مدونة اللتان

تعرفون مطعم فنليز 

 

 

اكثر مطعم اشتهي اكل عندهم لان شغلهم نظيف اهم شئ ،،

واحلى شئ تشوف الاكل قدامك ..

بس فيه عيوب

 عيوب المطعم زحمة  الناس اوووووووف تكره نفسك توقف ..

بس اذا فاضي واااااااااوز ونااااااصه على كيفك كيفكم

موجود الدجاج والربيان والخضار قدامك والمكرونة مسلوقه

تختار دجاج او ربيان وبغدين الماكرونة ولاننسى الخضار

وبعجين الجبن يااااااااااااااااي  وبعدين

تختار الصلصله حمراء تحب او بيضهـ

واذا مكس ولا احلى

والان بدا الطبخ في نفس المطعم خخخخخخخخ

 ولما يضيف الزيت بالاكل يوصل النار لين فووق

منظر طبيعي جميل

بدات تهدء الناااار

 بس للاسف الشديد الجوووع كافر نسيت اصور لكم شكل البطق بالاخير خخخخخخخخخ

- وبالصحه والعافيهــ

 طبعا الصور من تصويري الماصون احم احم

 

** كان ودي اتحفكم بشغلات اكثر بهذا البوست

بس ولد اخووي طفشتي وجالسه اكتب بيد وحده لكم احس قمة التعذيب

في مركز تحفيظ القران اللى اروح له كل يوم اثنين واربعاء ،،،

في يوم الاثنين نتقابل مع فتيات (الصم والبكم ) ،، فتيات في عمر الزهور رائعات في الجمال ولاكن ينقصهم حاسة السمع

فلا يستطيعون السمع والتحدث  ،،

 كنت لما امر في الممر واشوفهم يتكلمون بالغة الاشارة اقول بقلبي ( الحمدلله الذي عفانا مابتلاهم به وفضلنا على كثير من عباده) ،، اللهم دم علينا النعمه ولا تحرمنا منها….

ولما ندخل المسجد نصلي ،، يدخلون بس مايسمعون الامام واهو يصلي ومايدرون احنا في اي ركعه او ايش صاير وكل وحده تصلي لحالها اشكالهم محزنة بقووووووووهـ

 

*يوم الاثنين الماضي ،، جينا للمسجد بدري  مررره ودخلنا على شان نبدا الدرس الا لقينا التكيف مسكر وحررررررر ماقدرنا نستحمل الوضع ,,, راحت وحده من الحريم الغرفة الثانية وحاولة تشغل المكيف بس ماشتغلة وارجعت وقالت ان المكيف مايشتغل وجلسنا نفكر وش نسوي ،، رحت انا وجربة اشوف لية المكيف مايشتغل الا طلع انها ماضغطة الزر بقوة وانفتح المكيف معاي الحمدلله  …. طلعت من الغرفة ورجعت للغرفة الثانية اللى احنا فيها الا قالولي يا مضيعه زيدي على التبريد المكيف لان حرر خلية بسرعه يبرد علينا …!!

-رجعت مرة ثانيه الا لقيت وحده من حقين الصمم والبكم تاشرلي بيدها ان حر مسكينة ماتقدر تتكلم ، وماتعرف للمكيف وتبغى تشوف كم الرقم حرارة المكيف ،، رويتها واشرت لها ان خلاص اوكي زين ,, طالعتني وتاشر ان لا زال حر

 

(( الحين شلون اقولها ان توني فاتحة التكيف لازم ينتظرون لين مايبرد خمس دقايق )) سكت وطالعته وابتسمت ماقدر اوصل لها اللى تبغاه  ولا اللى انا ابغى اقولهـ

طالعتني واشرتلي بيدها  على اذنها + المكيف ،،

سكت وطالعتها ,,,

اشرتلي على الفصل اللى تدرس فيه وقالتلي تعالى ,,,

رحت معاها الا تاشر مرة ثانية على اذنها والمكيف ,,…؟؟؟

طلع انها تسئل تسمعين صوت المكيف او لا ؟؟؟

هزيت راسي لها وقتلها اي اي اي .. كنت اقصد ان في صوت ..

