لما تتصل على احد صديقاتي وتقولي( اوووف طفش متى بنرجع للدراسة شوي نطلع من البيت ) انا ما اشعر بالطفش اللى اهي تشعر فية بالعكس احس لو يمددون الاجازة راح اكون سعيده لان راح انجز اشياء اكثر …

:

سلبيات :-

- تحس مخك بينفجر من كثر الاشغال اللى فية  ..

- ما اتهنى بالنوم ابداً واحس حتى بالحلم مخي يشتغل واصحى من النوم وكاني مانمت .. ” مرة كنت اشتغل طول اليوم على الفوتوشوب ومانمت الا متاخر مرة وطول الليل احلم بادوات الفوتوشوب اجلس اقطع وامسح لدرجة كنت راح انجن :s “

- محملة نفسي اشياء فوق طاقتي بس مع هذا الا اني احس اني سعيده ..

- احاول ان اصل الى القمة خلال ايام قليلة وهذا الشئ يتعبني اني ما اقدر انجز كل اشغالي ..

——

مع العام الجديد 2009م  ، اول مرة احط لنفسي دفتر في مواعيد واوقات العمل …………الخ

مع انتهاء العام راح اشوف ايش انجزت وهل انا قدرت ارتب وقتي ( لان العام الماضي احس كان في شغلات المفروض انجزها بس ما انجزتها لان مافي اي ترتيب للوقت ،، ان شاء الله هذا العام اكون افضل من العام الماضي )

وبإذن الله راح اكون قدها …

* اول شئ في شغلة احاول انجزها قبل تاريخ

9/9/2009

اهم هدف ( ان مايجي شهر 6 الا وانا متخرجة )

عندي حلم من عام 2007 وبإذن الله احققة قبل تاريخ 9/9/2009

هذا اللى عندي الان وباذن الله راح اكون قدها

اعرف قيمة الوقت ، واستغل كل لحظة ، وتشبث واستمتع بها

” فيليب دورمر ستانهوب “

دائماً اسمع انك اذا تحب شخص وابتعدتوا عن بعض وكان هذا الشخص في بالك واتصلت عليه تحصل انه اهو كان يفكر فيك بنفس الوقت ..

من خلال تجربتي بالحياة ومع تعلقي الشديد بصديقتي ” النوري ” افكر فيها انصدم بجوال يرن واشوف اسمها ، واحيانا اتصل عليها وترد على تقولي بسم الله الرحمن الرحيم ماسكة الجوال اكتب لك مسج  >> وتصير دائماً وعلى طول ..

” في ناس يقولون انها صحيحة وناس يقولون لا ، وانا تكلمت عن هالموضوع من زمان بس ماحصلت البوست وكان في ناس مؤيدين وناس معارضين “ ..

—-

بعد رجعت ضايعه من شهر العسل جلسنا نسولف بشكل سريع مع بعض وقامت تقولي والله مضيعه كل ما اشوف شئ بالسفر اتذكرك على طول دائماً كل ما اشتري شئ لازم اخذلك معاي ما ادري لية انتي مارحتي عن بالي ..

ماقدرت امسك نفسي دمعت عيني وقلت لها انا نفس الشئ كل بالبيت اصيح عليك لاني فقدتك كثير ” ماقدرت اكمل كلامي وجلست اضحك ودموعي انزلت على خدي “  ..

ضايعه قالت لا تقلبينها صياح لية لية تصيحين تراني ساكنه قريب كل يوم انا عندكم بتزهقين مني

جلست اضحك واقولها والله مواقف صغيرة وبايخه تصير بالبيت الا اني اتذكرك اسخف شئ سلة الملابس لما تجيبها الخدامة فوق واخذ ملابسي وجاتني الصيحة لان دائماً السلة فيها ملابسي وملابسك واعطيك ملابسك واحيانا انتي تجيبين ملابسي لي بالغرفة الحين مافي الا انا ومضيع وشغل توزيع الملابس صاير اسرع ،، جلست تضحك على :d

قالت اتوقع هذا السبب انك مارحتي عن بالي لاني انا كنت على بالك ..

