اليوم الخميس كان اخر امتحان عندي

واخيرا عطللللللللللللللللللت … عطلت   .. عطلت

انهد حيلي من جد تعبت مع الكتب

والملازم

والجدول هذا الترم مره مره مره متعب

من جد متعب

بس الحمدالله عدت ولله الحمد

اليوم من الفرحه  مانمت على ان من امس قايمه من ساعه 5 الفجر وعليها مواصله الى الحين الساعه 2 الفجر يعني بكمل 24 ساعه ولا جاي لي النوم

ما صدقت اخلص

لي 3 اسابيع امتحن هدوا حيلي

……………..

والشي المعجزه الي سويتها في حياتي وفي تاريخي

اني قويت قلبي وخليت الاب توب في الشرقيه ونزلت الرياض عشان امتحن

بس خليته 4 ايام بي لياليها وما قدرت اكثر لان قلبي ما يطاوعني

كانت المواد مره مره صعبه ومافي امي ارحميني وانا اما اعرف امسك نفسي عن النت خفت اتهور وافتحه وطبعا اذا فتحته راح تروح الساعات عليه وما في مذاكره والامر جد ومافي لعب يكفيي لعب لعبنا واااااااااجد

وعددددددددددددددددددددددددت الحمدالله

ادعولي انجح يا جماااعه

ادعولي ولا تقصرون بالدعاء بليز

عقبال الي ما عطل يعطل والي معطل يفرح معاي 

أمس يوم كامل من غير انترنت ،، وكنت بتهم “مضيع ” ان مسكر جهاز الدي اس ال ولما توجهة الى غرفتة مثل الصاروخ اكتشفت انه اهو جالس يحاول يشغلة من الصبح ..

وانتهى اليوم من غير (انترنت) ،، وللاسف ان مضيع كان يقول ( من هالاتصال التعبان اللى حاطينه احد يشبك مع سعودي نت )..

واليوم الصباح اول ماقمت محاولة اخرى وللاسف انه ماشتغل الا من (ربع ساعه ) .. >> تحسون انكم منقطعين عن العالم وان الوقت طويل …

واول مافتح النت على طول على (الريدر ) الا اشوف في ناس تشتكي من النت غير ..

بصراحة فرحتي ماتوصف ياجماعه >> اجل بس ينقطع في بيتنا وانتم لا خخخخخخ

*اليوم عندما انقطع النت

*ما فيه نت بالسعودية .. والسبب كيبل بحري !!

من جد الانترنت صار شئ اساسي بحياتنا ، تخيل زي امس يمر يومك من غير انترنت ( تصير من جد انسان ضايع ) ..

الله لايحرمنا من الانترنت ..

والله لا يعودهـ من انقطاع ان شاء الله ..

——————-

بصراحة ماودي اقهر (عشاق القطط ) بس انا مابي اقهركم بس اكتب عادي >> الزبدهـ

امس زارتنا قطوة خخخخخخ ياحليلها (شريرة مرررة ، وتخاف ، وصوتها يخرع ، ولما حطيت زوم وطلعت عدسة الكاميرا شردة )، حاولت اصور لكم لون عيونها ( عيونها لونها فسفوري مادري ابيض لون يخوف مرررة )

^

^

لان انقطع الانترنت امس ، جات القطوة تشوف في اتصال في بيتنا على شان تبي تشبك بالنت خخخخخ

[youtube=http://www.youtube.com/watch?v=-Qdfi6NCLa0&rel=1]

ماهو الوطن ؟

هل الوطن ان نمشي ونكرر كلمات النشيد الوطني ؟؟

أو

نكون مثل البهلوان لنعبر عن حبنا للوطن ؟؟

أو

نتبرج ونظهر امام الناس لنعبر عن حبنا لهذا الوطن ؟؟

أو

نمشي بالشوارع ونقول هذا الوطن؟؟

ماهو الوطن ؟؟

ماذا يعني لك الوطن ؟؟ لو طلب منك ان تعرف ماهو الوطن ماذا ستقول ؟؟ 

أين هو الوطن ؟؟

بارني الشخصية الكرتونيه الاكثر من رائعه ..

بصراحه وراح اكون واقعيه ، ماشفت كثير من حلقات بارني لانى كنت احس انه “يطفش ” ,, بس غريبة ان ( مودي ) ولد ضايع اخوي يندمج كثير لبارني وحبة لبارني وكل شي بهالدنيا يسمية بارني ..