 

 ابتسمة ابتسامه عريضة انى فهمت وش تقصد ..!!

كانت تبغى تعرف المكيف يشتغل او لا ؟؟ لانهم مايسمعون صوته

(( لان التكيف مركزي والتحكم في غرفة وحده بس ))

 

احمد ربي مليوووووووون مرة على النعمه اللى احنا عايشينها

 

** تعرفون وش يدرسون هذولي الصم والبكم **

جالسين يحفظون القران بالغة الاشارة وتدبرون كلام الله وتعاليم الدين الاسلامي

 

الله يثبتهم على ماهم عليه ويديم النعمه على جميع يارب العالمين …

امس وانا اذاكر جلسة ادور على قلم اصفر مالقيتة ،،

وانا احوس بالدروج الا طحت على دفاتر ذكرياتي

بصراحة جلسة اضحك مت ضحكــ ،، وقلت خلني انزل الجزء الاول من ذكرياتي

:d

مرحلة الابتدائي ماتذكر اشياء كثيرة غير صياحي الصباح مابي اروح المدرسة

اتذكر انها كانت مرحلة طويلهـ بس مادري كيف خلصت بالسلامهـ

كان اكتشافنا في هذي المرحلة للكتابة في دفتر الذكريات ،، المشكلة ان كل سنة نكتب حق بعض في دفاتر الذكريات ،،

اخترت لكم مجموعه من الكتابات المضحكة بعض الشئ واللى تكررة مليون تريليون مرة في دفاتر ذكرياتي

بعد الابتدائي انتقلنا الى المتوسط ،، والبنات كبروووا

طبعا الشعر صار انواع والاغاني اشكال ،، والفضائيات غير شكل ،،

وكان كتابات البنات مافيها اكتب بالمائل علامة حبي الهائل ،، خخخخخخخ

بس مرحلة المتوسط ماحبها لان مافيها ولا شئ جميل ولا اتذكر شئ حلو

اتذكر انها 3 سنوات ثقيلة دم

وارويكم بعض نماذج الكتابات بالمرحلة المتوسط

اما الثانوي ااااااااااااااااااااهـ ياليت لو يرجع دقايق ماعرفة قيمة المرحلة هذي ..

كانت احلى مرحلة بحياتي لها طعم خاااااااص وونااااااسه غير شكل احبها هالمرحلة والله

والبنات كل وحده وتكتب على طبيعتها ومن قلبها

وصديقاتي بالثانوي كانوا كثييييييييييييييير من كل المراحل ،، ومن قطرة اخذت كتابة

والبعض ماقدرت انزل كتباتهم لان صعب التشفير الكلام

(( اقول يا ميسو وين المعرس اللى من ايطاليا بتجيبينة رجعتي من السفر وماشفنا شئ ))

********

معلماتي كلهم اكتبولي في دفتر الذكريات بس الكلام المتكرر لدى البعض ،،

بس المدرسات اللى كانت كتابتهم لها طعم خاص والمدرسة للى احبها وطيبة

نزلة لكم وش اكتبوا لى بدفتر الذكريات ،، هذي دفاتر مرحلة المتوسط والثانوي …

مرحلة الابتدائي ضاع الدفتر للاســــــــــــف ،،

بالله عليكم في اجمل من الذكريات ,,

وش رايكم بالبوست هالمرهـ

انتظروا الجزء الثاني

(( اذا شئ مو واضح قولولي اي مستطيل واي سطر وانا اترجم لكم ))

 

 

اثناء حديثي مع احد بنات المنتديات ،، متعرفة عليها من السنة الماضيه …

قالتلي انها طفشانة وانها تبي تترك الدراسة ،، كلام كلنا رددناه ايام المدرسة نبي نترك المدرسة ههههههههههااااي

وجلست اسئلها لية تبي تترك المدرسة ،، وجلسة تسولف …..

طبعا البنت نسيت اقولكم عمرها 15 سنة  تدرس في جدة .. مش بالشرقية يعني خخخخخ

قالتلي ان مدرستي انا غير عن كل المدرسة بس مادري لية انا طفشانة … قتلها شلون مدرستك غير

قالت ….