:

نفس الاشياء الان من اعتقال ابوي لما يتصل ويقول دائماً احلم فيكم ، واحنا نفس الشئ دائما دائما نحلم فية ” مجرد توارد خواطر والعقل الباطني …. ” وتصبر مع الكل هالشغل ،، بس الغريبة لما يقولك الحلم وتحصل انك انت حلمان نفس الحلم …

،،

حاول تفكر بشخص تحبة بعد لحظات اما توصلك رسالة او اتصال .. او اتصل انت عليه راح تحصلة يقولك انك كنت على بالة ، احياناً في ناس يجلسون في بالك مايروحون لأيام عديده او اي موقف يصير الشخص في بالك ” هل ممكن تكون انت في بالة ” ؟؟؟

- ياليت لو كل واحد يعرف اخبار غيره بدون اتصال ولا شئ يكون في شئ مرتبط من بينهم ” لحد يقولي كاس وخيط ”

،،،،،

تذكر دائماً انك ماتحب الا الشخص اللى يحبك …

اذا كان  في شخص بحياتي تحبة وتحمل لة اي معزة وانت ماقلت له ،، لا تضيع الفرصة من بين يدك

حاول تبين لة مقدار الحب اللى في قلبك لة

او اقل شئ تبادلة بالاحترام او الاهتمام او اي شئ على شان لو فرقتكم الحياة ” لا سمح الله ” ماتندم على اللحظة اللى كنت معاه …

،،،

:46: ” أسرتي الغالية أحبكم “

كانت زيارتي الاولى لمدينة الاحساء التى تقع في المنطقة الشرقية ” من ثلاث سنوات تقريباً ” لما كنت مقررة اني ادرس بالاحساء مع مضيع اخوي ، ولما شفت طريق الاحساء انهبلت وقلت اجلس في بيتنا ولا اروح واجي بهالطريق التعيس ..,

———–

اليوم الصباح لما صحيت “ وللأمانة في الكتابة التدوينة ان تكون صادقة ” صحيت الظهر من النوم واتصلت على اختي أم عبدالرحمن تقولي ان زوجها عنده شغل بالاحساء وبتروح مع اعيالها واعزمتني معاهم ..

بصراحة انا الخميس دائما طول حياتي انطق بالبيت او بيت جدتي او اذا ربي رزقني بطلعه طلعتضحكت وقلت لها وش نسوي بالاحساء ؟؟

قالت لي نروح ” العثيم مول ” …

طلعت الصاله وقلت حق ولي امر مضيع اني بروح الاحساء وانا ميته ضحك ، وجلس مضيع يضحك يقولي وش بتسون بالاحساء من صجكم ؟؟

اتصلت ع امي كانت في بيت جدتي اخذت الموافقة وقالت كيفك روحي ..

المهم حركة سريعه واقل من عشر دقايق الا انا مخلصة وننطلق الى مدينة الاحساء (2 الا ربع واحنا ماسكين الطريق ) ..

ومدينة الاحساء التى تتنافس مع مملكة البحرين بكثرة النخيل >> ويللة مين يزرع نخل اكثر

جلسنا في العثيم مول من صلاة العصر الى بعد المغرب (( مكتوب أول مول في الاحساء ))

وتوجهنا الى مطعم ( اوريجانو ) >> انصحكم بزيارة هذا المطعم جداً رائع …

وبعد ساعة وزياده بالمطعم ودعنا الاحساء متجهين الى مدينة الدمام وصلنا الدمام الساعه 9 ونص مساء ..

:

موقف محزن :-

اول ما دخلنا الاحساء الا حاااااادث مؤؤؤؤؤؤؤلم جدا السيارة داخلة كللللللها في نخلة وصايرة السيارة زي الورقة بالضبط

وصاحب السيارة مسدوح على الارض ( ما ادري عايش او ميت ) الله يشافية ويعافية ان كان عايش ، والله يرحمة ان كان ميت

كان حادث جداً مؤلم صعب اوصف لكم منظر السيارة ومنظر الناس

:

موقف مضحك :-

دخلنا محل يبيع اشاربات وانا وبنت اختي نتشاور عليهم سئلت راعي المحل بكم ؟؟

قالي : 25 ريال

انا قلت حق بنت اختي وااااااااو رخييييييييص احنا بالدمام 45 او 50 ريال اخذي اثنين بقيمة واحد عندنا بالدمام

تخيلوا نسولف انا وبنت اختي لحالنا جمب الاشاربات واختي ام عبدالرحمن واقفة بعيد ،، شوية الا تيجي لنا مراءة موجودة بالمحل تقولي باذني (( اختي ترا سوق يبيعه بـ 15 ريال لا تاخذينه يقص عليك وفية كل الالوان واحلى ))

انا وجهي كذا >>>

سئلتها وش اسم السوق ؟؟

وعادتلي اسم السوق بس ما اتذكر اسمة ولا فهمت بس اتوقع انه شبية لسوق الدمام ( سوق الحب )

قلت لها ما ادري وين هالسوق انا ساكنة بالدمام

سحبت بنت اختي وطلعنا وجلسنا نضحك عن باب المحل اقول حق بنت اختي لو يدري عنها صاحب المحل كان كفخها هههههههههههههه ” طبعا ما اشترينى لان سوت دعاية مميزة “  ..