” الصباح اول مايدخل بيتنا يصرخ بارني >> ويشغلون التلفزيون على بارني ”

واول كلمة نطقها قبل ماما وبابا قال ( بارني ) >> وانا عمته للحين ماقال اسمي ..

حلقات بارني دائما تنقل الفائده للاطفال وممتعه ..

وهذا حلقة من حلقات بارنــــــــــــي .. وعلى قولة مودي ” باني”

[youtube=http://www.youtube.com/watch?v=F5JZtS0se-w&rel=1]

مودي لما سافروا امه وابوة وخلوة عندنا ،، صحى ذاك اليوم نص الليل واصر انه يشوف بارني ( الحمدلله عندنا شريطين بارني ينعاد باليوم 100 مرة ) , غريبة هالبارني اللى جاذب الاطفال ” انا بالنسبة لى توم جيري احلى ”

بس تعرفون الغرب لما يجون يسون شخصية كرتونية وللاطفال يدرسونها دراسه كاملة ” اتوقع ” ويطلع الفلم الكرتوني مضبوط وصحيح ومفيد ، حتى بختيار الالوان لازم يكون لهم هدف ومختارين الالوان بطريقة ممتازة ..

وبارني من الافلام الكرتونية اللى مافيها رجه ويصدق الراس ..

ملاحظة من عندي مادري اذا كانت صحيحة او لا ( لما تتابع بارني تحس انك تصير ريلاكس بزياده ، بس تعال شوف سبيس تون تحس كل الشياطين تطلع والحركية تزيد )

الحين في بارني (بالعربي والانجليزي ) اللى بالعربي يسد النفس وصوته مقرف .. والانجليزي مايحتاج نقاش انه رائع …

تعرفون الفلم الكرتوني ( تليتابيز)”teletubbies” الاربع اصدقاء مادري اخوان ( ملونين )

زي ماسمعت انهم بالفرنسي قصتهم غير ، وبالانجليزي غير..

وبالعربي يتحركون بدون هدف ولا فائده غير اجسامهم الثقيلة ويركضون ،، ومع هذا الاطفال يحبونهم ومنجذبين لهم ..

بنت اختي لما كانت صغيرة كانت تمووت على شئ اسمة ( تليتابيز )

كيف ولية وشلون ؟ >> اسئلة تبحث عن اجابة

الحين لو الدمى حقتنا العربية زي ( بابا فرحان ) مستحيل اي بزر بيجلس يشوفة ,, او الدمى المتحركة الثقيلة الدم استغفر الله العظيم

لا شكل ولا قصة ولا حتى اهم شئ ( الالوان ) مايجذب الطفل للاسف …

اتمنى اشوف الرجال اللى لابس بارني

وبهذي الطريقة وصل بارني الى جميع المنازل ، لان كبار وصغار بيحبووهـ

[youtube=http://www.youtube.com/watch?v=kIUKrvWZn-Y&rel=1]

“” تخيلوا بالسوق يبيعون لعبة بارني تغني ياطيبة ،، الله يهديهم يخربون الشخصية والانشودة “

في احد يقدر يفكر بفكرة شخصية كرتونيه ويدرسها دراسة كاملة ويخلي الصغار والكبار يحبونه .. وينقل الفائده لاطفالنا اللى بدون هدف بهذي الحياة لان ماصار التلفزيون ينقل لهم فائده زي قبل .. الله يرحم برامج ايام زمان كل شئ ينقل فائده ..

من فترة صديقاتي يقولون يااااااي ومادري وش على اغنية ،، ” انا وكالعاده ” وش الاغنية بنات ؟؟

وحده من البنات ماسمعتيها مضيعه اغنية ( يالتاكسي ) يااااي مره جنان ؟؟

أنا “بقلبي أقول” : اوووة ماي قاد اسمها لحاله حفلة ،، على طول تذكرة صديقتي وحبيبتي المضيعه :-( Yellow Taxi)

ارسلتها على جوالي ، ونسيتها ,, واليوم تذكرة الاغنية  ..

ماهدف كلمات الاغنية ، على شان يرفع من قيمة رجال التاكسي !!! ,, او يجعل الاقبال الشباب على التاكسي اكثر !!

