الليلة هو يوم ميلادي 6/ أكتوبر يعود من جديد ..

لا يحمل اي شئ هذا اليوم بالنسبة لي ولا لعائلتي :aha:   يوم عادي سيكون كايوم يمر علينا ..

يوم ميلادي الذي كان يذكرني بقدومة هو ” والدي ” ولا اعلم هالسنة الماضية وهذا العام يتذكر والدي يوم ميلادي ام ان قسوة الحياة انسته كل شئ …!!

ولكن هذي السنة تحمل الكثير لي من التغيرات في حياتي ، وحققت فيها بعض احلامي إلا ان هناك حلم مازال يراودني واتمنى في يوم ميلادي السنة القادمة اكون قد حققته ويصبح الحلم حقيقة ..

كانت أجمل سنة بالنسبة لي رغم قسوتها يكفيني تعرفت على الكثير وتعلمت الكثير …

::

شكراً لكل من قدم لي شئ مميز في هذا العام

::

ميلادي الذي سيأتي غداً، اعذرني فليس لدي الكثير لأقوله لك، تعلم أني استهلكت ثرثرتي على مدى السنوات الماضية،

التي ظللتُ أهيء نفسي فيها لكل ليلة 19 من أبريل..
الليلة سأنام بهدوء، وبرضى عن ما صنعته في العام الماضي..

أصبح على خير، تصبح على خير يا ميلادي..

- هديل الحضيف … بكرا بـ اكبر

Like

Unlike

26/سبتمبر هو يوم افتتاح مدونتي ، واليوم اكملت مدونتي عامها [ الثالث ] …

لن اكتب كل عام ومدونتي بخير سأكتب كل عام وانتم بالف خير ..

بفضل الله ثم تواجدكم استمرت هذي المدونة 3 سنوات ، لم اعتقد بإن الإيام تمر سريعاً واني سأحتفل بها لعامها الثالث ..

فكرة مع نفسي هل تستحق مدونتي ان احتفل من اجلها ؟؟؟

بكل صراحة لم اجد جواب كافي ولكن الجواب الحقيقي الذي يستحق ان اخبركم به ،، انكم انتم من يستحق ان احتفل لوجودهم حولي ،، وادعوا من الله ان يمد في اعماركم جميعاً اعوام عديده بطاعة الرحمن .. واتمنى ما خطة قلمي من حروفي المتواضعه ان يرضي رب العالمين ثم يرضيكم جميعاً ..

شكراً لكم مدونات ومدونين وزوار وزائرات ..

شكراً لتواجدكم

شكراً لكل الحب

شكراً لانكم كنتم خير صحبة لي في هذا العام …

~{ هل سأحتفل في مدونتي لعامها الرابع ام لا ؟؟ ادعوا من الله ان يكتب لي ان احتفل بها لأعوام عديده وانتم معي …

طاب يومكـــم ..

——-

* الصورة في الأعلى احتفلت يوم امس على مرور مدونتي 3 سنوات وجبت الشمعه وقالي مضيع معقولة مدونتك 3 سنوات ؟؟

افكر انك 4 سنوات وانك بعدي بسنة >> انواع التحطيم .. اما أمي قالت لي كم لها مدونتك سنة بس ؟؟ ولما قلت لها 3 سنوات ماكان في اي تعليق ..

Like

Unlike

لا يخفى على الجميع القرقيعان واكيد الكل يعرف القرقيعان وش اهو !!

اذا كنت ما تعرف وش هو القرقيعان يمكن مراجعة العم قوقل وبعدين العودة وأكمال البوست …

في أيام القرقيعان كان مضيع يدور في المطبخ عن قرقيعان ، وسئلته ايش تدور ؟ قالي : ادور قرقيعان معقولة السنة مافي ولا قرقيعان ؟؟ جاوبته بشكل سريع اني السنة ماشفت ولا كيس قرقيعان بصراحة بعكس السنوات الماضية ، يمكن بسبب الظروف اللى يمر فيها الجميع من بيوت خالاتي وخوالي ..

سئلني سؤال واحد وكان بقوة وبكل حماس : ويــــــــــن اختفى القرقيعان ؟؟؟؟؟ واكمل حديثة وقال : كانوا قبل يجي قرقيعان كثير واشكال والوان معقولة محد صار يسوي قرقيعان ؟؟؟

انا : الا يسون الناس بس مايرسلون حق بعض لان يقولون انة بدعه وحرام والخرابيط اللى اطلعت ..

