مدونة اللتان

سأتوقف عن التدوين …

ولكن ليس الى الابد ..!!

قد يكون قرار مفاجاء ليس لكم فقط ..

كان بالنسبة لي مفاجاء جدا جدا ..

لم اتوقع بإن تاتي لحظة مثل هذي اللحظة القوية التي تجبرني على ان اقف ، واكتب الموضوع وانا بكامل قواي العقليه ..

احببت عالم التدوين ، وكم كان يخفف عن كتلت الهم التى بداخلي ..

سنعود بإذن الله …!!!

استودعكم الله التى لاتضيع ودائعه ..

أختكم في الله // مضيــ ع ــه بيتهــم …

هذه التدوينة محمية بكلمة مرور. لمشاهدتها قم بكتابة كلمة المرور هنا:

كلمة المرور:

هذه التدوينة محمية بكلمة مرور. لمشاهدتها قم بكتابة كلمة المرور هنا:

كلمة المرور:

اللهم اكفني ما اهمني . واجعل لي من أمري فرجا ومخرجا

ولاتفرق بيني وبين العافية أبداً ما أبقيتني . وعند وفاتي إذا توفيتني يا رحيم .

اللهم أخرجني من الدنيا سالماً وأدخلني الجنة آمناً ..

اللهم وأسالك باسمك الأعظم الذي إذا سألك به السائلون أعطيتهم سؤالهم .

واذا دعاك به الداعون اجبتهم . واذا استجارك به المستجيرون أجرتهم  واذا دعاك به المضطرون انقذتهم .

اللهم إني أسألك بجلالك وعظمتك ونورك . وأسألك اللهم بأسمائك الحسنى . وأسألك بقدرتك التي استطعت بها على كل شئ .

أن تجعلني من أوفر عبادك نصيباً من كل خير أنزلتة في هذا اليوم وفي هذه الساعه .  وان تدفع عني البلاء ياكريم يا أرحم الراحمين ..

اللهم يسر لي ماأخاف تعسيره ، فإن تيسير ما اخاف تعسيره عليك سهل ويسير . واصرف عني ما أخاف بليته يا أرحم الراحمين  ..

———-

اليوم ساعه استجابة الدعاء ،،

لاتنسون احبتكم بظهر الغيب بان تدوعون لهم ، فهم بامس الحاجة لدعاء احبتهم بظهر الغيب .. 

- صلى الله على سيدنا محمد وعلى آله وصحبه وسلم .. 

اول مرة يمر على واجب صعب

واول مرة اكتب لكم ان الواجب صعب …!!

اهو مو صعب من ناحية التفكير

لا لا لا ،، اهو صعب من ناحية كيف اوصل المعلومة ،، وفي شغلات مابي اذكرها بالحل ..

وفي اشخاص كثير ابي اكتب عنهم بس بختصر ..

- الواجب مررته على ( فيمل )وهو عبارة عن أوصاف الاشخاص ،، بمخيلتي طبعا ..

* والمضيعه (عالية ) ايضاً مررت لي الواجب يعطيهم الف عافية

المشكلة مريت على اللى حلوا الواجب قلت بغش ،، بس حلهم ماعجبني ، ولا احد حله زي اللى براسي

والاهم من هذا كلهم تحليللاتكم عكس شخصية المدون تماما ..!!!

وصعب والله نتخيل شكل المدون او المدونة …

صحيح في ناس راسمة شخصيتهم في بالي ، بس اكيد العكس تماما ..

وتعرفون يعني المضيعين والمضيعات كثـــــــــــار >> قول ماشاء الله

احتاج مدونة كاملة مو بوست على شان اكتب ..

لهذا السبب حبيت اريح راسكم واريح نفسي من هالواجب ( اخاف اقول شكل احد في مخيلتي ويزعل ) وخلاص مابحل الواجب

بما ان فيميل وعالية اللى مرروا لي الواجب ..

اتخيل شكل فيميل .. // بنت نحيفة ولابسة تنورة سودة وبلوزة بيضة .. وتلبس نظارة وبيدها كتب >> شكل معلمة ..

اما عالية // اتخيلها طويلة ونحيفة ومركبة تقويم باسنانها ..