انا ادرس في مدارس البيان النموذجية …

احنا ندرس على الاب توب .. كل وحده فينا تجيب معاها الاب توب حقها ..

وعندنا نشاطات كثيرة ومتنوعه بالمدرسة

* عندنا فصول للموهبات ,,, يعني البنت الموهوبة تدرس في هذا الفصل …

*نتعلم لغات كثيرة وانا درسة بس لغتين لحد الان ,…

*في فصول للغة الانجليزية نتعلم انجليزي مكثف ،، يعني يطور الطالبة

* في فصول عادية وفصول للقران …….الخ

*ومدرستنا حتى الساحة الخارجية مكيفة يعني ابدا مانحس بالحر

قتلها وناسة مدرستكم كل هذا فيها وانتي طفشانه وماتبغين المدرسة …

اللى قالته لى وسببلي صدمة قووميــــــهـ

كمان نسافر مع المدرسة بالاجازة الصيفية ,, يعني هذا الصيف حنروح ايرلندا..

تقرون اللى انا اكتبه لكم ،،

انا بصراحة انصدمة اول مرة اسمع مدرسة بنات يسفرونهم للخارج ,,, طن طااان طن

تقول انهم يدفعون 15 الف للسفرهـ منها ترفيه ومنها تقوية اللغه الانجليزية لدى الطالبات

انا قتلها ،،شلون يعني بتروحون بنات لحالكم مع مدرساتكم بس … قالت لا كل وحده ومعاها محرمها اخوها او ابوها ولة غرفة حاله ينام فيها والبنات كلهم مع بعض ينامون في قسم خاص لهم

وطبعا يسون برنامج خاص لاولياء الامور ,,, اهي تقول انها ولا مرة سافرة مع المدرسة بس هالسنة يمكن تروح مو اكيد …. 

وقالت بعد ،، ان مع هذا كلهـ مدرستكم متمسكة بالدين الاسلامي >> شئ مهم وجميل جدا ،،

ونهاية الحوار سئلتها عن المواد الدراسية الكتب حقتهم زي الكتب اللى درسناها لونها ازرق وفيها خط اصفر هههههههههه ،،

قالت :- اي ندرس كتب المدارس الحكومية العادي + كتب مدرستنا الخاصه

واخر الاخبار :- تقول البنت ،، ان الحين صاحبة المدرسة رايحة ماليزيا سافرت عشان تتناقش اللاب توب على الماليزين وشلون احنا المسلمين تطورنا في العلم والتعليم

 سين سؤال

هذا تطور او تخلف ؟؟؟

اسمع بمدارس الاولاد يروحون رحلات بس بنات اول مرة اسمع وفي السعودية والله وتطورت منفوحة …

طيب احنا في وقتنا كنا لو نطلب رحلة ,,, رحلة عادية من المدرسة كانوا مايودونا الا بطلعه الروح

وبعدين يذلونا عليها

واخرتها يودونا معرض ارامكو ،،اللى 13 سنة وانا اروح له .. انا كتبت 13 لان مع التمهيدي لاتحسبوني راسبة او شئ خخخخخخخخخخخخخ

مدرستهم توديهم رحلة على شان الفلوس او صحيح ترفه عن الطالبات وتقوي لغتهم الانجليزية

الله يرحم حالنا والله ،، قلت حق البنت اقطعيلي تذكرة بروح معاهم الرحلة

وبرجع ادرس من جديد

في احد خاطرة يروح نقص له تذكرة سفر

بصراحــــه اشتهيت ارجع للدراسه واشوف المدارس اللى غير عن مدارسنا:(

امانه ماودكم ترووحوون زي ماانا ودي اروح

صدق جدة غـــــــير..!!

*******

هامش صغير :- 

اليوم وصلني على الايميل

هذه قائمة بالمواضيع المنتشرة على الجوال وفي الإيميلات

وهي لا تصح ولا يجوز نشرها كما أفتى بذلك

كثير من العلماء

أسأل الله أن ينفعكم بها كما انتفعت أنا بها

http://www.islam2all.com/dont/dont.htm

شفتوا قمة الذكــــــاء في معهدنـــــــا ،، !!!