( لان بالعاده لما تنزل اغنية لازم الشباب والبنات يتوجهون لهذا الشئ ، اقتداء بالفيديو كليب وكلمات الاغنية )

ومن كلمات الاغنية ( بدايتها اللى يذبحني ضحك )وترا مو أغنية ، اتوقع ان المغني جالس يسولف :)

ياتاكسي خذني لها يالتاكسي وبسكتك خلنا نمر وناخذ لها عطر رومانسي >> ههههههههههه شر البلية مايضحك ..

هل هالمقطع دعاية على عطورات ( محمود سعيد ) اللى كل الاغاني مسوي لهم عطر ومقوم سوق العطورات ،،

لية ماذكر“كلونية “ هل ينسى احد فضل عطر الكلونية وان كان له دور رائع في عصر العطورات ،،او مايبي يقلل من قيمته ويقول كلونيه قال اسم عطر مجهول على شان الكل يحس انه عطر من النوع الغالي !!!

سيدا سيدا وخذ يمين وتالى يمين ………..الخ ..

( هذا المقطع لزيادة كلمات الاغاني بالشريط وحتى يعمل بلبلة وضجه ) // اخاف بكرة الناس يركبون مع التاكسي ويغنون هالاغنية !!!

لحظة // تتذكرون اغنية “بحبك يا حمار” اتوقع الى الان الاغاني في هبوط شديد ..

نكمل الحديث

وبالاخير بغشش التاكسي ( خذني لها واعطيك دبل يالتاكسي ) ,, هذا المقطع ينفع يشغلونة اصحاب التكاسي بالسيارة خذني لها واعطيك دبل يالتاكسي ،، لان فيها زيادة بالربح ( ان كان المشوار التاكسي 30 وياخذ دبل يصير 60 وياليت لو راعي التاكسي يعيد هالمقطع مرة ثانية ويصبح المبلغ 90 )

وبالاخير يقول ( اصبر خلني ارد على هالمسج تبي تعرف انا ويني ؟؟ )

هذي الاغنية ناقصها دلة شاي وقهوة ( وبيت الشعر ) ويجلسون يسولفون ، لان كانه يسولف حتى لحن مافي !!!

اتوقع اننا بحاجة نسوي له قطية ونتبرع مبلغ من المال  ونشتري له “سيارة ” على شان مسكين مايركب بتاكسي ،، ومسكين راعي التاكسي مو ملزوم يتجاوز القوانين المرورية ويسرعه بالسيارة على شان يوصل هذا الشخص الرومانسي ..

اتمنى ان يكون لنا نصيب اصحاب التدوين من كلمات الاغاني ،، لانها مجرد سواليف مافيها لا كلمات ولا لحن 

الله يهدي الجميــــــــع يااارب ، ويصلح احوال المسلمين في كل مكان .. 

 

حاولت امسك نفسي وما اكتب لكم بوست على شان اذاكر بس ما قدرت ابدا ,, قلت لازم اقولكم عن الضيف اللى في بيتنا

تذكروا القطاوة اللى في بيتنا امهم ولدتهم وراحوا >> اللى كان سامي يبغى وحده منهم ( بس اتوقع ان غير رايه الحين )، والى الان القطط موجودين في بيتنا وماما كل يوم تترجاء احد يرميهم من البيت مسببين لها ازمة تقول ماما ( انهم خربوا لها الزراعه البيت ) … وانا كل ماقالت ماما الله يخليكم شوفولي صرفة ( انا اضحك واقولها ارسليهم على “جدة ” خخخخخخخ) ..

المهم // امس العصر اتصل على ضايع اخوي وانا كنت نايمة ، وكان يتكلم ويقول مادري وش و……..الخ وصحي مضيع وقوليلة مادري ايش ” وانا اقولة ضايع مضيع اليوم مريض لما يصحى بقولة >> اصلن نسيت وش قالى ” المهم لازم انزل تحت الحين واسويهم له ..

انا قتله : ضايع بليز بنام تعبانه بخلي الخدامة تعطيك الاغراض وبقولها تفتحلك الباب الحين ..

صحيت من النوم على اتصال ثاني ورحت ادور الخدامة ،، فتحت شباك الصالة بشوف الخدامة وينها !!

الا شوي اسمع ضايع تحت يصارخ ” مضيعه مضيعه بسرعه تعالى لا يفوتك تعالى !!! 8O

أنا ركض على تحت بشوف وش عندهـ ضايع ..

وقفت عند باب الصالة ..

الا ضايع وجهة بينشق من الضحكة والفرحة >> الله يدوم ياارب ..