أمرر الواجب على كل المضيعين والمضيعات ( عامه ) اللى حابين يحلون الواجب مابوهق احد فيكم لان الواجب جدا صعب وانا احبكم ما بقول اسم ولا احد ..

بس شغل اعناد بمرر الواجب على شخص واحد من التدوين كلة من بين الملايين من المدونين والمدونات

هو ( باغي شهادة ) >> لان الواجب صعب راح امررة له

* واحب اذكر المضيع الكبير باغي شهاده ان لازم يذكر 20 مدون ..

متعودة على جلست البيت ماتفرق معاي اذا طلعت او لا ؟؟ وكثير يطلعون وانا ارفض الطلعه واجلس بالبيت ، ( لان ماصر تهمني الطلعات كثير الا اذا كنت محتاجة للطلعه ، او طفشانه مررررررررة )

بس الفترة هذي ابي اطلع من البيت خصوصا الخميس والجمعه ( لان يضيق صدري لما يمر الويكند وهو مارجع )

الخميس اللى قبل قبل هذا الخميس ..

كنت مرتبه على اساس اني بطلع مع بنات خالتي طول اليوم وانا اكثر من مرة اكتب بالبوست ان الطلعه معاهم ماتنمل وانتظر جيتهم للدمام كل خميس بفارق الصبر ، واي مكان ابي اروح يودوني ( مع هذا فرق العمر كبير بيني وبين بنات خالتي بس مو مشكلة رجلي برجلهم ) ..

ولكن حصل ظرف وماقدروا يجون الدمام ،، وطبعا مادريت الا متأخر ..!! أختي كانت مرتبه لمشوار واطلعت من البيت وانا ضاق صدري ويوم الخميس اجازة وكنت ابي اطلع من اسبوع اصلن اي مكان ابي اروح بس اشم هواء وارجع ..

رحت ركض لغرفة مضيع ،، وطرقة باب الغرفة بهدوء وفتحته بشويش مرهـ ( كنت بشوفة صاحي او نايم كنت بقولة يطلعني اي مكان >> وكنت متأكدة 99% انه بيقول لا ، بس قلت اجرب ما بخسر شئ ان شاء الله ، ومتوقعه بيقول انه مشـــغول ” الله يشغلنا بطاعته يارب ” )

ولكن …!!

كانت المفاجاءة ان مضيع مو موجود بالغرفة ،، والشباك مفتوح والستارة تتحرك مع الهواء وكرسي الكمبيوتر مافي احد علية والغرفة تعم بالهدوء ( ضاق صدري اكثر وعرفة ان مصيري بجلس بالبيت لحالي زي العفريت )

اخذت الاب توب حقي وجلست بالصالة لحالي ،، فتحت التلفزيون اللى يجيب الطفش بس كنت محتاجة ان يكون في اصوات بالصالة …

وانتهى يوم الخميس الساعه 11 بالليل على زيارة خالتي لبيتنا

* قلت معلية يا مضيعه تعوضينها الخميس الجاي ..

طول الاسبوع من السبت لين الاربعاء وانا اسئل ( وين بنروح الخميس هذا ؟؟ ) >>> كالعاده مافي جواب ..

- الخميس اللى بعده اللى هو الماضي ،، كان المفروض يجون بنات خالتي والحمدلله جاو بس وحده منهم كانت مريضة وماطلعنا ولا مكان وجلست بالبيت زي الجنية ،، من جد جاتني الصيحة من ضيقة الصدر ان كل خميس يمر وانا بالبيت ..

معقولة كل خميس بيمر وانا اجلس لحالي بالبيت …!!

والسبت لين الاربعاء دوام ،،

والجمعه يترتب على كيف كيفهم … ( مع العلم ان الجمعه الماضي اختي وعدتني بتطلع معاي ولحد الان ماطلعت ولاراحت معاي واصلن نستني ، وقالت لي ان شاء الله ولحد الان ماشفت الطلعة ولا شئ ، وخلاص طابت نفسي )

المهم ،،

لما جاء العصر ،، قالت لي ماما : الله يخليك مضيعه تعالى معاي مشوار دقايق وبرجع بشتري شئ …!!