:

:

- قبل لا اطلع من البيت اتصلت على صديقتي ” النوري ” اقولها  برووووووووووووووووووووح الاحساء

تقولي لا تمزحين وش تسوين بتروحين هناك ؟؟؟>> تحسبني استهبل

ارجعت اتصلت على الساعه 8 م ، قلت لها للحين بالاحساء بنمسك الطريق بعد شوي

الا تقولي : اي حبيبتي هذا دليل ان الاحساء اعجبتكم جالسين لحد الان بس ابي اعلمك ان الاحساء حلو >> ول ول ول كلتني بقشوري ما اقدر اغلط لاني قاعده بديرتهم

اتمنى ان ماتكون زيارتي الاخيرة لمدينة الاحساء وان شاء الله ازورها بعد مايعدلون الشوارع التعيسة وقلت حق زوج اختي وانا نازلة بيتنا وين بتروحون الخميس الجاي؟؟ >> انواع قطت الوجه لوووووووووووووووول

على فكرة سكان الشرقية يسمون مدينة الاحساء ( باريس ) ولا ادري لية مسمينها هالاسم اموت واعرف لية مسمينها باريس

هل على شوارعها التعيسة ؟

او كثر النخل اللى فيها ؟

او على نفقهم الان كانك داخل دار الطفولة ” روضة ” من كثر الرسومات اللى فيها ؟

انتظر احد يتبرع ويوديني البحرين لي سنة وانا خاطري اروح البحرين بس محد معطيني وجه (( الله يرجع ابوي بالسلامة مسوي لي ورقة اسافر بمفردي بس ما اقدر اسافر واخليهم اعرف راح يشتاقون لي >> اي هين تسافرين بمفردك ))

هدية حق اهل الاحساء :-

رقم انعام الاحساء للحفلات >> كلفت ع نفسي

- سؤال البوست :-

كم نخلة توجد في مدينة الاحساء ؟؟؟

كم عدد النخلات الموجودة في شارع ( ما ادري وش اسمة ) عند مصنع تعبيئة التمور ؟؟ >> اتحداكم تعرفون كم نخلة .

اذا سمعت عن برنامج untiny وانت تستخدمة اضغط ( × ) واطلع من الصفحة ولا تنسى تكتب رايك بالبرنامج و خل الناس تستفيد من تجربتك بالبرنامج .. ( اوكي ) ؟؟؟

:

اما اذا كنت زي حالتي سمعت عن البرنامج بس ماتعرف تستخدمة لا تطلع راح اشرحة لكم باللهجة الشرقاوية ( ماشي ) ؟؟؟؟

:

اما اذا كنت ما سمعت عن البرنامج واول مرة تشوفة لا تتحرك لان راح يفوتك كثير خلك مكانك انا راح اعلمك ( موافق ) ؟؟؟

———

اول شئ هذا البرنامج كنت اقرأ عنه في مدونة صالح الزيد وهو اللى اطلق هذا البرنامج الرائع جداً ، وبصراحة ما فهمت وش يبغى هالبرنامج ويمكن لاني كنت اقرأ البوست بشكل سريع وماعطيت الموضوع اي اهمية :/ ..

بعد مرور الوقت شفت الكل بدا يكتب في كثير من المدونات عنوان البوستuntiny ،، اللى صار ان في مدونة صالح المطرفي ، لما كتب بوست عن اضافة untiny fox و بعد ماعلقت اني تعبت وانا احوس بهالبرنامج وماعرفت لة ، علمني صالح الزيد وليس صالح المطرفي كيف اثبت البرنامج ، علماً بان المسكينة درايفر لما اتصلت عليها بالعيد الاضحى و من بين السواليف بالجوال قالت لي عن البرنامج وعلمتني بس ماضبط معاي :/ ،،

:

لية نستخدم هالبرنامج :-

فكرة البرنامج يفك الروابط اللى تيجي مختصرة ولما تضغط على الرابط يحولك الى صفحة مغلقة لا يمكن الوصول اليها

مثال (http://tinyurl.com/8vsroq)،، اكيد الكل يعرف زي هالروابط وتواجهة المشكلة وطبعا ما بتطلع عندكم صفحة ولا شئ ..