تخيلوا عندنا اختبار يوم السبت ولما جيت فتحت usb لقيت الملفات المرسلة كلها اختصارات وش اسوي بالملفات الاختصارات ماتنفتح ,,,

ايش اسميه هذا غباء او وش ؟؟

الاسبوع اللى راح تفاجاءنا كلنا البنات بملفات الرياضيات كانت اختصارات وقلنا يمكن المدرسة مضيعه ،، وكلمناها بالتلفون وقالت ان الاسئلة مو ضرورية وخلاص وسكتنا ,,,

(( الصورة اللى تحت عليها دائرة هذي ماده الرياضيات وال3 اللى فوق هذي ماده ic3))

اليوم نيجي ونشوف مدرسة الحاسب بكبرها راسلة لنا الاسئلة على اليو اس بي اختصارات

ياجماعه في احد عندهـ تعليق ؟؟؟

انفقعت كبدي من على الصبح ودي اذبحهم ….؟؟

حسبي الله ونعم الوكيل

حسبي الله ونعم الوكيل

حسبي الله ونعم الوكيل

 

واجب المدون محمد بن سالم اللى قام بتمرية على الله يسامحة ويهديه يارب العالمين ،،

لاني ابتلشت في الواجب مادري وش اكتب

احس راح تطلع فضايـــــــــــح ،، الله يستر من الواجب الجاي وش بيكون …!!!

وطبعا راح اعترف لكم بكل رحابة وسعت صدر وامري لله

اعترف انى عصبية بزيادهـ عن اللزوم واذا عصبت مااعرف مين اللى قدامي هذي مشكلة من جد …

واذا عصبت لازم اطلع كل اللى بقلبي حتى اغلط على اللى قدامي من كثر مااعصب ماامسك نفسي

بالاخير ..

*يا ادخل الغرفة واسكر على نفسي الباب

*او ادخل الغرفة واجلس اصيح لين ماربي يفرجها خخخخخ

* او احط راسي وانام على شان ماازيد الدنيا نار

بس لازم الشخص الثاني يسكت لانه اذا ماسكت انا مااسكت ولازم اخذ حقي ولا مابنام من القهر

مرة انقهرت من احد المنتديات وتهاوشة مع واحد من المشرفين وعصبت من جد احنا المشرفات والمشرفين جالسين نشتغل على موضوع صار لنا فترة وبالاخير يجي اهو بكل برود ويقول وش القصة ايش اللى صاير ويبدا يتفلسف والاخ مايدري وش السالفة ،، من القهر خذت السي دي اللى قدامي وكسرته المشكلة انى محتاجة له لين اليوم مقهورة على السي دي داخله اشياء كثيرة ,,, بس ماحسيت بالالم الا بعد ماهدت اعصابي بدت يدي توجعني من قوة السي دي اللى كسرته ..

**بس مستحيل امد يدي على اي شخص واصلن مااعرف حححح

بس اذا عصبت وخروا عني يومين وارجع طبيعيه ولا فيني الا العافية وزي العســـل خخخخخخخخخخخخخخ

انتهيت من حل الواجب وادري الخط مو واضح انا تعمت اختار هذا الخط على شان

تطلع عيونكم وانتم تقرون الكلام

هههههههههههههههههههههاااااااااااي

صايرة شريرة اليوم مادري ليه شغل اعناد لووووووولات

دمتم سالمين لواجبات المدووونين والمدونات

والمرة الجاية يامدونين بليز مانبي واجبات تطلع الفضايح

 

هذه التدوينة محمية بكلمة مرور. لمشاهدتها قم بكتابة كلمة المرور هنا:

كلمة المرور:

مالنا غير المذاكرهـ والكتب والدراســـــهـ ،، استغفر الله العظيم …

تجلس تذاكر طول الاسبوع وتطلع عيونك وراسك يصدع وتنسد نفسك عن الاكل واخلاقك تصير سيئة مع المذاكرهـ ،، وبالنهـــايهـ، ماتجيب علامة تفرح صح ؟؟ طبعا صح