اعرف مشاوير ماما واحفظهم عن ظهر غيب ( اما بقالة ، سوق المواعين ، محلات كهربائية ، كازو ” محل مكسرات صرت اكرة من كثر ما اروح له ” ، محلات الحلويات ، خضار ……………..الخ ) من المشاوير اللى ما استفيد منها ابدا بس مجرد مرافق لا اكثر ولا اقل، وان قلت لها عن محل جديد بديل للمحلات اللى تروح لها ، تقول لي : ” ماعندهم شئ عدل زي هالمحل “

ماما الظاهر تمشي على ( قديمك نديمك )

* قلت معلية يا مضيعه لاتصيرين طماعه جات الطلعه لين عندك روحي فرصة احسن من لا شئ >> مسكينه موافقة اي مكان تروح

رحت مع ماما والصدمة بعد ربع ساعه بالطريق ان المشوار لشراء ( مكنسة كهربائية ) آآآآآآآآآآآآآآآآآآآآآآآهـ مكنسة اوووة ماي قاد ..

دخلت المحل كلة >>خلاط ، مكانس ، غسلات ، ثلاجات ،، مايكرويف ، ………….الخ

( ولكن الحمدلله اخذة خبرة وعرفة نوعية المكانس الجيده والسيئة ، واكتشفت ان لازم تشوف سلك المكنسة يكون شوية سميك على شان مايحترق بسرعه >> امحق معلومة بس ) بس حاول ان كل طلعه تطلعها تكتسب معلومة تفيدك بحياتك ، حتى لو كانت بايخه ..

وقبل لا نوصل البيت وقفتنا ماما عند ( كازو ) محل يبيع مكسرات وبهارات وحلويات ……………….الخ >> وفية مستلزمات القرقيعان

رجعت البيت وانتظر من يتبرع لي ويطلعني >> اي بالمشمش ..

بعد صلاة العشاء رجع مضيع البيت ( وطلب مني اسوي له عشاء >> مالى امل اطلع)

لما صارت الساعه 9 ونص ، اتصلوا بنات خالتي وقالوا بيروحون بيت اختي الكبيرة

والله فرحة جاتني طلعه الحمدلله >> كم انت كريم يا الله ..

بسرعه ركضت تحت سويت شغلة طالبينها منى من المغرب + حطيت العشاء حق مضيع وعطيته العشاء .. وركض على غرفتي البس واتجهز على شان اطلع ..

الساعه 10 الا ربع ، بنات خالتي عند الباب ،، اخذة عبايتي وطلعت وانا ماشية بسرعه

الا مضيع بالصالة …

أنا / مضيع انا طالعه .. >> كان لازم اقولة لان ماما نايمة ..

مضيع / تعالي تعالي وين بتروحين ؟؟

أنا / والله انت طلعت المغرب وسئلتك وين بتروح قتلي مو شغلج طالع ،، وانا بردها لك الحين لان بقلبي السالفة .. >> تبي تنتقم بس مو عارفة

مضيع / يا××××× انا ولد والحين الساعه 10 وين بتطسين ؟؟ ..

انا / وين بروح ياحسرة بيت اختي مع بنات خالتي عند الباب ..

مضيع / مين برجعك ..؟؟

أنا / برجع مع بنات خالتي ..

طلعت من البيت ولكن الحمدلله استمتعت جدا جدا في بيت اختي…

على الاقل غيرة جو لا اكثر ، وشفت ناس وسولفة معاهم .. مجرد ساعه ورجعت البيت !!

—————

يوم الاثنين 24/3/08 .. قالي مضيع الظهر انه بيروح لمحاضرة وان اختي بتروح اذا كنت حابة اني اجي

طبعا اكيد ابي اروح ،، لان في محاضرتين كنت ابي اروح لهم بس للاسف راحوا على ..

المحاضرة من الساعه 5 لين 8 ..

الساعه 5 اختي قالت ماتبي تروح ..

مضيع : قال بتغداء ونروح ..

الساعه صارت (6 وشوي ) واذن المغرب ،، انا لبسة وجاهزة بس باخذ عبايتي واطلع

رحت قتله : مضيع يللة اذن المغرب تاخرنا

مضيع : ماشتهي اروح ؟؟

انا : طيب انا ابي اروح حرام عليكم متحمسة

مضيع : مين بيوديك

انا : انت طبعا ..