الا يقولي مضيعه شوفي شوفي ” روووووووووووعه تهبل تجنن “

تعرفوا وش اهي ..

(( قطوة داخله البيت )) !!! >> القطوة مسكينه مضيعه بيتهم // مادري وش قصتنا احنا بنات الشرقية مع القطط اللى تدخل البيت ،، بس القطوة اللى ادخلت بيتنا طبعا حلووة وتجنن ( حياها الله) , نرحب بالحلوين فقط

خلوني ارويكم القطوة ..

(( هذي الصورة اول مادخلت البيت ))

يقول ضايع : انه واقف عند الباب ينتظر الخدامة تفتحلة الباب الا القطوة تطالعه وكانها تدقله سلام وادخلت قبلة ” طبع تذكرون قطوة مودي اللى اطلق عليها اسم ” بارني “

(( بالاخير ضايع ماراح شقته جالس يفكر شلون جات هالقطوة ، وجاب قفص وحطها داخلها هههههههه))

اللى صار ان طول الليل و ” ماما ” تحن حرام عليكم مسكينه القطوة ومادري ايش وانا مابيها بالبيت لازم تسون لها صرفة >> والكلام الكثير ..

نمت ، وصحيت الصباح وسئلت الخدامة وين القطوة ؟؟

الا تقولي ان ماما افتحت باب القفص وخلتها تطلع >> ههههههههههههه

انا مت ضحك ..

نزلت تحت الحوش ، الا لقيتها موجودة تمشي بالحوش

(( مو تجنن الا تهبــــــــــــل وتخبل ،، تطير العقل ))

^

^

تحتاج لتنظيف وتصير ناصعة البياض ” لان شكلها واهي تمشي بالشارع صارت وصخه ” >> مع تايد للغسيل مافيش مستحيل

ياجماعه تمشي القطوة وكانها تقول ( يا ارض انهدي محدش قدي )

وشايفة نفسها مادري على وش >> والله ماتنلام حلوووة لازم تشوف نفسها ..

كان ضايع امس يقولي مضيعه شوفي عيونها ،، شوفي عيونها ” لون ازرق والثانيه عسلي “

 

 

أختي , انزلت تشوف القطوة ولما شافتها ، اصرخت اختي بوجهة القطوة وقالت لها ( تهبــــــــــلين تجننين )

تعرفون وش سوت القطوة ؟؟

^

^

لفت القطوة عن اختي وكانها تقول لها ( ادري انى حلوة ) ..

(( والى الان لا نعلم من هم اصحاب هذي القطه الضائعه المسكينه )) >> ياليت لو قطاوة الشوارع زي هالقطوة ” كان الدنيا بخير “

الاستاذهـ فروحة طلبت مني احلى الواجب ( الموكا.. إعلان وصول الإختبارات الرس) العنوان :-طقوس المذاكرة ،، وتم تمرير الواجب ايضا من المدونة ( آفاق)

انا من الناس اللى تحس ان جو الاختبارات كئيب جدا جدا ، واكرهـ الاختبارات ,, لو كل يوم عندي تقيم ارحملي من يوم واحد بالسنة في اختبارات ..

وراح اجاوب على اسئلة فروحة

س1: ما هو الطقس الذي تفعله عندما تذاكر؟

اهم شئ الهدوء تماماً ، ويكون باب الغرفة مغلق على شان ما اطلع كل شوي وارجع ..

واحب المشروبات الساخنه وقت المذاكرهـ ,, واكرة شئ تلفون الغرفة لما يرن ويقلولي روحي نادي امك او نادي اختي اووووف يسببلي ازمة نفسية لاني بفتح الباب وبناديهم ..

 

س2: متى كان أصعب امتحان مر عليك؟

مافي شئ صعب زي اختبارات الثانوية العامة اللى كانت تسبب ازمة نفسية للواحد واكرة مادة “الادب” استغفر الله العظيم اسبوع كامل اذاكرة ويوم الاختبار سبب لى ازمة نفسيه من جد ، المادة الوحيده اللى بحياتي كلها ما اتمنى انى ارجع واختبرها مرة ثانية ولا حتى احضر حصة من هالحصص ..