*مادة الرياضيات من المواد اللى اكرها من جد ماحبهــا ودخلت ادبي على شان اهرب من المعادلات وحفظ القاعدات اللى ماتخلص ،، والحين صرت ادرس رياضيات وانا ماحبــهـ ,, بس مادري شلون صرت شاطره فيه خخخخخخخ افهم كل الدروس بس اذا جات بنت تبيني اشرح لها ماقدر اوصل لها المعلومة ,, اقولها اخذي دفتري وبتفهمين وصحيح تفهم هههههه

في اختبار الرياضيات المنتصف جبت فل مااارك 29.30/30 ,, علامة ولا اروع انا اصلن لو جبت 25 ممتاز لاني ماحب الرياضيات ولا انا شاطره فيه بس كويس نقصه بس نص اعتبرة انجاز من مضيعه الصراحه خخخخخ

** بكرة اختباري الرياضيات النهائي دعواتكم لى بالتووووفيق

ويارب اجيب فل ماااااااارك ,,,

ويوم السبت والاحد الاسبوع الجاي اختبار ic3 … يارب يارب اخذ الشهادهـ الدوليه حق هذي الماده

بصراحة سهله مررررررررهـ وتافه بس الاختبار (اون لاين) الله يستر وش يتطلع الاسئلة ،، والبنات اللى ماخذين هذي الشهاده قليلين جدا جدا جدا

بس انا عندي خلفية عن الحاسب من يوم وانا صغيرة ان شاء الله اجيب 800 من 1000

لاني لو جبت 799.99 ماراح اخذ الشهاده ,, راح ينحسبلي نجاح عادي ,,

** الله يوفق كل اللى عندهم اختبارات وينجحكم ويسهل لكم **

 

بمحادثة تلفونية مع وحدهـ من صديقاتي ,, كنا نسولف عن وحده من صديقاتنا دائما خواتها الصغار يردون ع التلفون ويسببون لنا ازعاج ,, وجلسنا نضحك عليها

قتلها وش رايك نشتري لها بيجر ندق عليها ولما تشوف رقمنا تتصل

 وجسلنا نضحك على اختراع البيجر ,,

يعني ياجماعه قبل تمشي وفي جيبك بيجر وشوي الا يرن ( تلن تلن تلن ) رنتة الغبيه اللى مادري وش تبي …

طبعا لاتنسون شكل البيجر كان في سلسله ذهبيه طويلة على شان مايطيح من الجيب خخخخخخخخخ

 اللى يضحك بالموضوع .,.. ان لما ندق على شخص ومايرجع يتصل عليك يرجعون ويدقون عليه مرهـ ثانية ويعصبون اذا ماكلمهم … طيب من وين يلاقي تلفون ,, يعني لو كان في الطريق يوقف عن السوبر ماركت ويتصل خخخخخخخخ

او يدق على بيوت الناس ويقلهم ممكن تلفون بكلم زوجتي

لان لحد الان ماطلع الجوال كان بس بياجر الله يرحم ايام زمان

طيب لو كان للحين في بياجر راح تطلعون لكم بيجر ؟؟

طيب لو اتصل عليكم احد وين راح توقف وتكلمة ؟؟

هل هذا الاختراع ممتاز او سيئ ؟؟

بس تعرفون انه احسن من الجوال على الاقل مايجيلك فايروس يحرقة ولا تقراء مسجات تسد النفس ولا يوصلك بلوتوث ولا ولا ولا ……..الخ ,,,

 بس اللى اخترع البيجر مين .؟؟

ولية اخترعه كان عندهـ هدف ؟؟

طيب الحريم اللى طلعوا لهم بياجر ليه ؟؟

لو البيجر موجود لحد الان تتوقعون بيغيرون شكلة او بيكون زي ماهو ؟؟

كلفتنا الاستاذهـ تالا ،، بواجب غريب من نوعــهـ لم يخطر في بالى من الاجابات الا القليل ..

وكان الواجب .. افكار برائة الطفولهـ ..

εìíз

اعتقدت ان اي شخص يتكلم خرابيط او اي خرابيط نقولة هذي هي اللغه الانجليزيه وكنت اتوقع انها سهلة..