قلت مسكين اخوي مشتهي مكسرات ورحت قتله بسرعه البرق ( مضيع في مكسرات احط لك؟؟ )

مضيع : لا ما ابغى مكسرات اللى في داخل القرقيعان غير …!!!!!!!!!!!!!

ما اعرف لية يقولون ان القرقيعان بدعه ،، بصراحة احس انة شئ جميل ويسوي جو أكثر من رائع ..

اعتقد ان القرقعان اختفى لانه صار مبالغ فية !! اي نعم مبالغ بشكل غير طبيعي ،، كان في السابق القرقيعان كل طفل يلبس كيس ويدور على البيوت ويحطون لة شوية من القرقيعان اللى عندهم ، وتطور وصار في اكياس البلاستك الشفافة تبع اللحم وتطور وصار في اكياس كشخه الى وصل الى زمنا وصار القرقيعان وكانه تحفة ثمينة وغالية ومرصعه بالالماس ومجسم نادر جداً وداخله اغلى انواع الحلويات … وياليت على كذا تجيك تحفة كبيييييرة وداخلها مكسرات قد فنجان القهوة يا الله وين قرقيعان قبل ماتشوف السلة من كثر القرقيعان اللى فية وطالع لين برا ..

الله يرحم أيام [البيض الصعو] اللى تطور وصار اسمة ( ملبس ) والله اسمة صار سخيف انا كنت اكلة قبل لان اسمة ( بيض الصعو) من يوم ماتغير اسمة كرهته ومن يوم ماقاموا يسون سخافات فية ويحطون داخله شوكولاته وبسكوت وفستق  ويلونة بألوان الموضة صار بايخ احلى شئ البيض الصعوا القديم اللى داخله حبة بليلة ناشفة وقيلة مجففة  [ اخوي مضيع يبحث عن القرقييعان القديم اللى داخله " بيــض " الصعوا المدور الملون اللى لونة تقولون طاقته الشمس ] …

الان القرقيعان في هالزمن اتحدى لو تحصل فيها مكسرات كلها حلويات مضرة بالصحة وخرابيط والعاب من النوع الصغير والرخيص والرديئ وباب ماجاء في الفشخرة داخلها 5 ريالات >> ابي افهم الحين هذا قرقيعان او عيدية …

الله يا قرقيعانا راااااااااااااااح وراح زمنا وزمن الذكريات الحلوة والأشياء الحلوة …

عزيزي مضيع : لا تبحث عن الماضي وعش هذا العصر والزمن بكل حلوة ومرة وكن مؤمن بقضاء الله وقدرة فلن تجد بعد اليوم بيض الصعو اللى طاقته الشمس ، ولن تجد اي شئ يذكرك في ايام الطفولة والشباب ،ولن تحصل على كيس قرقيعان او سلة قد صنعة من الخوص وبداخلها القرقيعان القديم وبكمية كبيرة ، فكل شئ جميـــل بهذي الحياة قد رحل تذكر الاغنية القديمة اللى تقول ( ما بلاش نتكلم في الماضي … الماضي دا كان لكه جراح ) …

——————–

هامش /

البيض الصعو اللى طاقته الشمس اللى اقصده في البوست هوالموجود في الصورة الاولى لونة ( وردي وفي سماوي ) علماً ان مافي منه الا 3 ألوان ( ابيض – وردي – سماوي )

اما في الصورة الثانية هذا الملبس نفس بيض الصعو بس داخله شوكولاته او فستق >> يعني مطورينه وصار مو حلو حلاوة الشئ قديم :d

Like

Unlike

اخوي المدون  رائد محمد الزهراني ” جندبي “

قام بتحويل واجب يقلب ذكريات غبراء وهل المره بتطلع فضايحي والله يستر

اول طلب الصوره

بصراحه اخاف من العين<<< تدرون شقرا وعيوني زرق

<< احتفظ فيها الى انذار اخر

..