غير كذا ماتذكر شئ الحين ,, بس الان عندي اختبارين يوم الاثنين احاتي اختبار الانجليزي من جد مقرفني عيشتي مع العلم انى فاهمة المنهج كامل بس اذا جات الورقة مادري لية راح اجيب العيد عارفة …

س3: ما هو أطرف فعل فعلته أيام أمتحاناتك للهروب من المذاكرة؟

مافي موقف سويته على شان اهرب من المذاكرة ، بس اتذكر مرة انى نمت الظهر وكنت توني صاحية من النوم ( جو الاختبارات يجيب النوم وتحس ان كل حياتك مانمت ) ولما جات ماما تقولي نمتي قومي ذاكري .. مثلة فلم هندي ان راسي مصدع وماقدر اذاكر وقالتلي نامي ساعه وبعدين بصحيك >> اهم شئ انى نمت خخخخ

راح امرر الواجب على المدونين والمدونات التاليه اسمائهم :-

المضيعين :-

خاطرة بيضاء- مجرد سؤال – محمد منصور -حكايتي والزمن - المدينة المنورة -

مشغول من كثر الفضوة – أيام – رادار

المضيعات :-

تاكسي أصفر-الجوري – انسى انسانه – المرجوجة – ملونة ستيشن -

بنت الروح – نوف – عالم أسماء – ماي هديل – وجع مختلف ” انين “ – أيانق – shada – فوتون -

اسراء – شموخ -

(( اللى حاب يحل الواجب وماذكرة اسمه عادي يحل ، واللى ذكرة اسمائهم ومايحبون يحلونة لا يحلونة ,, وعادي مرر الواجب بعد الانتهاء من الحل الى كل من تريد ))

 

 

————-

دعواتي للجميع بالتوفيق يااارب .

دائما الناس ماتحب تغير الى شئ جديد ، تجلس على الشئ اللى تستخدم والقديم ومستحيل تشوف الجديد أو حتى انها تحاول تجربة ..

انا احب ادخل مغامرة بالشئ الجديد واجرب لانى ما بخسر شئ ” ان شاء الله”:) بس اهم شئ اكون مقتنعه فية ^__^

بقولكم عن الانتقالات

انتقلت من البلوق سبوت الى الورد برس وقتلكم ان الورد برس هذا أحسن ..

انتقلت من جوال نوكيا ، الى سوني اريكسون ( وكتبت لكم تجربتي وان الفرق كبير والحياة مع سوني اريكسون احلى بكثير ) ..

وبعد هذا غيرة الويندز من xp الى فيستا ،، وكان في فرق كبير بين الاثنين ..” مع العلم الكل قالى لاتغيرين “

والان اقولكم ..

تم تحويل جوالي من (الاتصالات ) الى ( موبايلي عالم من اختياري ) ..

والله لحد يسئلني وش المميزات والفرق بس اخوي حول وانا معاه خخخخخ يقول انه ممتاز و ……..و………….. الخ من المميزات اللى ذكرها وحسيت انى تحمست واذا طلع موبزين مو مشكلة ” اللى حول رقمي يرجعه ” >> بنذبح الظاهر

الكل قالى المشكلة في الشبكة انا اصلن عندي مشكلة مع الشبكة من يوم ماكنت بالاتصالات بس الله يستر ماتزيد المشكلة ..وسئلة 4 من صديقاتي وقالوا لي توكلي على الله وغيري لانهم غيروا ويمدحون موبايلي ..

*اول خدمة ممتازة في موبايلي ( اول ماتتصل على 1100 على طول يردون عليك عكس 902 اللى تجلس نص ساعه بالضبط يرن التلفون ويجلس يقولك ( انتظاركم محل اهتمامنا ) ويقولك بعد ( نتطلع دائما للرقي المستمر نحوا المستقبل >> اي هين ) وانتظر تنتظر وتنتظر والانتظار يزهق الواحد ويخليك تطفش وتسكر التلفون احسن لك واذا جلست تنتظر اكثر من نص ساعه يقولك شكرا على اتصالك جميع الموظفون مشغولون الان ويقفل السماعه في وجهك .. )

* الحين بتقولون لية مضيعه تقول انها حولت الى موبايلي ؟؟

لانى حابه ابشركم بإذن الله راح احصل “بيتنا ” عن قريب !!! >> كيف وشلون ؟؟ :shock:

لان بموبايلي في خدمة ( أين أنا؟ ) ومن خلال ارسال فقط رسالة يرسلك رسالة ويقولك انت وين موجود ..