ولكن الان مع برنامج UnTiny  ..

بعض وصلات العنواين المختصرة مثل tiny.pl تكون محجوبة من قبل مزود الخدمة في بعض الدول، رغم أن الموقع الأساسي الغير مختصر ليس محجوبا. Untiny يقوم باسترجاع الموقع الأصلي و بذلك تستطيع الدخول عليه -إن كان غير محجوب هو الآخر. Untiny ليس كاسر للبروكسي!

مثال: جرب العنوانhttp://tiny.pl/htk الذي هو عنوان مختصر لـ www.google.com

طريقة تركيب هالبرنامج  :-

اما زيارة الموقع نفسة   UnTiny وبصراحة مرة شغلانه تزورون الموقع

لهذا السبب خلونا على اضافة الانتايني فوكس لانها افضل من خلال ماي تجربة ..

أول شئ

تأكدوا من وجود ( الجريمونكي ) وللتحميل ( كلك هير ) >> طبعا عيد تشغيل الفايرفوكس على شان تطلع الاضافة وخل القرد يبتسم

الخطوة الثانية :-

ادخل هذا الرابط ( كلك هير ) وبعدين فوق على اليمين مكتوب ( install)  اضغط علية وقم بالتحميل .. ” اقل من ثانية ياخذ في التحميل “

الخطوة الثالثة والاخيره :-

من مدونة صالح المطرفي قم بتحميل اضافة الانتايني فوكس ( كلك هير )  اذا ماتحمل معاكم في رابط ثاني ( كلك هير بشويش ) >> اذا ابدا ابدا ماضبط معاكم ( كلك هير بقوووووووة وتفاهموا مع صالح 2 )  >> اذا ابدا ابدا ابدا ماضبط ( كلك هير بكل اعصابكم وتفاهموا مع صالح 1 ) >> اذا ابدا ابدا ابدا ماضبط معاكم ” انصحك تفتح الشباك وتحذف جهازك ولاتنسى تحذف نفسك مع الجهاز  ..”

وبالاخير يطلع عندك زي كذا :-

ولما تفتح اي موقع فية روابط المختصرة اللى تحولك على الصفحة الخضراء الجميلة للحجب راح تفتح لك الرابط بدون تعب  ..

وبالاخير كلنا نقول :

شكراً شكراً يا صالح ،، شكراً شكراً يا صالح،، شكراً شكراً يا صالح ،، شكراً شكراً يا صالح ،، شكراً شكراً يا صالح ،، شكراً شكراً يا صالح،،، شكراً شكراً يا صالح،،،شكراً شكراً يا صالح ،،شكراً شكراً يا صالح ،، شكراً شكراً يا صالح،،، شكراً شكراً يا صالح،،، شكراً شكراً يا صالح،،شكراً شكراً يا صالح ……. ” صالح = جمع لصالح الزيد والمطرفي “

اقرأ المزيد :-

UnTiny ( صالح الزيد )

بوستات في عالم التدوين عن الـ UnTiny :-

واخيراً : إضافة UntinyFox لفك الروابط المختصره تلقائياً

Untiny ,, فكرة رائعة من صالح الزيد وبعضأ من النقد .

untiny موقع لاسترجاع عناوين المواقع المختصرة

اضافة UntinyFox

مواقع ومشاريع عربية جديده

تجربهuntiny

تحديثات أطلقها صالح الزيد على UnTiny فعلاً جميله

bookmarklet للتخلص من حجب مواقع الاختصار

untiny للـMac *تحديث

Untiny

نتائج تصويت الزوار لأفضل موقع في عام 2008

ما ادري ايش صاير هالاسبوع مافضيت ولا يوم واليوم راح اكمل اسبوع من التعب اللى فيني انام كل يوم الساعه 2 بالليل واصحى اصلي الفجر الساعه 5 حسب توقيت مدينة الدمام ،،

والساعه 9 الا ربع انا زي الجنية صاحية من النوم علماً بان فيني نوم بس ما ادري لية اقوم . >> تعذيب لا اكثر ولا اقل …

احس اني 24 ساعه مخي يشتغل وادور واحوس

من كم يوم مضيع يقولي وش فيها عيونك كل هذا سهر > اي سهر هو مافي نوم ..