هذا انا يوم كنت صغيره كنا ساكنين في سكن داخلي وكان السكن امان وسكورتي وحمايه فا ما كان خوف على اطفال السكن لذلك <<حلوه لذلك صح … كنت كل يومي في الشارع و البحر فهمتوا كيف

نبدأ من الروضه

- احم وانا في الروضه كنت مسويه كبيره واذكر كنت اتشيطن مع الاولاد طبعا ما احب احد يلعب علي .. واذكر كان في ولد يتشقلب وانا ما كنت اقدر اسوي مثله لسبب واحد” لان كنت ألبس مريول وهو بنطلون و بلوزه فا هذا شي تسبب لي ازمه على المدى البعيد” المهم يجي ذاك اليوم ويقهرني بعدها قلت اعرف اسوي مثلك ومسويه قويه في الفصل قال ما يصير فقلت  الا يصير المهم تشقلبت ولا طلع شي << علينا !! استروا علي الله يخليكم هع هع بس ما فيش مستحيل مع سمنتومه << الله يذكرهم بالخير صاحبين هل السمايل

- واذكر مره في الروضه بعد كانت المعلمه اطلبت مننا نغمض عيننا بيدنا وبعدها تحط تحت كراسينا صوره والشاطر منا يقول وين الصوره تحت اي كرسي وياخذ هديه .. الاغبياء الاولاد كانوا يغمضون عينهم بيدهم بس يفتحون فتحه كبيره يبين انهم يشوفون      فا تقول لهم  المعلمه سكروا عينكم .. اما انا الذكيه احم احم كنت اغمض عيني بس اخلي فتحه مرررررررره صغيره اشوف منها وبعدها اقول وين حطت الصوره بس طبعاً انا ذكيه مو كل مره اقولها وين حطيتها على شان ما تكشفني اني اشوف << يمديكم على الذكاء

ايام الابتدائي

_ ايام الابتدائي اذكر اول يوم لي في المدرسه كانت تطلب منا المعلمه نرجع الكتب في الشنطه اذكر يومها كانت معي شنطه وكيس وبعد كل حصه تقول يا الله من اسرع بنت تحط كتابها في الشنطه وانا مسويه ذكيه كنت احط الكتاب في الكيس بدل الشنطه على شان كذا  وكنت اخلص اول وحده بس المشكله رجعت البيت و الكيس ما ينشال من ثقله والشنطه فاضيه << ادري ادري ما يمديكم على الذكاء

- مره من مرات طلعت من المدرسه انا وصديقتي نوره ورحت لبيتنا انا واياها وجلست في الحديقه نلعب ولا دخلت بيتنا الى صلاة العصر تقريباً  وفي هل الوقت ام نوره انهبلت وامي انهبلت يدورونا طبعاً ابوي وابوها في الدوام فا صارت ضجه وحاله وفي الاخير لقونا في الحديقه <<< يا بردكم بس

_ انا ام السيكل

في طفولتي كنت أوم السيكل اذكر ايام الابتدائي كان عندي سيكل احمر ابو ظهر تذكرونه هههههه .. وكنت اطلع كل عصريه واتمشى فيه ليييين امل اقصد لين يجيني النوم  .. بعدين يعنني كبرت وقلت هذا السيكل يفشل فا شريت سيكل جبلي<<   ياهووو يا كشخي ذيك الايام .. كنت انا ونوره بنت جارتنا و وصديقاتي عندهم سياكل مثلي وكنا نطلع من العصر ما نرجع البيت الا على 9 او 8 العشاء

- وكنت مسويه حركه خنفشاريه .. كنت ارفع رجولي فوق المقعد والسيكل يمشي  والحركه الثانيه كنت امشي بالسيكل بدون ما امسك الدركسوون << تراهي مو ولد  بنت صدقووووني بس عندها مواهب متعدده

- اذكر معذبه امي ما كنت البس فساتين واحس هذا الشي مو لي كل دولابي بناطلين وشورتات ..  وإلى بكره وانا كذا ما ادري متى بعقل والبس تنوره طويله  واصير حرمه !! ..

تجارتي

- اذكر انا وصدقتي نوره مسوين فيها مشروع بزنس ينقال لكم  فا كنت انا وياها ناخذ اسوارات الحديد تذكرونها !!  ” قبل امس والله شفتها في كليرز ونويت انزل فيها بوست يوم شفتها  “ تذكرونها بنات ذيك الاسوارات الحديد الي تعور شوي لانها تعلق بشعر اليد هههههههههههههههههه .. المهم كانت تنباع يمكن 8 حبات مع بعض وانا كنت اشتريها من الرياض يعنني كشخه ولا كانوا البنات يقدرون يشترونها المهم فا صرت انا واياها ناخذ حبه وحده ونحطها في كيس الزعفران حق امي لان كانت اكياس صغيره ونحط فوقها استكر مكتوب 3 ريال .. وبعناها وكسبنا بس ما اذكر تقاسمنا المبلغ  او لا ههههههههه << شكلي سحبت عليها