ان شاء الله قبل لا اكمل سنتين بالتدوين احصل بيتنا وتفتكون من ازعاجي

ادري والله انى مكلفة عليكم كثير وانتم تدورون على بيتي ومادري والله كيف ارد جمايلكم

ويقولون ان راح تفتح شركة MTC ،، وراح احول لها اذا كانت ممتازة >> بس دعاياتها بالتلفزيون تحسون انها واااااو ( والله ترا الدعايات لها دور )

زي دعايات موبايلي ….

تفاجاءت بسماحهم للمراءة “السعودية “انها تنام بالفندق من غير محرم !!! (السعوديه تسمح للنساء بالاقامة في الفنادق بمفردهن )

خطوة غريبة بصراحه ،،كانت بالليل وحده من عماتي في بيتنا وكانت تقولي السالفة ( وانا احسب انهم بيسمحون مادريت انهم اسمحوا ) واليوم الثاني وبالراديو بالسيارة الا اسمع انهم اسمحوا وانتهى الموضوع والنقاش ..

كانت تقول عمتي : ان جدا جدا خطأ ، اي بنت تزعل تروح اي فندق وتنام ،، الواحد ماقدر يمسك ولده بيمسك بنته …

اجل نقول السلام على هالبلد ..

االمشكلة لو هذا الشئ كان مسموح من يوم مانخلقنا كان معليه ، بس فجاءة يجي هالشئ احسه خطأ والبنات من غير شئ اهم اصلن ضايعين ويللة الاهالي يمسكون بناتهم ، وفي اهالي نايمين ومكبرين مخدتهم ومو مفتكرين فيهم ..

ويمكن هالشئ يكون من صالح البعض ، مثل الامهات الارامل او المطلقة وليس لديها محرم وعندها بنات وحابه تروح وتيجي معاهم ، وبيكون هالشئ من صالحها ..

والموظفات الشركات احيانا يصير عندهم دورات في مناطق اخرى من المملكة وتجلس تدور محرم يروح معاها واذا مالقت احد يروح معاها تروح عليها الدورة وتجلس مكانها وهذا حال البعض …

الخطوة فيها من السلبيات والاجابيات ( سلبية للناس التافه والصايعه والضايعه ،، واجابية لتطوير المراءة السعودية في مجال عملها او للترفية )

وهالشئ راح يسمح لزيارات بنات الدول الثانية للسعودية لانهم يقدرون ياخذون فندق بسهولة جدا

مادري هالخطوه تفتح خطوات ثانية للتطور البلد او دماره ؟؟

هل من الممكن ان هالخطوه تطور بهدف نزع الحجاب عن المراءه !!!!! ” يمكن ليه لا ، لان بيقول لها بطاقة الاحوال وش يضمنا انها انتي، وخصوصا ان مافي نساء يشتغلون بالفنادق السعودية الا اذا سمحوا للمراءة انها تشتغل بالفنادق @@ !! ”

للاسف في قرارة تتخذ بالبلد كابداية خطأ وينسون امور اهم من هالشئ ..

لكن من حقها المراءة السعودية انها تكون مثل المراءة في العالم الخارجي ..

ترى مو بس احنا الشعب السعودي يتسائل ليه المراءة السعودية مسكينه كل العالم يسئلون،، تعرفون ليه ؟؟ لان زي ماقلت لكم من زمان احنا شعب مايطور ابدا .. اتوقع بحاجة انهم البداية يعطون اولادنا دورات خارج السعودية على شان يفكون العقد اللى عندهم بعدين يبدا انطلاقة المراءة ، لكن STOP انطلاقة بحدود العقل والمعقول ..

(( مبروك للمراءة السعودية اول مكان تروح ومايقولون لها وين المحرم او وين بطاقة العائلة ))

[youtube=http://www.youtube.com/watch?v=RkAMhNuo2bU&rel=1]

البرد شديد !!

والظلام مرعب !!

هذا حال اخواننا في غزة ..

لا كهرباء ،،، لا وقود …

وليبذل كل واحد منا ما يستطيع لنصرة أهلنا في غزة ..

بالدعاء لهم ، بإرسال المسجات المناصرة لهم ، وإرسال رسائل البريد ، و بكتابة التدوينات

بكل ما نستطيع

ولنشارك في حملة مقاطعة المنتجات الأمريكية والتي ستبدأ السبت لمدة (شهرين ) …

اللجنة الشعبية لمواجهة حصار غزة