مضيع : ماقدر ارجعك …

انا : حرام عليك

( انتهى الحوار ) بدخولي للغرفة وسكرة الباب لان طابت نفسي ومالى خلق للنقاش ابدا ،، وبداخلي بركان من القهر على جلوسي بالبيت هالفترة وتراكم ضغوطات نفسية خفت تولد انفجار خاطئ

* اللى قال ( كلام الليل يمحوة النهار ) >> اوجه له تحية وان كان مات الله يرحمة ..

واقولة للاسف تغير الزمن وصار ( كلام الظهر يمحوة العصر )

هذي ضريبة اخر العنقود بالبيت …

تجلس بالبيت زي العفاريت

- اليوم الخميس // رتبت طلعه لنفسي من يوم الاثنين اتفقت مع صديقتي مس سويت , بس كان ناقصني موافقة مضيع ، والحمدلله وافق .. واليوم الصباح أخذة الموافقة من ماما ، والحمدلله وافقة دام مضيع موافق .. وبالاخير قدر الله وماشاء فعل تكنسلة الطلعه كلها لان صديقتي صار عندها ظرف .. يللة مصيري اجلس بالبيت زي العفاريت ..

آآآآآآآآآآء خلاص بجلس في البيت .

بس مقهورة طول الاسبوع وساكته لهذا السبب كتبت البوست ..

ومن الان اقولكم لحد يطرح لي حل ، لان كل حل بتقولونة بطلع لكم سبب مكانة

———

تحديث (1)

بعد الردود اللى شفتها ،، اطالب بجمعية حقوق آخر العنقود

 

قتلكم ان كان عندي اختبار يوم الاربعاء وتأجل بسبب غياب مدرسة المادة ، وانا ماذاكرة المادة ابدا ..

يوم الجمعه طلبت من “مضيع ” الله يوفقه ،، يذاكرلي .. ..

لما كنت ادرس بالمدرسة >> الحمدلله افتكيتي من المدرسه

كان مادة الرياضيات تدرسني ( اختي الكبيرة ) لولا فضل الله ثم هي كان مانجحت خير شر بالرياضيات ..

اما باقي المواد على حسب مين يذاكرلي..

اتذكر مادة الانجليزي ، كانت احيانا ماما ، بس مالها خلق لى دائما ،،، مستحيل انسى ” ضايع ” اللى كان يقولي متى عندك اختبار انجليزي على شان اشرد من البيت >> ههههههه الله يسامحة ،، بس والله مسكين كم اختبار عندي كان يقولي مضيعه انا بنام تعبت كل الكلمات اللى تبغين اترجمها او شئ اتركيلي ورقة تحت باب غرفتي وانا بحلها لك الصباح ..

ولا انسى الكيمياء والفيزياء والعربي ومشتقاته ………………..الخ حتى مواد الدين ( كان الاستاذ مضيع ) هو اللى يدرسني له جزيل الشكر والعرفان ولو يبي شهادتي الثانوية اعطيه اياها تفداه لاني مستغنى عنها ..

نرجع لمحور حديثنا :

يوم الجمعه ذاكرلي مضيع المادة ،، وطبعا قبل لا يبدا يذاكر لي وهو بدا ينفخ ويقول بسرعه بطلع بعد صلاة العشاء ،، وجيبي شاي على شان الواحد يشرح ويشرب شاي >> حشى مدرس خصوص جايبة مو اخوي ..

المهم شرح لي الله يجزاه خير ، مع العلم اني كنت قاطه اذني مع التلفزيون اسمع المسلسل >> احم احم ا لاعتراف بالحق فضيلة ..

* رحت يوم السبت الاختبار وانا على مذاكرتي السيئة وشرح مضيع اللى يقول (وش تبين اشرح بعد )..