- طبعا بما ان لا مستحيل مع اسما وانا ام الحركات الخنفشاريه ولا احد يتحداني اذكر كان في مراجيح عند البحر المهم اول انجاز لازم اسويه اني انط من المرجيحه وهي تتحرك واطيييييييييييير في السما فا كانت اول ما ترتفع اعلى شي فوووووووق انط واطييييير في السما << اقولكم خطيره بس محد يقدر مواهبي

- والحركه الثانيه كانت فيي لعبه عند البحر زي شبكة مربعات مو عارفه اشرحها المهم انها ترتفع عن الارض تقريبا 4 امتار فا كانت اول حركه لازم اسويها اني ارفع رجلي على اول عامود بالعرض قريب من الارض بعده الي فوقه وبعدها الي فوقه وبعدها اتقلب على ورا يعني احط رجلي على ارتفاع مترين تقريبا واتقلب على ورا .. والحركه الخطيره والخطره الثانيه اني اووقف فوق على العواميد والمكان مرتفع ” تقريبا الاتفاع 4 امتار او 5 “ اول الايام كنت اخاف بس صريت وصريت  الى ان وقفت وناديت خواتي يشوفوني وانا اسوي هل الحركه وصرت بعدها مشهروه عند صديقاتي بهل حركه << اقولكم اني خطيره صدقوووني

- وايام طفولتي كلها هوشات وكانت متعتي الهوشه .. وناااسه لم تصير هوشه و كل يوم  اربعاء لازم لازم هووشه نتهاوش مع البنات لين تجي امهم  وتهاوشنا ونعقل ..

- انا اذكر مره كنا في بيت جدي في الرياض مع خالي مساعد المهم كان يوم مطر وكنت انا واياه بالحوش و ورى البيت في ممر وكان بيت جدي من فوق زي المظله ” قرميد ” صغير فوووق عند السطح تقريباً زي الزينه كذا << ادري ما فهمتوا شي .. المهم واحنا تحت المطر هو ركض اخر الممر وانا اطالع فوق اقول بيطيح علي الجداار وكان الجدار ” الي زي المظله ” مو واضح انه بيطيح ابداً وثابت بس كنت حاسه اني بيطيح وهو يناديني تعالي اركضي وانا خايفه اقول بيطيح المهم ركضت بسسسسسرعه الى اخر الممر واول ما وصلت طاح الجدار من فووووووووق الى تحت كل الي في البيت اطلعوا توقعوا ان متنا او شي لانهم كانوا يسمعونا نلعب بره وفجأه جدار طاااح  .. و الى بكره مو عارفه كيف طاح وكيف عرفت انه بيطيح << على فكره عندي الحاسه السادسه بس لا تعلمون احد .. بتدوينه ثانيه راح احكي عنها

- عندي ذكريات كثيييييييره وطفولتي ولله الحمد كانت تجنن واتمنى لو ارجع هذيك الايام لو ساعه انا رااااضيه

_ وبالاخير مراح امرر الواجب لاننا في عطله صيفيه ورمضان ومافي دوامات فا صعبه امرر واجبات والناس عطله

Like

Unlike

المقاله” اضغط هنا ”

يوم الجمعه اليوم يعني نزلت مقالتي في جريدة الجزيره

صحيت من النوم متأخر والا اشوف مسج من صديقتي تقولي ” الف مبروك اسماء على المقال الجميل استفدتي من الي ناخذه وعقبالنا ” <<<< انا :| اي مقال !!!

بعدها كلمتها وقالت لي مقالتي في الجريده وانتي نايمه

…

شوي والا جوالي ما سكت حسيت اني مهمه فجأه هههههههههههه

..

وان شا الله الكل يستفيد

تحياتي

Like

Unlike

في الاسبوعين الماضين كان في سوق خيري ” اذا ماكنت غلطانه ” في قاعة الجوسق بالدمام  واتفقت مع مجموعه من بنات المنتدى اننا نلتقي

اجتمعنا وشفنا بعض مع ان ثلاث ارباعهم ملتقين فيهم من قبل وبعضهم يقولون  لي ( يللة خمني انا مين ؟؟ ) >> ياويلي اخمن مين او مين :d

وبعد ماخلصنا وتفرقوا بعض البنات سئلت وحده من البنات عن عائلتها لان ووجه مو غريب ..

