بلوزة الكلية…
سبتمبر 28th, 2006
6 comments
من امس وانا مريضة جايتني فلونزا شديده ومع الصيام يزيد المرض
بس جالسة وافكر وش انزل بالمدونة حقتي بعد ماصارت معاي اوكـــي وانا فرحانه
احس كل اللى مخططة اكتبه راح من بالي بعد ماضيعة بلوقي القديم !! بس مو مشكلة العوض على الله
اليوم وانا داخله الماسنجر الا وحده من صديقاتي بالكلية (مس كيوت) كاتبه
اتبع النظام والبس بلوزة محتشمة ولا بيلبسون زي كذا
دخلت ودقيت عليها الا لقيتها حاطة صورة شبة مو غريبه على
لما سئلتها تقول انها لابسة بلوزة عادي ومادري ليه حقت الامن راحت وخلتها تغير بلوزتها وتلبس بلوزة الكلية
((طبعا بلوزة الكلية لونها ابيض وعليها شعار الكلية ((تقول كانها البلايز اللى يحطونها دعاية مع معجون الطماط
هذي هي البـــــــلوزة
جلــــــــــــسة اضحك بالماسنجر
قالتلي اخذوا بلوزتي ولبسوني بلوزتهم حقت الكلية وقالتلي حقت الامن بكرة رجعي بلوزة الكلية ونعطيك بلوزتك
طبعا اهي من ا لقهر اللى بقلبها راحت ونزلة البلوزة بالماسح الضوئي وناوية تشهر بالبلوزة
((المشكلة ياجماعه محد كان يضحك على بلوزة الكلية غيره اهي ))
وكل ماتشوف بنت لابسة بلوزة الكلية تقول هع هع هع مايندرى وش كانت لابسة وخلوها تغير بلوزتها ..
انا اخذت الصورة منها بالماسنجر بدون ماتدري ورويتها كل الصديقاتي
((من عاب ابتلا))
ونزلتها لكم
بس سؤال واحد احنا جاين ندرس وهالامن بس يدورون ويشوفون المخالافات كاننا جالسين بمدرسة
مو ناقصنا الا يجون ويفتشون على الاظافير
صحيح التشديد زين بس زي كليتنا لا مصخوها بزياده
لدرجة يخلونكم تكرهون الدراسة فيها
اتوقع ان كل المدونة حقتي راح تكون عن ماساتي مع الكلية
لو تشوفون المبنى اللى احنا فيه اتوقع بيجي يوم وبطيح هذا المبنى
تصدقون حتى جدتي كانت تدرس بهذي الكلية
امنــــــــــــــــــــــيتي
يخلوني خمس دقايق اصور الكلية وانشر صورهـــا ..
صدقوني راح تكون صور اثرية راااائعه ونادرة جدا جدا
Like
Categories: الــكــل
بصماتكـــم