وصلت وانا ودي اصيح من ضيقة الصدر ودخلنا الكلاس …

الا المــس مو موجودة :|

وش القصة ؟؟

وينها المس؟؟

- الا تقول لنا مسؤولة عن الطالبات ، ان تم تغير معلمة المادة والسبب ان البنات كلهم رافضين المدرسة وكان تقيم الطالبات للمدرسة نازل جدا جدا ( والحمدلله تم تغير المعلمة بنجاح ) وماتتخيلون الفرحة اللى صارت لنا يومها .. >> فكرة التقيم ( بنص الكوارتر قبل الاختبارات يجيبون لنا استبانه نعبيها نقيم المنهج ومدرسة المادة وكل شئ ، وطبعا ماتطلع عليه المدرسة بس الادارة ، وعلى اساس التقيم تتغير المدرسة )

اتمنى المعلمة الجديده تكون افضل من القديمة .. ( وشكلها والله رائعه وطيبة )

الاختبار تأجل الى الاسبوع القادم ( يوم السبت ) باذن الله تعالى ..

والمس الجديده ماقصرت والله عادة شــرح الدروس كلها من جديد وفهمنا وش قصة المنهج الحمدلله ..

——————–

لية مضيعه قالت هالقصة ….؟؟؟

>> لازم تخرجون بفائدة من البوست

جلست افكر واقول معقولة اسبوعين يتاجل الاختبار ،، وانا لو اختبرة بالمادة هذي 100% مابقدم كويس بالاختبار ..!!

وتذكرة شغلة ..

(1) يوم الثلاثاء لما جيت انام وبكرة الاختبار ، وطفيت انوار الغرفة وجلست استغفر 100 مرة على السرير قبل لا انام ( على شان ربي يسهلي بكرة الاختبار ويوفقني )

وصلني الاتصال ان الاختبار تكنسل ..

(2) يوم الجمعه ،، نفس الشئ كنت طول اليوم انا بس استغفر وصليت ركعتين ادعي من ربي يوفقني باختبار بكرة ، وان المس شرحها مو اوكي وان شاء الله انجح بالمادة ..

وتكنسل الاختبار ايضا وفوق هذا تغيرة المــس ” وكان اهم خطوة ” ..

 

** ان شاء الله اقدم يوم السبت القادم الاختبار بشكل ممتاز واخذ A+ 

( ماتتخيلون ياجماعه فوائد الاستغفار ، اكثروا من الاستغفار طوال اليوم )

دعواتكم لنا بالتوفيق

******

اللهم اني أستغفرك لكل ذنب يعقب الحسرة ويورث الندامة ويحبس الرزق ويرد الدعاء ..

اللهم اني استغفرك واتوب اليك من كل ذنب أذنبته ولكل معصية ارتكبتها فاغفر لي يا ارحم الراحمين ..

استغفر الله العظيم الذي لا اله الا هو الحي القيوم واتوب اليه واساله التوبة والمغفرة ..

 

 

 

متفائله….

رغم التحديات متفائله

رغم الصعوبات متفائله

رغم قسوة الايام متفائله

رغم الوحدة والاشتياق متفائله

رغم الحساد متفائله

رغم محطمين الاحلام متفائله

رغم دمعتي متفائله

رغم بصيص الامل متفائله

متفائله من اجل ….

من اجل امي متفائله

من اجل ابي متفائله

من اجل اختي واخي متفائله

من اجل احبتي متفائله

من اجل حلمي  متفائله

من اجل طموحاتي وامالي متفائله

من اجل الاول والاخير

هو من اجلي اناااا……

…………………..

قال الرسول صلى الله عليه وسلم (وتفائلوا بالخير تجدوه))

من اسبوعين لما كان عندي موعد في عيادة الاسنان ..( والى الان لم انتهى من المواعيد )

رحت مع الخدامه ” لان لازم مرافق ” ،، وموعدي الساعه 4 العصر

كنت اتغداء الساعه 3 ونص مع مضيع .. وسئلني مين بيوديك ومين بيرجعك ،، قتله ان السواق ..

طلعت من البيت وامي نايمة واختي كانت نايمة رحت لعياده الاسنان ..

نص ساعه وانا مخلصة الحمدلله …

دفعة الحساب بعد ماخلصت ، وانا واقفة بيدي الثانية ادور بالشنطة “جوالي ”

بسم لله الرحمن الرحيم وين راح الجوال …

قلت بقلبي معقولة يكون بغرفة الدكتورة نسيته ، لا مستحيل لاني ماطلعته من الشنطة ..