الا كان في بنت بمرحلة الثانوي كانت نشيطة واجتماعية وتسولف وتقترح …….الخ قالت انتي بعد مضيعه وجهك مو غريب انا شفتك في نافذة الفتيات ( اتوقع نافذة الفتيات كانت من كم سنة )

ابتسمت لها لاني ما اعرفها اول مرة اشوفها …

بعد مرور نص ساعه تقريباً الا نفس البنت اللى بمرحلة الثانوي احصلها تكلم بنت ( هذي البنت اللى تتكلم معاها انا اعرفها كانت معاي من المتوسط لين الثانوي )

تعرفون ياجماعه الدنيا لما تلف فيك بدقيقة وحده وانت واقف وتبغى تتكلم ولسانك ينربط وشريط الذكريات يدور في راسك بشكل غريب

انا نديت البنت نفسها اللى معانا بالمنتدى قلت لها فلانه تعالي تعالي تعالي عرفتك ….!!! >> مليون الف علامة تعجب في وجهي وراسي احس مثل الشريط يدور ويدور ومو مصدقة

قلت لها انت كنتي تدرسين في الابتدائي بمدارس الرابعه والعشرون صديقتك بنت خالي فلانه كنت بثاني ابتدائي تطلعون من المدرسة وتركضون بالشارع ( ما اقدر اكمل من الصدمة )

البنت : اي اي هذي اناااااااااااااا  (( انا كنت بالمتوسط بس نطلع من المدرسة وناخذ بنت خالي ونشوفها اهي معاها ))

انتهى المشهد …!!!

* تخيلوا ياجماعه هذي البنت كانت صديقة بنت خالي في مرحلة الابتدائي والحين اهي معاي بنفس المنتدى وتدرس بالمرحلة الثانوية ” تغيرت كثير شكلها اتذكرها واهي صغيرة بالمريول المدرسة الكحلي وكانت تلعب بالشارع وتصارخ وتقفز وكان اخوها لما يرجع البيت ويحصلها بالشارع يعصب ويهاوشها “  >> لوووول طلعنا فضايح البنت خخخخخ
كل هالاشياء اتذكرها وكانها اليوم واشوف المشهد قدام عيني ..

افترقت اهي وبنت خالي لان كل وحده راحت مدرسة بعد ما تخرجوا من الابتدائي ،، كان راح يلتقون بمرحلة الثانوي بس سبحان الله اهي لما راحت المدرسة اللى فيها بنت خالي كان توها بنت خالي ناقلة من المدرسة وما كتب لهم الله يلتقون ..

انا عند الباب طالعه من القاعه وبيدي الجوال اتصل على بنت خالي وامشي للسيارة واقولها القصة من كثر ما انا منصدمة ” حتى بنت خالي انصدمت انها حصلت صديقة الطفولة ” …

يا الله كيف البزران يكبرون :46:

( صدق من قال الدنيا صغيرة ) …

Like

Unlike

Hadeel: قريتي جاهلية؟

أنا: لا

Hadeel:انا حبيتها مره

أنا: اجل بدورها بغرفة مضيع اذا ماعنده بشتريها

Hadeel: اعتبريها هدية مني

أنا: تسلمين والله

هديتك وصلت

خلاص لازم بقراءة

احب احد يقولي اسم كتاب واقراءة:)

Hadeel: اقصد برسلها لك

أنا: تسلمين والله

Hadeel: ابدااااا :-#

أنا: اكيد الكتاب عند مضيع اذا ماعنده بطلع اشترية

وبعتبرها هدية منك=)

Hadeel: يؤ !!

أنا: وبقول للمدونين هدية من هديل بس الكتاب ………………….

بعد القراءة اكمال الفراغ

اذا حلو او لا؟؟

^_^

Hadeel: أجل دامك كذا، راح اهديك كتاب ثاني بس ما راح أقول لك شو عشان ما تدورين عليه

أنا:

خلاص ننتظر

تسلمين …

07:12 م

5/ مارس /2008

هذا موجز من الحوار  اللى دار بيني وبين هديل ” الله يرحمها “ قبل خروجها الى معرض الكتاب ،، وكانت تسئلني اذا ابغى كتاب وان معرض الكتاب فرصة ما تتعوض ،، بس وقتها ما كان في اي كتاب في بالي او شئ محدد ، وسئلتني عن كتاب جاهلية ..