εìíз

كنت اخاف من اذان الفجر لما يقول الماذن (( الصلاة خير من النوم )) كنت اعتقد ان هذي الكلمة لما يقولها ان خلاص جاء يوم القيامة وبياخذون امي وابوي واخواني وكلنا راح نمووت خخخخخخخخخ

εìíзكانت اختي تلعب معاي بحديقة بيتنا كورهـ وكانت تقولي ان اهي كابتن ماجد وانا كابتن رامي ,,, وكنت افكر اننا لما نكبر بنصير كابتن ماجد ورامي ،، وضاق صدري انا ابي اكون كابتن ماجد وصرت كل العب لحالي على شان اصير احسن منها واكون كابتن ماجد هههههههههههههههههههه

εìíзلما كنت بالتمهيدي كنت كل يوم الصباح لما اروح المدرسة اصيح واسوي حفلة مابى اروح ولما يجي وقت الظهر لما يتاخر السواق كانت المدرسة تغني (( ماما زمنها جية بعد شوية جيبها حقت ولعاب ……….الخ)) كنت اصيح اكثر واكثر واكثر لاني اعرف ان السيارة تاخرة واحسب ان اهلي مابيجون ياخذوني وصرت اكره هذي الاغينه لوووووووووووولز

εìíзلين المرحلةا لابتدائية وانا كل اصيح مابي اروح المدرسة كنت افكر انهم يودوني يمهدولي الطريق وبعدين راح يتركوني ولا بيرجعون ياخذوني ،، وبيخلوني خلاص بالمدرسة على شان يفتكون منى كنت اعاني ايام المدرسة من هذي المشكلة هع هع هع

εìíз

كانت ماما تقول :- اذا زعجتوني وماسمعتوا كلامي بتركم واروح عنكم ،، سئلتها اذا رحتي عننا وين بتروحين ؟؟ قالت خلاص اروح واتركم واروح بعيييييييد …!!! كنت افكر وين بتروح يعني … (( كنت اتخيل انها بتروح تمشي لحالها في جبل كله ثلج وبيدها بقشة حمراء زي افلام الكرتون )) هههههههههههههههههههههه

εìíзكانت ماما وزوجة خالى يقصون علينا انا وبنات خالى يقلولنا اذا رحتوا الروضة وصرتوا شاطرين طول اليوم تيجي العصفورة تعطيكم هديه ولازم ننام بدري ،، واحنا لما ننام بدري كانوا يروحون السوق من ورانا ويجيبون لنا هداية ويحطونها لنا تحت المخدهـ هههههههههههههههههههههه ولما نصحى من النوم نلاقي هدية ونااااااااسه

εìíз

بنت خالتي لما كانت تيجي من سويسرا لازم تنام عندنا مستحيل تنام في بيت احد ثاني ،،، ولما يجي الليل وبنام تقولي ؟؟؟ مضيعه بايش انتي تفكرين دائما .. قتلها مافكر بشئ ؟؟ قالتلي انا افكر لو يوم من الايام جاو عائلة وقالوا انك انتي بنتهم الحقيقية وان امك وابوك هذولي سارقينك او متبنينك ايش راح تسوين ؟؟ ترجعين لعائلتك الحقيقية او تجلسين مع اللى ربوك …. هههههههههههههههههه الله يسامحها ماخلتني ايام طول طفولتي كل افكر ايش اسوي اروح مع العائلة الثانية او اجلس مع عائلتي ههههههههههههههههههههههه … الظاهر بنت خالتي متاثرة بالافلام الاجنبيه كثير هههههههههههههههههههههه

بالاخــــــــــيــــــــــر صرت مضيعه بيتهم

امرر الواجب على كل من المضيعين والمضيعات بيوتهم ..

* التفاحه الخضراء

*اتحضان المجهول لعقل مثل الماء

*الاسمراني راكان

*خارج حدود العقل

*بنت الروح

واتوقع ان باقي المضيعين والمضيعات بيوتهم مر عليهم الواجب ،، اللى مامر عليه الواجب يحله …. خخخخخخخخخخخخ