خلصت من الدفع ورجعت لغرفة الانتظار للنساء واكمل البحث داخل الشنطة ..

وكانت المفاجاءة …!!!

مافي جوالي داخل الشنطة …!!

OMG ….!!!

حسيت نفسي طفل ضايع عن اهله في وسط زحمة ولا يدل الطريق ..

وقفة افكر شلون نسيت الجوال ،، بالبيت او طاح بالسيارة .

بديت ادور بجيوبي قلت يمكن بجيبي مستحيل ناسيته ..

ومافي اي اثر للجوال …!!!

والله العظيم احس الصيحة واقفة عند الباب كنت بصيح >> مو خايفة لا لا

بس انكسر خاطري على نفسي انى نسيت الجوال …!!

جلست افكر وش الحل الحين

* اطلب جوال من الحريم الموجودات ؟؟

>> لا يامضيعه لاتطلبين فشلة ومو كل الناس ترضى تعطيك ..

* ارجع البيت مشي لان قريب؟؟

>> لو احد اخطفك .. لا لا مايصلح …

* اتصل من الاستقبال اطلب تلفون ؟؟

>> ايوة اطلبي تلفون مافي حل ثاني …

رحت للاستقبال قتلها لو سمحتي ممكن التلفون …

المصيبة الثانية ..

مافي احد بالبيت غير امي واختي ومضيع ..

امي واختي نايمين العصر ،، ومضيع بالغرفة مستحيل بيسمع التلفون يرن ..

الحـــــــــــــل يامضيعه ….!!!

(  من جد جاتني الصيحة على نفسي وانكسر خاطري على روحي )

اتصلت على بيت اختي ، وردت بنت اختي وقتلها عطيني امك ، كلمت اختي المنقذه دائما وابدا ..

وقتلها اتصلي على مضيع قولي له يجيني العياده نسيت جوالي بالبيت ماقدر اتصل على الجواله …!!

اقل من خمس دقايق الا شفت مضيع بوسط العيادة يمر على شان انتبه لة ..

والحمدلله شفته على طول اول مادخل ..

مضيع : شلون نسيتي جوالك ؟

أنا : يؤؤة جاتني الصيحة على نفسي لاني ناسية الجوال ..

مضيع : شدعووووووووووة هذا والبيت قريب كلها خطوتين

أنا : اي فكرة ارجع مشي بس ماعندي جوال >> المشكلة بالجوال + انا خوافة ..

*******

– مشكلة مانقدر نستغنى عن الجوال خارج المنزل اصبح جزء مهم جدا جدا من حياتنا ..

لو تطلع وماعندك جوال تحس انك منقطع عن العالم ..

انا عن نفسي داخل البيت اقدر استغنى عن الجوال بس خارج البيت لا صعبة لازم جوال ..

الله يذكر بابا بالخير كان يقول اول ماطلع الجوال ( بعدين بتشوفون هالجوال حتى البزران عندهم ، والتلفون الثابت محد بيتصل عليه بيصير كل الناس تتصل على الجوالات اسرع على شان تحصل الشخص )

وكلامة صحيح 100% ، الحين كل الناس تتصل عليهم بالجوال + اذا احد مهم يبغاك او غير مهم يتصل على جوالك اسرع ..

وغداً ايضاً عندي رحلة للعيادة الاسنان >> رحلة تحتها خطين ..

اكره الوحده..

واكره الوقت الصامت والصمت بشده..

تعبت من وحدة مسائي..

اتمنى من يحاورني..

يسألني كيف صبحكي ومساكي..

ولكني لا اجد الا كراسي..

وحيطان وماآسي..

اريد ان اضحك مع هذا…

واساير هذا…

واضرب وامازح هذا…

فلا احد يرحمني..

ولا من يشفق على حالي..

الكل يظن اني اعيش في جنة

الفردوس العالي…

ولكنهم لا يعرفون الحقيقة المره..

ولا يعلمون صمتي وما هو سره..

اصبحوا يحاولون كسري يظنوني

فخارة وجره..

وانا اعتز بشموخي واطير

كالحمامة الحره….