في كل مرة ادخل لمكتبة جرير اسئل اذا توفر كتاب جاهلية او لا ؟؟ وفي كل مرة احصل نفس الجواب ان الكتاب مش موجود …

بعد فترة جاني الكتاب هدية من بنت بنت عمي الله يجزاها خير في زيارتها للبحرين وجابت لها نسخه و ما نستني بنسخه ثانية ..

فرحت بالكتاب لاني كنت ادورة من فترة ، وبديت القراءة الكتاب و كل مرة امسك الكتاب واشوف العنوان ( جاهلية ) اتذكر هديل الله يرحمها …

- كنت اتمنى انى اخبر هديل عن رأي بالكتاب واعرف وش اللى اعجبها في الكتاب هل الاسلوب او القصة او كل الكتاب  ؟؟ بعد ما انتهيت من الكتاب سئلت صديقاتي مين قرأ كتاب جاهلية ؟؟ (( فقط اريد النقاش مع اي احد قرأ هذا الكتاب ، واعرف رايهم قبل لا اطرح هذا البوست وهل هو شبيه لرأي )) ،،

اما عن نفسي :

اسلوب الكتاب جداً رائع يعجبني هذا الاسلوب ولكن فكرة القصة اعتبرها شبة تقليديه او قصه قديمة تتكرر في الكثير من الكتب، بس جميل انها تطرقت الى العادات الموجودة في بلدنا عن زواج من الرجل الاسود اللون ،وكيف نظرت الناس والمجتمع لهذي النقطة باسلوب رائع ولكن انهت القصة دون ان تذكر حل لهذي المشكلة ..

لما كنت اقرأ الكتاب كنت مستغربة من كلمات غريبة مثل ( أوّل ،، أهون واوهد ، ومؤنس ، شيار ،، وعل ، الأصمم ……..الخ )

طلع انها اسماء الايام والاشهر ايام الجاهلية ..

أول : الأحد / اهون وأوهد : الاثنين / جبار : الثلاثاء / دُبار او دِبار : الاربعاء / مؤنس : الخميس / العروبة وحربة : الجمعة / شِيار: السبت ..

المؤتمر: محرم / ناجر : صفر / خوان أو خوان : ربيع الاول / عاذل : شعبان / وعل : شوال / برك : ذوالحجة ………..الخ من الباقي ..

اتمنى لكم قراءه ممتعه .. :book:

كتاب : جاهليّة . (( رواية ))

الكاتبة : ليلى الجهني .

عدد الصفحات :181

دار النشر :- دار الآداب .. بيروت

الطبعة الثانية : 2008 م

** كتاب جاهلية على موقع النيل وفرات

Like

Unlike

هناك ماقمت بالعمل به وكنت انتظرة منذ زمن طويل ولكن اشعر واني اعود الى خط البداية .. ومع هذا اقول ( الحمدلله ) ..

كل الاشياء اللى حابه اني اكتبها ماتعني احد ولا بتفيد اي احد لو كتبتها بس تفيدني كثير ،، لاني كل يوم اكتشف شئ جديد اشغل نفسي فية …

-  حزينة جدا لاني لم انجز اي شئ في العطلة ،،، اتمنى اجازتي الصيفية القادمة تكون افضل من هالعطلة ..

..

Like

Unlike

غنّوا لحبيبي وقدّموا له التّهاني  ،،في عيد ميلاده عساها مية عام

اليوم 6/ أكتوبر اكملت عام من عمري ،، والحمدلله رب العالمين ان امد بعمري عام اخر ..

اعوام تمر من حياتي ..

:52: ودعت عام وقابلك عام ثاني  ،،

تعلمت في السنة الماضية من عمري الكثير والى اليوم والى الغد وبعد الغد وانا سأتعلم باذن الله ” بعمر مديد ان شاء الله بطاعته الرحمان “  ، الحياة مليئة بالتجارب اشعر واني كل يوم اكبر عام وليس في كل عام اكبر عام …

والله الفرح نساني هموم والآم ،،وأجمع أفكاري ويعجز لساني

اتمنى ان يكون باقي عمري بطاعة الرحمان واخدم الناس اكثر من هم يخدموني …

وان تكون حياتي اجمل و من ما مضى ،،  :40:  واني ما انحرم من احبابي حولي ..

:6:

~{  في كل يوم 6 / أكتوبر ،، الشخص الوحيد واول واحد يتذكر يوم ميلادي هو والدي .. هل يتذكر الان ان اليوم هو يوم ميلادي  ..

Like

Unlike