واليوم صديقتي تقولي مضيعه وش فيك ؟؟ >> قلت لها اني تعبانه وعندي شغل

لو اكتب جدولي من يوم الثلاثاء اللى راح الى اليوم الثلاثاء كلة كان شغل × شغل …

- امس بالليل كنت مقررة اني ما اداوم اليوم على شان اخلص بعض الشغل اللى عندي ولما صحيت الصباح قلت خلني اروح لا يحسبون لي غياب وانا محتاجة ايام الغيابة قبل لا يعطوني حرمان بس

والحمدلله حضرت بس محاضرة الاولى وللأمانة كنت ناوية اطلع المحاضرة الثانية بس ربي كريم مايقصر ، جات المدرسة وقالت لنا يابنات اطلعوا ما بعطيكم المحاضرة الثانية …

تمنيت ان اقفز وقتها وازغرط لاني من كل قلبي اقول انا بحاجة لهذي الساعاتين اللى بنجلس على الكراسي ونسمع قرقرتها والمادة مملة جداً ..

شكراً يا مس على اعفائنا من الحضور من هذي المحاضرة

من كل قلبي اتمنى لك التوفيق وان الله يبارك لك في اعمالك ياااااارب ويرزقك اللى تتمنين ” احس وكان احد اهداني في علبة ساعتين هدية ”

- بحاجة الى النوم ..

- بحاجة الى ايادي مساعده

- بحاجة ان مضيع يطفش مني ويقولي خلاص لاتسوين شغلي ما ابغى >> المشكلة ان الشغل جالس يزيد على ..

“ مضيع على الماسنجر يرسلي الشغل وتأخر قلت له بسرعه ارسل بروح انام ، الا يقولي خلاص بكرة اعطيك اياه ، قلت له لا ارسلة الان لاني لما انام بالحلم اكمل الشغل واشوف التصميم الافكار >> متعب جداً ”

- بحاجة ان الاسبوع ينتهي بسرعه لان مررررررررة الجدول عندي ممتلئ اشغال ..

الى اليوم اتمنى ان في ابريق احطة ويطلع منه المارد الازرق

ويقولي ( شبيك لبيك امري يا مضيعه )

واقول لهذا المارد انة يضغط البوستات المحبوسة ويسوي الاشغال اللى في بالي مقابل ( 10 ريالات سعودية على شان يعبي بانزين للسيارة )

عندي امنية ثانية بحياتي ان يجي الليل وانا ماعندي شغل وانام بدري زي العالم والناس ولما انام يكون مخي فاضي مو بالحلم يكمل الشغل

عندي امنية اليوم الصباح ( اني اروح ماليزيا واجلس مع اسماء وابرد اظافري ) >> ماشاء الله تبارك  لا حولة ولا قوة الا بالله

اليوم بعد خروجي من المحاضرات والاختبار ورحت اجتماع مع مجموعه من الفتيات اكثر من ( عشر بنات )

وكان  من بين الاسئلة هل المقاطعة لها فائدة ؟؟؟

وكان جواب احد الفتيات المعارضات وقالت :-

انتم طول السنة تشترون والحين لما صار كذا بغزة جاين تقاطعون ..

- اما الثانية قالت :-

والله ما احس ان المقاطعة تجيب نتيجة ..

* ولما وصل الدور عندي وكان جوابي  ،،اذا كل واحد فينى بيقاطع المنتج لمدة شهر كامل راح تقل الارباح في نفس المكان وهذا الشئ راح يأثر على ميزانيه المطعم خلونا نقول مثلاً ويأثر على دولتهم من ناحية الدخل ..

تخيلوا لو احد فيكم قاطع شركة لك وانت تبيع فيها مثلا شئ بسيط وراح اقول اعواد كبريت ” تضامن مع البرد ”

اذا انا اول وحده ما اشتريت من اعواد الكبريت والفلانة وعائلتها مابيشترون ولا فلانه ومن كل منطقة ناس مقاطعين ، بهذي الحالة راح تخسر اكيد مبلغ مالي (( ما راح اقول مبلغ كبير بس راح يقل المعدل الارباح عندك ))  …

:

احياناً يكون العمل صغير جداً ولكن لما نكون مع بعض يكبر العمل ..

مثل الاحجار الصغيرة تتكون وتصبح جبال ..

لنتضامن جميعاً من اجل المقاطعه المنتجات ،، لو كل واحد فيكم قاطع منتج واحد راح نحقق الهدف باذن الله